Jeremia 50:5 - KITABU KITAKATIFU

⁵ Va la teveridza ku makuva ga Zioni nommoni mwavo mu la yeka yo, ni va uola, Hambi, ku tsie kwehambannya ku Yahova mu lilagana lye mihiga nemihiga li li vula kwivirirwa.

Jeremia 50:5 ပူးပေါင်းရင်းမြစ်များ

Litanga 17:7

Kandi nda singeridza lilagana lyange hagati hange na ive na visukululwi vivyo inyima wowo, mu visukululwi vyavo li ve lilagana lyemihiga nemihiga, nduke kuva Nyasaye ku ive noku visukululwi vivyo inyima wowo.

2 Samweli 23:5

Ligali inyumba yange si i veye ndiyo ku Nyasaye; Navutswa u lombi ninze lilagana lyemihiga nemihiga, Lya lombwa mu vindu vyosi, ni li veye lye ligali: Kigira li veye ubuhonnyi bwange bwosi, nelyenya lyange lyosi, Kali ni ya li lomba li vula kukula.

1 Avami 19:10

Naye ya tivula, Nda li nelikendeka ligali kigi ra Yahova, Nyasaye wa mahe; kigira avana va Israeli va leki amalago gogo, nokutsoma hasi ubwali bubwo, navaprofeti vovo viitwa nekivavi: na inze, ntigaye inze tsyeng'ine; navo venyanga mwoyo gwange va duke kugutwulidza.

1 Avami 19:14

Naye ya tivula, Nda li nelikendeka ligali kigira Yahova, Nyasaye wamahe; kigira avana va Israeli va leki malago gogo, nokutsoma hasi ubwali bubwo, nokwiita vaprofeti vovo nekivavi; na inze, ntigaye inze tsyeng'ine; navo venyanga mwoyo gwange va duke kugutwulidza.

Zaburi 84:7

Va twulanga ku ubunyali noku duka ku ubunyali; Va vugananga sa mulala imbiri wa Nyasaye mu Zioni.

Isaya 35:8

Na ha zana ha la va lihasi, nenzira, na i la langwa Inzira yobutakatifu; ava ta li avanifu si va li genda kuyo; navutswa i la va ya yavo: avandu volugendo, kali ni va veye avasiru, si va li hyolera kuyo.

Isaya 55:3

Mu tegidze matu genyu, mudze ku inze; mu hulire, na myoyo gyenyu gyi la va mwoyo: na nda kola lilagana nemwinye li hongeranga mihiga nemihiga, nalyo li veye ubugasu bwa Daudi bu veye nobusuuvirifu.

Jeremia 3:18

Mu madiku yago inyumba ya Yuda i la genda halala nenyumba ya Israeli, navo va ladza halala kutwula ku kivala kya kasikasini, kuduka ku kivala kya nda ha avaguga venyu kuva imiyandu gyavo.

Jeremia 31:21

Wevikire vilolero vyetsinzira, welombere misala gyokukwimirira; u henzidze mwoyo gugwo gu yeke ku inzira inene, kali inzira ya wa tsira ku lwa wa tsia: wirane kandi, umukana mugima wa Israeli, wirane ku madala gogo kandi.

Jeremia 31:6

Kigira li la va ho lidiku lilala, mu lidiku yilyo mulindi u veye mu tugulu twa Efiraim a la kupa lwanga, a la Dola, Mu vuke, ku tsie kwanegire Zioni ku Yahova Nyasaye wetu.

Jeremia 32:40

na nda kola navo lilagana li tsitsagil'la mihiga nemihiga, kuva si nda girunkana kuvaleka mba, nduke kuvakolera ubulahi; na nda vika litibwa lyange mu myoyo gyavo, va vule kuleka inze.

Jeremia 6:16

Yahova a vola yaga, Mu singire mu tsinzira mu lole, mu teveridze tsinzira tsya kale, inzira indahi i veye haliha; mu gende kuyo, na mu la nyola ubusosi ku myoyo gyenyu: navutswa va vola, Si ku la genda kutsyo mba.

Ezekieli 16:61

Hene yaho u lidzulitsa tsinzira tsitsyo, na u la va isoni, lwa u bugi rira avamwavo vovo, avanene na vake; na nda va ha ku ive va ve avakana vovo, navutswa si ga veye ku lilagana lilyo.

Ezekieli 37:22

na nda va kola kuva ihiri indala mu kivala yikyo, ku vigulu vya Israeli; na mwami mulala a la va mwami kuvo vosi: na si va la va tsihiri tsiviri kandi mba, kandi si va lavukana kuva ubwami buviri kandi mba kuduka mihiga nemihiga;

Hosea 1:11

Na avana va Yuda na avana va Israeli va la vungidzwa halala, na va levikira avene mutwe mulala, na va lanegira kutwula mkivala yikyo, kigira lidiku lya Jezireeli li la va linene.

Hosea 3:5

na lwenyima avana va Israeli va la galuka, nokwenya Yahova Nyasaye wavo, na Daudi mwami wavo, na va ladza nobutii ku Yahova noku bulahi bwibwe mmadiku gekiheri.

Hosea 6:1

Hambi, kwirane ku Yahova: kigira ya tandula, naye a la ku honnya; ya duya, naye a la ku boherera.

Yohana 7:17

Ku vosi u lalira kukola ubulaliri bwibwe, a la manya megidzo, ni ga va ni ga veye ga Nyasaye, kinga inze mwene mbola.

Vikolwa 11:23

Naye lwa ya duka na a lola tsimbabasi tsya Nyasaye, ya yanza, na a veganehidza vosi va dinye ku Mwami nobusaaviri bwomwoyo;

2 Vakorintho 8:5

Kandi si ga li kuli kwa suuvira, navutswa lwembiri vehila ku Mwami avene, nokweleta ku kwinye kandi nobulaliri bwa Nyasaye.