Jeremia 51:12 - KITABU KITAKATIFU

¹² Mu singeridze ibendera ku madigi ga Babuloni, mu kole bulindi bwetsingulu, mu vike avalindi, mu lombe ava goneki: kigira Yahova u saaviye, nokukola aga ya vola ku yavo ava menyanga Babuloni.

Jeremia 51:12 ပူးပေါင်းရင်းမြစ်များ

Tsing'ano 21:30

Si ha veye nobugeeri, kinga limanya, Kinga makuva ga nyala kusingira ku Yahova.

Isaya 11:12

Naye a la singeridzira tsihiri ibendera, na a la vungidza ava syuvwa va Israeli, nokuvungidza ava salanywa va Yuda kutwula kutsintulu tsine tsyelirova.

Isaya 13:2

Mwesingeridzire ibendera ku kigulu ki ta veye nemisala kinga ubulimu, mu hanzuke myoyo gyenyu, mu va sime nomukono, va duke kwingira mu viribwa vyavanene.

Jeremia 23:20

Ubutima bwa Yahova si bu lirana mba, a luhe a male likola, a luhe a twekidze lisaavira lyomwoyo gwigwe: mu madiku gekiheri mu la manya likuva yili bulahi.

Jeremia 4:28

Kigira vindu yivi lirova li la syoma neligulu li la va limwamu; kigira mboye yaga, nsaaviye, si nzeganiye, si ndirana inyima ku inkuva yiyi.

Jeremia 50:2

Mu landidze makuva mu tsihiri mwilwadze, nokusingeridza ibendera, mwilwadze, mu ta visa mba: mu vole, Babuloni li vuguywi, Bel u leganyeywi, Merodaka u timuki enkolo; vifwananyi vyalyo vi leganyeywi, vifwananyi vyokusigamirwa vyalyo vi tsyomwa hasi.

Jeremia 50:25

Yahova u kunu ye livikiru lilye lyevyuma, na u leti kyova vyuma vyobutima bwibwe: kigira Yahova, Yahova wa mahe, a veye na miyinzi gya yenyanga kukola mu kivala kya Vakalidei.

Jeremia 51:11

Mu hyagale mibano, tsikuti mu gumire netsingulu: Yahova u vukidzi roho gyavami va Vamedi; kigira tsiganagani tsitsye tsi veye ku Babuloni, kulidividza: kigira kisalya kya Yahova, ki veye kisalya kyelitempeli lilye.

Jeremia 51:27

Singeridza ibendera mu kivala, mu kupe kisiliva hagati hetsihiri, mu sone tsihiri kuye, mu lange ubwami bwa Ararati bu vunge halala kuye; na Mini, na Ashikenazu: mu vike umunene kuhing'ana naye; mu lete kuvo tsiparasi, tsyanegire kuli ubudziriri.

Jeremia 51:29

Kivala ki degeranga, na ki veye nelitsunwa; kigira lisaavira lya Yahova lya saavira ku Babuloni li singiranga, kukola kivala kya Babuloni kuva vutswa, ki ta li nomundu u menya mukyo.

Lisyoma lya Jeremia 2:17

Yahova u koli aga ya saavira; u dukidzi likuva lilye lya ya laga mmadiku ga kale; U tsomi hasi, si ya vera tsimbabasi mba: Ya ha musigu lisangala ku ive; ya kuminya lwiga lwa yavo ava dambidzanga ive.

Joeli 3:2

nda vungidza tsihiri tsyosi, na nda va sulungutidza kuduka mwivona lya Jehoshafatu, na nda va kalagira ha zana kigira avandu vange, na kigira miyandu gyange Israeli, ava va salannyi hagati hetsihiri: na va gavannyi kivala kyange,

Nahum 2:1

Uyu u donyannyanga vidonye wanegiye ku ive: gumira impinga, u linde inzira, kikenge kikyo u ki vike tsingulu, u dinyeridze tsingulu tsitsyo ligali.

Joshua 8:14

Na ga duka, mwami wa Ai lwa ya lola likuva yilyo, hene yaho va kola bwangu na va vuka mabwebwe, na vasatsa velidala va twula kulwana na Israeli, uyu na avandu veve vosi, ku inyinga ya lagwa, imbiri we kereremu; navutswa si ya manya va veyo ava koli iluku kuye inyima welidala mba.