Jeremia 50:44 - KITABU KITAKATIFU

⁴⁴ Henza, a lanegira kuli king'ang'a kutwula ku luya lwa. Yordani ku bumenyo bwetsingulu: navutswa nda va kola viruke nonoho; na uyu u tovolwa nda mu vika kulyo: kigira ni bwaha u fwanana ninze? Kandi ni bwaha u ntovolera inyinga? Ni mwayi ki u nyala kusingira imbiri wange?

Jeremia 50:44 ပူးပေါင်းရင်းမြစ်များ

Zaburi 89:6

Kigira migulu ha veye na bwaha u nyala kuleng'anywa na Yahova? Na ibwaha a veye kuli Yahova mu avana vetsingulu,

Zaburi 89:8

O Yahova Nyasaye wa mahe, Ibwaha u veye wetsingulu, kuli ive, O Yahova? Na ubusuuvirifu bubwo bu ku kumbiridza hosi.

Kutwula 15:11

Ibwaha u veye kuli ive, O Yahova, mu avanyasaye? Ibwaha u veye kuli ive, mu bukumi nomu butakatifu, U tihidzanga mu lidzominya lilyo, u kolanga vyokugenya?

Isaya 40:18

Kunangwa Nyasaye uyu mu la mu leng'annya na bwaha? Kinga mu la mu fwanannya nolugano ki?

Isaya 40:25

Kunangwa mu la fwanannya na bwaha inze, nduke kuleng'ana nave? Mutakatifu a vola.

Isaya 41:25

Nda vukidza mulala kutwula ha kasikasini, naye u duki; kutwula butuliru bweliuva u duki mulala waniranga lieta lyange: na a la duka ku avameha kuli ku kifongo igulu, kandi kuli umulongi a duvulanga ubudohi.

Isaya 43:10

Mwinye mu yeye avaloli vange, Yahova a vola, mutumekiri wange wa nda tovola; mu duke kumanya nokusuuvira inze, nokumanya inze niye: imbiri ku inze Nyasaye si a lombwa yo mba, kandi inyima ku inze si a la va yo wundi mba.

Isaya 46:11

nokulanga linyonyi likuvali kutwula ivugwe, umundu welivola lyange kutwula mu kivala kye ihale; yee, inze mboye, kandi nda dukidza nsaaviye, kandi nda ga kola.

Isaya 46:9

Mwidzulitie vindu vya ma tsyambiri: kigira inze mbeye Nyasaye, si ha veye nowundi; inze mbeye Nyasaye, si ha veye nowundi u veye kuli inze;

Isaya 48:14

Mu vugane halala, mwinye mwosi, mu hulire; ni bwaha hagati henyu wilwadza vindu yivi? Uyu wa Yahova a yanza uyu a la kola ubulaliri bwibwe ku Babuloni, na mukono gwigwe gu la va ku Vakalidei.

Jeremia 12:5

Nu u va ni wa nyagula halala na va gendanga nevirenge, ni va ku luhidza, u nyala ndi kugerana netsiparasi? Kandi navo va ku luhidza mu kivala kyemirembe, kya u suuvira nga mu u la kola ndi mu lizula lya Yordani?

Jeremia 25:38

Ya leka likinga lilye, kuli king'ang'a; kigira kivala kyavo ki gwiye kyokugenya kigira ubwogi bwekivavi ki dambidzanga, kandi kigira ubutima bwibwe bwomuliru.

Jeremia 30:21

Na munene wavo a la va mundu wavo mwene, na mwamehi wavo a la va mulala wa hagati havo; nda mwingeridza ku inze, naye a lesunda himbi ku inze: kigira ni bwaha u veye nobuluviriri kwesunda himbi ku inze? Yahova a vola.

Jeremia 50:15

Mu hanzuke kulyo tsimbega tsyosi; yegehidzi; vitaradzi vyalyo vi gwiye, madigi galyo ga tsomwa hasi; kigira ni livanza kisalya lya Yahova: mu vanze kisalya kuye; kuli ya kola, u mu kolere ndiyo.

Zekaria 11:3

Mwoyo gwelikupa tsikwili gwa avayi kigira ubukumi bwavo bwononnyeywi: mwoyo gwelifwuma lyeving'ang'a visoleli kigira luyai lwa Yordani lwononnyeywi.

Livalidza 16:5

na ya volera Kora na livugana lilye lyosi, nokuvola, Mugamba Yahova a la mannya ni va nga bwaha ava veye aveve, kandi ni bwaha u veye mutakatifu, na a la mu leta yesunde kuye himbi: kigira uyu wa a li tovola a la mu leta kuye himbi.