Jeremia 50:2 - KITABU KITAKATIFU

² Mu landidze makuva mu tsihiri mwilwadze, nokusingeridza ibendera, mwilwadze, mu ta visa mba: mu vole, Babuloni li vuguywi, Bel u leganyeywi, Merodaka u timuki enkolo; vifwananyi vyalyo vi leganyeywi, vifwananyi vyokusigamirwa vyalyo vi tsyomwa hasi.

Jeremia 50:2 ပူးပေါင်းရင်းမြစ်များ

Zaburi 64:9

Na avandu vosi va la tia; Na va la landidza likola lya Nyasaye, Na va gananaga nobugeeri miyinzi gyigye.

Zaburi 96:3

Mu lang aminye ubukumi bwibwe ku avetsihiri, Na makola gege gokugenya hagati ha vetsihiri tsyosi.

Zaburi 97:7

Ava tumekira vifwananyi vya vadzwa va lole teisoni Avegingiranga ku vifwananyi: Mwinye avanyasaye vosi mu sigamire Uyu.

Isaya 12:4

Na mu lidiku yilyo mu la vola, Mu santidze Yahova, mwa nire lieta lilye, mu landidze vikolwa vivye mu tsihiri, mu vole lieta lilye lya nenehidzwa ligali.

Isaya 13:2

Mwesingeridzire ibendera ku kigulu ki ta veye nemisala kinga ubulimu, mu hanzuke myoyo gyenyu, mu va sime nomukono, va duke kwingira mu viribwa vyavanene.

Isaya 21:9

na, henza, kiduma kyavandu kyadza, avanina ku tsiparasi, avagendanga si vaviri kulala. Naye ya tivula na a vola, Babuloni li gwiye, li gwiye; nevifwananyi vya vadzwa vya vanyasaye valyo vya vunanywa kuduka hasi.

Isaya 37:19

nokusyuva vanyasaye vavo mmuliru: kigira si va veye avanyasaye, navutswa va veye miyinzi gya makono gavandu, misala na magina; kigira yaga va va dividzi.

Isaya 39:1

A Inyinga yeyo Merodaki-bala dan, mwana wa Baladan, mwami wa Babuloni, ya hilira Hezekia tsibaruwa nekihaanwa; kigira ya hulira ya lwala, na u sosi.

Isaya 46:1

Bel a sigama hasi, Nebo yina manga hasi; vifwananyi vyavo vi veye ku tsinyama, nokumitugu: vindu vya mwa hila yiyi na yiyi vi koleywi kuva musigo, musigo gwokumina inyima i luhi.

Isaya 48:20

Mu twule Babuloni, mwiruke mu twule ku Vakalidei; mwilwadze nomwoyo gwokwimba, mu landidze makuva yaga, mu ga vole kuduka kiheri kyelirova; mu vole, Yahova u tungiye mutumekiri wewe Yakobo

Isaya 48:6

Ive u huliye likuva yili: henza vindu yivi vyosi; na mwinye, si mu la li lang'aminya? Inze nku vuuliye vindu vihya kutwula inyinga ya kalunu, kali vindu vya viswa, vya ive wa vula kumanya.

Jeremia 10:11

Mu la va volera yaga, Avanyasaye ava vula kulomba ligulu na lirova, yava va la diva va twule mu kivala, va twule isi weligulu.

Jeremia 10:15

Vi veye vya vutswa, miyinzi gyobugotidzi: inyinga yelidukirwa lyavo vi la diva.

Jeremia 31:10

Mu hulire likuva lya Yahova O mwinye avetsihiri tsyosi, nokulilandidza mu visulu vye ihale; mu vole, Uyu wa salannya Israeli a la mu vungidza, nokumulinda, kuli mwayi a lindanga kyayo kikye.

Jeremia 4:16

U hile makuva ku tsihiri; henza mwilwadze ku Yerusalemi, avalindi va twula mu kivala kyehale, na va twulidzanga myoyo gyavo ku madala ga Yuda.

Jeremia 4:6

Mu ginge ibendera ku luvega lwa Zioni: mwiruke mu duke kuhona, mu ta li ndagira mba; kigira nda leta ubudamano kutwula ku luvega lwa kasika sini, nobudividzi ubunene.

Jeremia 46:14

Mu landidze amakuva mu Egepeti, mwilwadze mu Migidoli, nokwilwadza mu Nofu nomu Tahapenesi: mu vole, Singira, wetegeke, kigira kivavi ki mali kulia ku tsimbega tsitsyo.

Jeremia 50:46

Kigira muliviti gweligumirwa lya Babuloni lirova li degera, nelilira lyalyo li hulirwa mu tsihiri yitsyo.

Jeremia 51:12

Mu singeridze ibendera ku madigi ga Babuloni, mu kole bulindi bwetsingulu, mu vike avalindi, mu lombe ava goneki: kigira Yahova u saaviye, nokukola aga ya vola ku yavo ava menyanga Babuloni.

Jeremia 51:27

Singeridza ibendera mu kivala, mu kupe kisiliva hagati hetsihiri, mu sone tsihiri kuye, mu lange ubwami bwa Ararati bu vunge halala kuye; na Mini, na Ashikenazu: mu vike umunene kuhing'ana naye; mu lete kuvo tsiparasi, tsyanegire kuli ubudziriri.

Jeremia 51:31

Munyaguli mulala a la nyagula kutsia kwagana nomunyaguli wundi, nomutumwa mu lala a la nyagula kwagana nowundi, va duka kumannya mwami wa Babuloni, lidala lilye li vuguywi yiyi neyiyi hosi:

Jeremia 51:44

Nda leta likalaga ku Bel ha Babuloni, nda twulidza mrnunwa mwimwe kya ya mira; netsihiri si tsi la tsia kuye kandi mba: yee, lidigi lya Babuloni li la gwa.

Jeremia 51:47

Kunangwa, henza, madiku gadza, na mugo nda kola likalaga ku vifwananyi vya vadzwa vya Babuloni; nekivala kyakyo kyosi ki la va isoni; navandu veve viitwa vosi va la gwa hagati hehe.

Jeremia 51:52

Kunangwa, henza, madiku gadza, Yahova a vola, mugo nda kola likalaga ku vifwananyi vivye vyokuvadzwa; nomu kivala kikye kyosi avatwa tsing'oma va la kenya.

Jeremia 51:8

Babuloni li gwiye nokudiva nonoho: mu li kupire tsikwili; mu vugule lunyasi kigira litsunwa lilye, mbula a duke kuhona.

Jeremia 52:31

Kandi ga duka mu muhiga gwa makumi gavaka na gyitano na gyiviri gwelyadikidzwa lya Jehoiakim mwami wa Yuda, ku mweli gwelikumi na gyiviri, ku lidiku lya makumi gaviri na gatano agomweli, mwami wa Babuloni Evili-merodaku, mu muhiga gwokutanga gwelyameha lilye, ya ginga mutwe gwa Jehoiakim mwami wa Yuda, na a mu twulidza mu buhambe;

Jeremia 6:18

Ku nangwa kigira yaga mu hulire, mwinye tsihiri, mu manye, mwinye avelivugana, ni inkuva ki i veye hagati havo.

Danyeli 1:2

Na Yahova ya vika Jehoiakim mwami wa Vayuda mu mukono gwigwe, halala nekidieli kyeviju vyenyumba ya Nyasaye; naye ya vi vugula na a tsia navyo kuduka mu kivala kya Shinaru mu inyumba yomunyasaye wewe; na a vika viju zana mu inyumba yakiba yomunyasaye wewe.

Danyeli 3:14

Nebukadinezaru ya tivula na a va volera, Shadaraka, Meshaka, na Abedinego, Ga veye agelisaavira mwinye mu vule kutumekira munyasaye wange, nokusigamira kifwananyi kyethahabu kya nsingeridzi?

Zefania 2:11

Yahova a la va litihidza kuvo; kigira a la ng'ahidza avanyasaye vosi velirova navandu va la sigamira uyu, sa mulala hango hehe, kali visulu vyosi vyetsihiri.

Likunula 18:2

Kandi ya hanzuka no mwoyo gwetsingulu, na a vola, Babuloni linene, li gwiye, li gwiye, nokugwa kivuganiru kyamademone, habuhambe bwa roho gyosi mudamano, nobuhambe bwamanyonyi madamano na gokuvihiririhidza.