Na tsing'ombe tsyombulimu tsi la sulunguta halala navo, netsirahu, netsigiriki: nekivala kyavo ki la hambika masahi, na lugukyi lwavo lu la nulidzwa nevinolu.
Navutswa ive, O Yahova, u manya inze; u ndolanga, na u geridzanga mwoyo gwange kuli gu yeka ku ive: u va kwese kuli amagondi ga tsitsanga mu liitwa, u va tegeke ku lidiku lyokwiitwa.
Mu kupe tsikwili, mwinye avayi, mu lire; mu galagale mu ligoke, mwinye avobunyali vekyayo; kigira madiku geliitwa lyenyu ga duki ligali, na gelisalanywa lyenyu, na mu la gwa kuli kiju kyokuyanzidza.
Na tsihiri tsyosi tsi la tumekira uyu, nomwana wewe, nomwisukulu wewe kuduka ku madiku gekivala kikye ga duka: hene yaho tsihiri tsinyingi navami vanene va la mu tuga a va tumekire.
Kandi avandu va li yo ava tungangwa ava veye hagati halyo va gwiye kuli vimoli vinetu; kigira yavo virana inyima kandi, viruka vosi halala, si va singira kali hakuzu: kigira lidiku lyekivi kyavo li duki kuvo, i veye inyinga yelihenzwa lyavo.
Moabu u lekeywi vutswa, navo vanegiye nokwingira mu madala gege, na avasoleli veve avatovolwa va sulunguta ku liitwa, Mwami a vola, welieta lilye li veye Yahova wa mahe.
Uyu wirukanga ubutii a la gwa mbogo; na uyu u twulanga mbogo a la ha mbwa mmutego: kigira nda leta kuye livola li veye, ku Moabu, muhiga gwelihenzwa lilye, Yahova a vola.
Kigira mwinye mu sangala kigira mu yanzanga, mwinye ava lanyanga miyandu gyange, kigira mu komeye kuli iroli i hulanga ubuswage, mu kumulanga kuli iparasi yetsingulu;
Va huliye nkenyanga; si ha veye nomundu kali mulala wokuneminya mwoyo; Avasigu vange vosi va hulira kivi kya ngwira; va sangalanga kigira nive wa kola yaga: Ive u la leta lidiku lya wa landidza makuva galyo, navo va la leng'ana ninze.
va singiye ihale kigira ubutii bwobu saliri bwalyo, ni va vola, O bayaye bayaye, lidahl linene, Babuloni, lidala lyetsingulu kigira ku isaa indala likalagirwa lilyo li duki.
Kandi nda lola ingelosi mulala a singiye ku liuva; kandi ya hanzuka nomwoyo munene, na a volera manyonyi gosi aga bulukanga hagati hobwerefu, Hambi mu vugane halala ku lilia linene lya Nyasaye;