Jeremia 50:17 - KITABU KITAKATIFU

¹⁷ Israeli a veye ligondi lya sala nywa; ving'ang'a vi mu kungi; kutanga, mwami wa Asuria ya mu liana kalunu Nebukadirezaru mwami wa Babuloni ya vunannya vigumba vi vye.

Jeremia 50:17 ပူးပေါင်းရင်းမြစ်များ

2 Avami 15:19

Inyinga yeyo Puli mwami wa Asuria yadza kulwana nekivala yikyo; na Menahem ya ha Puli tsitalenta elfu tsyefetha, umukono gwigwe gu ve halala naye kumudinyeridzira ubwami mu mukono gwigwe.

2 Avami 15:29

Mu madiku ga Peka mwami wa li Israeli, Tigilathu pileseru mwami wa Asuria yadza, na vugula lidala lya Ijon, na Abel beth maaka, na Jonoa, na Kedesh, na Hazoru, na Gileadi, na Galilaya, nekivala kyosi kya Nafitali; na ya va hila avalhambe na a tsia navo Asuria.

2 Avami 24:1

Mu madiku gege Nebukadinezaru mwami wa Babuloni yanegira, na Jehoiakim ya gwa mutumekiri wewe mihiga gyivaka: ma ya girunkana na a mu tinguha.

2 Avami 24:10

Inyinga yeyo avatumekiri wa Nebukadinezaru mwami wa Babuloni vanegira kutsia Yerusalemi, nelidala lya kumbiridzwa.

2 Avami 25:1

Na Zedekia ya tinguha mwami wa Babuloni. Na ga duka ku muhiga gwa kola gyitano na gyine gwelyameha lilye, ku mweli gwelikumi, ku lidiku lyelikumi lyomweli Nebukadinezaru mwami wa Babuloni yadza, nelihe lilye lyosi, kulwana na Yerusalemi, navo vombaka mahema gavo ku li kumbiridza; na vombaka tsimpinga kwigalira lidala.

2 Kyetsinyinga 28:20

Na Tigilathu pilineseri mwami wa Asuria ya tsia kuye, na a mu dambidza, na si a mu ha tsingulu.

2 Kyetsinyinga 33:11

Ma Yahova ya leta kuvo avanya mpara velihe lyomwami wa Asuria wa vugula Manase na a boheywi munyororo, ni va mu vika kivya, na va tsia naye Babuloni.

Isaya 15:9

Kigira amadzi gosi ga Dimon gizula masahi; kigira nda leta agandi kandi ku Dimon, king'ang'a ku uyu wa hona mu Moabu, noku yava avekivala ava tigala.

Isaya 47:6

Nda vihirirwa avandu vange, nda vika ubudamano ku miyandu gyange, nda va vika mmu kono gugwo; ive wa vula kuvavererera; na wa vika inira yoyo ku vasakulu nobuliduhu ligali.

Jeremia 10:25

U tsuke ubutima bubwo ku tsihiri ava ta manya ive, noku bwiko ava vula kwanira lieta lilyo; kigira va lia Yakobo, yee, va mu lia nokumudividza ligali, na ubumenyo bwibwe va bu koli hatswa.

Jeremia 2:15

Ving'ang'a visoleli vi fwumanga kuye, nokuloka; na vi koli kivala kikye kuva vutswa: mada la gege ga hiye, si ga veye navandu.

Jeremia 21:7

Na inyima wa yaga, Yahova a vola, Zedekia mwami wa Yuda, navatumekiri veve, navandu vosi ava li tigala mu lidala yili inyima wobulwaye zana, nekivavi, nenzala, nda va vika vosi mmukono gwa Nebukadirezaru mwami wa Babuloni, nommakono gavasigu vavo, nommakono ga yavo avenyanga livamwoyo lyavo: naye a la viita nobwogi bwekivavi; si a la va leka mba, kandi si a la va vererera mba, kinga kuva vera tsimbabasi.

Jeremia 4:7

King'ang'a kyanegiye kutwula mu liginga lyakyo, nomudividzi wetsihiri; a veye mu inzira, u mali kutwula hango hehe a duke kukola kivala kikyo kuva vutswa, amadala gogo ga kolwe vyanyi ga vule kuva nomundu mugo.

Jeremia 49:19

Henza, a lanegira kutwula mu luyai lwa Yordani, kuli king'ang'a, ku limenya lya avetsingulu: navutswa nda va nyagulidza viruke nonoho; na uyu wa tovolwa, niye wa ndi vika kulyo: kigira ni bwaha u leng'ana ninze? Kandi ni bwaha u ling'olera inyinga? Kandi ni bwaha ni mwayi u li singira imbiri wange?

Jeremia 5:17

Va la lia ligesa lilyo, nobukima bubwo, ubwa, dukira ava na vovo vayai navakana kulagira; va la lia vyayo vivyo vyamagondi netsing'ombe; va la lia mizabibu gyigyo nemikuyu gyigyo: va la sambulannya madala gogo getsingaga, aga wa li ni wa suuvira, va la ga sambulannya nekivavi.

Jeremia 5:6

Kunangwa kigira yaga, king'ang'a ki twulanga mbulimu ki la viita, kisalang'ongo kyo mgolova ki la va dividza, ingo i la goneka madala gavo; mundu sa mulala u twula mu a la tandulwa; kigira mahyolo gavo ga veye manene, na lirana inyima lyavo li medeki.

Jeremia 50:6

Avandu vange va li amagondi ga gota: avayi vago va ga gotidzi; ga tsie kugendagenda; va ga girunkannyi ga tsie mu vigulu: ga tsiye kutwula mkigulu kuduka mu kagulu; giviriye hango hago hokusosa.

Jeremia 51:38

Va la loka halala kuli ving'ang'a visoleli; nokuhuuma kuli avana veking'ang'a.

Jeremia 52:1

Zedekia ya li wemihiga makumi gaviri na mulala lwa ya tanga kwameha; na yameha mihiga likumi na mulala mu Yerusalemi: na lieta lya mama wewe lya langwa Hamutali mukana wa Jeremia wa Libina.

Ezekieli 34:12

Kuli mwayi yenyanga kyayo kikye mu lidiku lya ya li hagati ha magondi gege aga salannywa yiyi na yiyi, ni ndiyo ndenya amagondi gange; na nda ga honnya kutwula hosi ha ga salannywa mu lidiku lyamalesi nelyekisundi.

Danyeli 6:24

Kunangwa mwami ya haana munwa, ni va leta avandu yavo, ava yala Danyeli, na va va ta mu luhangaywa lweving'ang'a, avene, na avana vavo, na avakali vavo; na ving'ang'a vya va guuta, ni vi vunannya vigumba vyavo vyosi, ni va kikiri kuduka hasi mu luhangaywa.

Joeli 3:2

nda vungidza tsihiri tsyosi, na nda va sulungutidza kuduka mwivona lya Jehoshafatu, na nda va kalagira ha zana kigira avandu vange, na kigira miyandu gyange Israeli, ava va salannyi hagati hetsihiri: na va gavannyi kivala kyange,

1 Petro 2:25

Kigira mwa li mwa gota kuli magondi; navutswa kalunu mwirani ku Mwayi no Muhenzi wemyoyo gyenyu.