Jeremia 50:15 - KITABU KITAKATIFU

¹⁵ Mu hanzuke kulyo tsimbega tsyosi; yegehidzi; vitaradzi vyalyo vi gwiye, madigi galyo ga tsomwa hasi; kigira ni livanza kisalya lya Yahova: mu vanze kisalya kuye; kuli ya kola, u mu kolere ndiyo.

Jeremia 50:15 ပူးပေါင်းရင်းမြစ်များ

1 Kyetsinyinga 29:24

Navanene vosi, navandu ava li vobunyali, navana vosi va Daudi, vivika ku Solomoni mwami.

2 Kyetsinyinga 30:8

Ku nangwa mu ta kola magoti genyu madinyu, kuli vaguga venyu mba; navutswa mwivike ku Yahova, mwi ngire hatakatifu hehe, ha ya ta kasa mihiga nemihiga, mu tumekire Yahova Nyasaye wenyu, ubutima bwibwe bululu bu twule ku mwinye.

Zaburi 149:7

Kyokuvanza kisalya ku avetsihiri, Nokuha avandu amageli

Zaburi 94:1

O Yahova, ive Nyasaye umbanzi wekisalya Ive Nyasaye umbanzi wekisalya, u ng'ereng'ane.

Isaya 59:17

Nayeyivika bulungi kuli isalamba yomkiritu, na igudwa yobuhonnyi yekivya ku mutwe gwigwe; na yivika lyevika lyekisalya kuva tsingubo tsitsye, na ya vikwa ubugulu kuva kuli ijoho.

Isaya 59:18

Kuli likola lyavo, ni ndiyo a la tunga, ubululu ku yavo ava hing'ana naye, litunga ku avasigu veve; visulu a la vi tunga litungwa.

Isaya 61:2

kulandidza muhiga gwa Yahova gwa bugirirwa, nelidiku lyo kuvanze kisalya kya Nyasaye wetu; kuleminya myoyo gya vosi ava syo manga;

Isaya 63:4

Kigira nda li nelidiku lyekisalya mu mwoyo gwa nge, na muhiga gwa vatungirwa vange gu duki.

Jeremia 46:10

Kigira lidiku yilyo li veye lidiku lya Yahova, uyu Yahova wa mahe, li veye lidiku lyokuvanza kisalya, a duke kwevanzira kisalya ku vasigu veve: kivavi ki la lia na ki liguta, na ki la nwa amasahi gavo nokuhambika; kigira Mwami, Yahova wa mahe, a veye nekihaanwa kikye mu kivala ku luvega lwa kasikasini himbi nomugera gwa Farati.

Jeremia 50:14

Mwelombe ku bu lwani ku Babuloni mu li kumbiridze tsimbega tsyosi, mwinye vosi ava nyira ubuta; mu li lase mibano, mu ta gyigalira: kigira ya kola ubwoni ku Yahova.

Jeremia 50:25

Yahova u kunu ye livikiru lilye lyevyuma, na u leti kyova vyuma vyobutima bwibwe: kigira Yahova, Yahova wa mahe, a veye na miyinzi gya yenyanga kukola mu kivala kya Vakalidei.

Jeremia 50:44

Henza, a lanegira kuli king'ang'a kutwula ku luya lwa. Yordani ku bumenyo bwetsingulu: navutswa nda va kola viruke nonoho; na uyu u tovolwa nda mu vika kulyo: kigira ni bwaha u fwanana ninze? Kandi ni bwaha u ntovolera inyinga? Ni mwayi ki u nyala kusingira imbiri wange?

Jeremia 51:11

Mu hyagale mibano, tsikuti mu gumire netsingulu: Yahova u vukidzi roho gyavami va Vamedi; kigira tsiganagani tsitsye tsi veye ku Babuloni, kulidividza: kigira kisalya kya Yahova, ki veye kisalya kyelitempeli lilye.

Jeremia 51:14

Yahova wa mahe wesuhi ku mwoyo gwigwe, kuvola, Ligali ndizulitsa mu ive avandu, kuli lizula lyobudziriri; na va la hanzuka nokukupa lwanga ku ive.

Jeremia 51:24

Nda tunga Babuloni na vosi ava venyanga Kalidei, nda va tunga ubudamano bwavo bwosi bwa va kola mu Zioni imbiri wetsimoni tsyenyu, Yahova a vola.

Jeremia 51:25

Henza, mbeye ku ive, O kigulu kyokudividza, Yahova a vola, ive wononnyanga lirova lyosi: nda nyira mukono gwange ku ive, na nda ku gomagominya hasi u twule mu magina, nokukola u ve kigulu kya sambwa nomuliru.

Jeremia 51:30

Avaluviriri va Babuloni va leki kulwana, va menya mu tsimpinga tsyavo; ubunyali bwavo bugehi kuvo; va gwiye kuli avakali: ubumenyo bwalyo bu sambeywi nomuliru; miluguyu gyalyo gyi vuniki.

Jeremia 51:36

Kigira yaga Yahova a vola ndi: Henza, nda sola likuva lyange, na nda ku vanzira kisalya; nda kaminya inyanza yeye, na nda kaminya kise nukiru kya madzi kikye.

Jeremia 51:44

Nda leta likalaga ku Bel ha Babuloni, nda twulidza mrnunwa mwimwe kya ya mira; netsihiri si tsi la tsia kuye kandi mba: yee, lidigi lya Babuloni li la gwa.

Jeremia 51:58

Yahova wa mahe a vola ndi: Amadigi ga Babuloni magalamu ga la tung'aminywa ligali, neviribwa vyalyo vya diguluka ligali vi la sambwa nomuliru; navandu va la nyankana mu miyinzi gya vutswa, netsihiri mu miyinzi gyomuliru; navo va la luha.

Jeremia 51:6

Mwiruke kutwula hagati ha Babu loni, sa mulala yehonnye mwene; mu ta dividzirwa mu bwoni bwibwe: kigira i veye inyinga yelivanza kisalya kya Yahova; a la mu tunga litungwa.

Jeremia 51:64

na u vole, Ni ndiyo Babuloni li la sikira, na li la vula kusenuka kandi, kigira ubudamano bwa ndi leta kulyo; navo va la luha. Makuva ga Jeremia ga duki kali hano.

Lisyoma lya Jeremia 5:6

Ku heye Avaegepeti makono Na Avasuria, ku duke kwiguuta vyokulia.

Ezekieli 17:18

Kigira ya lega lyesuha nokwononnya lilagana; henza u viki umukono gwigwe, kandi u koii vindu yivi vyosi; uyu si a la hona mba.

Ezekieli 21:22

Mu mu kono gwigwe mulungi ya li nobusegetiri bwa Yerusalemi, kuvika vindu vyokusambula, kukunula munwa mu liita, nokuginga mwoyo mu lihanzuka, kuvika vindu vyokusambula imbiri weviribwa, kukola vitumi, kwombaka tsimpinga.

Nahum 1:2

Yahova a veye Nyasaye welikendeka nowelivanza kisalya; Yahova a vanza kisalya nokwizula ubutima; Yahova a vanza kisalya ku avahing'ana naye, kandi a vikira avasigu veve ubulima.

Matayo 7:2

Kigira likalagira lya mu kalagira, mu la kala girwa nalyo: na mugero gwa mu gera, nagwo mu la gererwa ku.

Luka 21:22

Kigira yaga na madiku gokumala kisalya, vyosi vi ng'odeywi vi nyole kuduka.

Varumi 12:19

Mu ta vanza kisalya mba, avayanze vange, navutswa mu lekere ubutima bwa Nyasaye bwiyangu: kigira ga ng'odwa, Kisalya ni kyange; inze mwene nda vanza, Mwami a vola.

Varumi 3:5

Navutswa kirage kyetu ni ki nyolira ubulungi bwa Nyasaye, lidzominywa, ku vole ndi? Nyasaye a veye nekirage u letanga kivi? (Mbola kuli mundu.)

Kwidzulitsa 32:35

Kisalya ni kyange, nokutunga, Inyinga yekirenge kyavo ki la terera: Kigira lidiku lyekivi kyavo li veye himbi Nevindu vi veye kuduka kuvo vi la kola bwangu.

Kwidzulitsa 32:41

Nokuhyagala ubwogi bwekivavi kyange, Nomukono gwange gu gumiranga likalaga; Nda vanza avasigu vange kisalya, Nda tunga ava ndunyiranga.

Kwidzulitsa 32:43

Mwinye tsihiri, mwidzominye, halala navandu veve: Kigira a la vanza kisalya kyavatumekiri veve, A la vanza kisalya ku vasigu veve, Kandi a la lomba kyokukunika ubwoni ku kivala kikye, ku avandu veve.

2 Vatesalonike 1:8

a la va tunga kisalya ava vula kumanya Nyasaye, nokuvula kuhulira ivangeli yo Mwami wetu Yesu:

Yakobo 2:13

Kigira likalaga si li veye netsimbabasi ku uyu u ta li netsimbabasi: tsimbabasi tsiidzominyanga ku likalaga.

Joshua 6:20

Kunangwa avandu va kupa luku, na auasalisi va kupa visiliva: ma ga duka, lwa avandu yava va hulira mwoyo gwevisiliva, hene yaho avandu va kupa luku nomwoyo munene ligali, lugaga lwelidala lwa gwa hasi ligali, kuduka avandu vanegira ni vingira mu lidala, mundu sa mulala ku lungika imbiri wewe, na va vugula lidala.

Joshua 6:5

Na ga la va, lwa, va kupa ligali tsinziga tsyamagondi makole na lwa mu hulira mwoyo gwekisiliva, avandu vosi va la kupa luku nomwoyo munene iigali; nolugaga lwelidala lu la gwa hasi, na avandu va lanegira sa mulala kulungika imbiri wewe.

Likunula 16:6

kigira va sundula masahi gavatakatifu nagavaprofeti, kandi ive u mali kuvaha amasahi kunwa: va dukani nago.

Likunula 18:6

Li hebwe kuli lya haana, kandi mu li he hali kaviri kuvita miyinzi gyalyo: mu kikombe kya lya tsukannya mu li tsukannyire mu hali kaviri.

Likunula 19:2

kigira likalaga lilye li veye lyeligali kandi lilungi; kigira u kalagiye muheyi munene, uyu wa li na a gotidza lirova nobuheyi bwibwe, kandi u vanzi kisalya kyamasahi gavatugwa veve mu mukono gwigwe.

1 Samweli 15:33

Na Samweli ya mu volera, Kuli kivavi kikyo kya kola avakali va ve bugira avana, ni ndiyo mama wowo a la va bugira mwana hagati ha avakali. Na Samweli ya dononnya Agagi imbiri wa Yahova ha Gilgali.