Jeremia 50:16 - KITABU KITAKATIFU

¹⁶ U twulidze mumidzi ku Babuloni, na uyu u tumekiranga inkonono inyinga yeligesa: kigira litia lyekivavi ki dambidzanga va la girunkana sa mulala ku avandu veve, na va liruka sa mulala a tsie mkivala kikye.

Jeremia 50:16 ပူးပေါင်းရင်းမြစ်များ

Isaya 13:14

Na ga la duka, kuli imboongo ihimangwa, na kuli magondi gavandu va vula kuvungidza, ni ndiyo va la girunkana mundu sa mulala kutsia ku avandu veve, na va liruka mundu sa mulala a tsie mkivala kikye.

Jeremia 25:38

Ya leka likinga lilye, kuli king'ang'a; kigira kivala kyavo ki gwiye kyokugenya kigira ubwogi bwekivavi ki dambidzanga, kandi kigira ubutima bwibwe bwomuliru.

Jeremia 46:16

Yikigitalidza avanyingi, yee, va gwirirana avene navene: na va vola, Gende ku vuke, ku tsie kandi ku avandu vetu, ku kivala kya kwivulwa mu, kwiruke kivavi ki ku dambidzanga.

Jeremia 51:23

kandi nda vugula ive kudonyannyira mwayi ne kyayo kikye; nda vugula ive kudonya nnyira u limanga netsing'ombe tsitsye; nda vugula ive kudonyannyira avagali navanyampara.

Jeremia 51:9

Kwinye nkano kwa ka honnya Babuloni, navutswa si a hona mba: mu mu leke, ku tsie sa mulala mu kivala kikye: kigira likalaga lilye li duki kali migulu, na li gingeywi kuduka mmalesi.

Joeli 1:11

Mu ve netsisoni mwinye avalimi, mu syome, mwinye avalindanga mizabibu, ku ingano noku ishaii; kigira ligesa lyomulimi lyoneki.

Amosi 5:16

Kunangwa Yahova, Nyasaye wa mahe, a veye Mwami, a vola ndi: Lisyoma li la va ho mu tsinzira tsingalamu; navo va la vola mu tsinzira tsyosi, O Bayaye bayaye na va la langa mulimi yadze kusyoma, navetsingulu tsyokulira vadze kulira.