Jeremia 50:29 - KITABU KITAKATIFU

²⁹ Mu vugannye halala ava tumekiranga ubuta nemibano ku Babuloni, yavo vosi ava nyira ubuta; mu singeridza mahema kumukumbiridza tsimbega tsyosi; mu ta leka mulala kulyo a hone: mu mu tunge kuli miyinzi gigye; kuli gosi aga ya kola, mu mu kolere ndiyo: kigira yegingira ku Yahova, ku Mutakatifu wa Israeli.

Jeremia 50:29 ပူးပေါင်းရင်းမြစ်များ

Kutwula 10:3

Na Musa na Haruni vingira ku Farao, nava mu volera, Yahova Nyasaye wa Vahebraina a vola, U la sula kwegehidza imbiri wange kuduka inyinga ki? U lakule avandu vange va tsie kuntumekira.

Isaya 37:23

Ni bwaha wa ive wa lega nokunyega? Kandi wa ginga mwoyo gugwo ku bwaha, nokuginga tsimoni tsitsyo ku bwaha? Kali ku Uyu Mutakatifu wa Israeli.

Isaya 47:10

Kigira ive wa suuvira budamano bubwo; na u voye, Si ha veye nowandolanga; ubu geeri bubwo nelimanya lilyo, vya ku kyaminya; na wa vola mu mwoyo gugwo, Mbeye ho, na si ha veye nowundi kuli inze.

Jeremia 25:14

Kigira tsihiri tsinyingi navami vanene va la kola avandu yavo avatugwa, kali yavo; na nda va tunga kuli likola lyavo, na kuli miyinzi gya makono gavo.

Jeremia 48:26

U mu hambikidze; kigira yekuminya mwene ku Yahova: Moabu a la galagala mu maluuki gege, naye a la sekererwa.

Jeremia 49:16

Ku makuva gelitihidzwa lilyo, luyai lwomwoyo gugwo lu ku gadanga, O ive u menyanga mu tsinkombe tsyamagina, u gumiranga hadiguluku hekigulu: kaliva nu u vika kyaalira kikyo igulu ligali kuli indidzu, nda kwikidza kutwula yo, Yahova a vola.

Jeremia 50:24

Mmali kukutega na ive u hambeywi, O Babuloni, si wa manya mba: ive u loleki, na u gumiywi, kigira u hing'ani ku Yahova.

Jeremia 50:26

Mu tsie kuye kutwula ku lwako lwekiheri; mwigule vyagi vivye: mu vungidze vitumi, u mu twulidze ligali: mu ta mu lekera kindu kali kilala.

Jeremia 50:32

Na woluyai a likigitala nokugwa, kandi si ha veye nonyala kumuvukidza: nda fwana muliru mu madala gege, na gu la samba vosi ava mu kumbiridza tsimbega tsyosi.

Jeremia 50:9

Kigira, henza, nda vukidza nokuleta ku Babuloni livugana lyetsihiri tsinene tsi twula mu kivala kya kasikasininatsyo tsi lelomba ku bukvani kuye, kutwula yo a la hibva: mibano gyigye gyi la va kuli gyomundu muluviriri musidza; si ha veye na u gu lirana mwere.

Jeremia 51:24

Nda tunga Babuloni na vosi ava venyanga Kalidei, nda va tunga ubudamano bwavo bwosi bwa va kola mu Zioni imbiri wetsimoni tsyenyu, Yahova a vola.

Jeremia 51:3

Ku uyu a nyiranga ubuta wobuta a nyire buta bwibwe, noku uyu weginga mu isalamba yeye: mu ta leka avosoleli veve; mu twulidza ligali lihe lilye lyosi.

Jeremia 51:49

Kuli Babuloni ya tsoma hasi aviitwa va Israeli, ni ndiyo ha BabuIoni va la gwa aviitwa avekivala yikyo kyosi.

Jeremia 51:56

kigira mudividzi u duki kuye, ku Babuloni, navaluviriri veve va gumeywi, ubuta bwavo bu vuniki; kigira Yahova a veye Nyasaye uelitunga, ligali a la tunga.

Lisyoma lya Jeremia 1:9

Ububi bwibwe bwa li mu kitweya kikye, si yidzulitsanga kiheri kikye mba; Kigira yaga lika lilye lya li neligenya; si a veye nowokulemi nya mwoyo: Henza, O Yahova, lidambidzwa lyange; kigira musigu yekuminyi.

Lisyoma lya Jeremia 3:64

U la va tunga litunga, O Yahova, kuli miyinzi gya makono gavo.

Danyeli 11:36

Na mwami a la kola kuli a yanza; kandi a leyidzominya, nokwekola munene ku vanyasaye vosi, na a la vola ku Nyasaye wa vanyasaye amakuva gokugennya; na a la menya buiahi kuduka lwa ubutima bu heridzwa; kigira yaga aga saavirwa ga la kolwa.

Danyeli 4:37

Kalunu inze, Nebukadinezaru, nzidzominya nokunenehidza nokukuminya Mwami womigulu; kigira miyinzi gyigye gyosi gyi veye gyeligali, na tsinzira tsitsye tsi veye tsinungi; na yavo ava genda nga mu bwigingiri a nyala kuvagehidza.

Danyeli 5:23

navutswa wegingiye ku Mwami womigulu; na va leti viju vyenyumba yeye imbiri wowo, na ive, navanene vovo, na avakali vovo na vasuria vovo, mu nwereye muvyo iwaini; na ive widzominyi avanyasaye vefetha navethahabu, na vomugasa, na vekivya, na vomusala, na veligina, ava vula kulola, nava ta hulira, nava ta manya; na u vuli kwidzominya Nyasaye womwika gugwo gu veye mu mukono gwigwe, na wetsinzira tsitsyo tsi veye tsitsye.

Obadia 1:15

Kigira lidiku lya Yahova li veye ahimbi ku tsihiri tsyosi: kuli wa kola yaga, na ive u la kolerwa ndiyo; litunga lilye li lirana ku mutwe gugwo mwene.

2 Vatesalonike 1:6

ni ga va ni ga veye ubulungi ku Nyasaye kutunga yavo kivi ava mu kupidza kivi,

2 Vatesalonike 2:4

u kolanga ubuhing'ani nokwiidzominya mwene ligali ku vyosi vi langwa Nyasaye, noku vyosi vi sigamirangwa, kuduka kwikala hatakatifu ha Nyasaye, nokwelang'aminya mwene a ve Nyasaye.

Likunula 16:6

kigira va sundula masahi gavatakatifu nagavaprofeti, kandi ive u mali kuvaha amasahi kunwa: va dukani nago.

Likunula 18:6

Li hebwe kuli lya haana, kandi mu li he hali kaviri kuvita miyinzi gyalyo: mu kikombe kya lya tsukannya mu li tsukannyire mu hali kaviri.