Jeremia 50:14 - KITABU KITAKATIFU

¹⁴ Mwelombe ku bu lwani ku Babuloni mu li kumbiridze tsimbega tsyosi, mwinye vosi ava nyira ubuta; mu li lase mibano, mu ta gyigalira: kigira ya kola ubwoni ku Yahova.

Jeremia 50:14 ပူးပေါင်းရင်းမြစ်များ

2 Samweli 10:9

Na Joabu lwa ya lola ubulwani bu lombeywi kuye imbiri nenyima, ya tovola mu avandu avatovoli vosi ava Israeli, na va va lohidza kulwana na Vasiria:

Zaburi 51:4

Ku ive, ive weng'ine, nkoli ubwoni, Nokukola ubudamano yibu imbiri wowo; Ive u veye nobulungi mu livola lilyo, Nokuva mutakatifu mu likalaga lilyo.

Isaya 13:4

Liyoga lyavanyingi mu vigulu, kuli liyoga lyavandu vanene Liyoga lyomuliviti gwobwami bwetsihiri bwa vugana halala Yahova wa amahe ya vungidza amahe ku ubulwani zana.

Isaya 5:28

avandu ave mibano gyavo gyi veye miyogi ligali nobuta bwavo bwekumbi kwetegeka; tsimbagayu tsyetsiparasi tsyavo tsi la ganaganwa tsi veye magina madinyu, netsingida tsyatsyo kuli kihudzudzi:

Jeremia 46:9

Mwanegire, mwinye tsiparasi; mwi gingire, mwinye magari gobulwani; avaluviriri; va tsie kyova: Kushi na Putu, ava tumekiranga tsikuti; na Valudim, ava tumekiranga ubuta, nokubunyira.

Jeremia 49:14

Mbuliye makuva ga twulanga ku Yahova, mutumwa u tumeywi hagati hetsihiri, kuvola, Mu vugane halala, muudze kuye, mu singire mu tsie mu bulwani.

Jeremia 49:35

Yahova wa mahe a vola: Henza, nda vunannya ubuta bwa Elam, ubunene bwobunyali bwavo.

Jeremia 50:11

Kigira mwinye mu sangala kigira mu yanzanga, mwinye ava lanyanga miyandu gyange, kigira mu komeye kuli iroli i hulanga ubuswage, mu kumulanga kuli iparasi yetsingulu;

Jeremia 50:29

Mu vugannye halala ava tumekiranga ubuta nemibano ku Babuloni, yavo vosi ava nyira ubuta; mu singeridza mahema kumukumbiridza tsimbega tsyosi; mu ta leka mulala kulyo a hone: mu mu tunge kuli miyinzi gigye; kuli gosi aga ya kola, mu mu kolere ndiyo: kigira yegingira ku Yahova, ku Mutakatifu wa Israeli.

Jeremia 50:42

Va gumira ubuta na matimu; va veye avalulu ligali, si va veye netsimbabasi mba; myoyo gyavo gyi luumanga kuli inyanza; navo va ninanga ku tsiparasi; sa mulala u lombeywi, kuli umundu u tsitsanga mbulwani, ku ive, O mukana wa Babuloni.

Jeremia 50:7

Vosi ava ga nyola va ga liye; navasigu vavo va vola, Kwinye si ku veye nelihyolo, kigira va kolera Yahova ubwoni, naye a veye ubumenyo bwobulungi, niye Yahova wa li kisuuviri kyavaguga vavo.

Jeremia 50:9

Kigira, henza, nda vukidza nokuleta ku Babuloni livugana lyetsihiri tsinene tsi twula mu kivala kya kasikasininatsyo tsi lelomba ku bukvani kuye, kutwula yo a la hibva: mibano gyigye gyi la va kuli gyomundu muluviriri musidza; si ha veye na u gu lirana mwere.

Jeremia 51:2

Kandi nda hila ku Babuloni avageni, avoku msesa; na va la kola kivala kyalyo ki ve vutswa; kigira va la va kuye tsimbega tsyosi ku lidiku lyekivi yikyo.

Jeremia 51:27

Singeridza ibendera mu kivala, mu kupe kisiliva hagati hetsihiri, mu sone tsihiri kuye, mu lange ubwami bwa Ararati bu vunge halala kuye; na Mini, na Ashikenazu: mu vike umunene kuhing'ana naye; mu lete kuvo tsiparasi, tsyanegire kuli ubudziriri.

Jeremia 51:3

Ku uyu a nyiranga ubuta wobuta a nyire buta bwibwe, noku uyu weginga mu isalamba yeye: mu ta leka avosoleli veve; mu twulidza ligali lihe lilye lyosi.

Habakuk 2:17

Kigira kirage kya kolerwa Lebanon ki la kunika ive, na lidividzwa lyetsinyama, lya va tihidza; kigira masahi gavandu, na kigira kirage kya kolerwa mu kivala, nelidala na vosi va menyanga mulyo.

Habakuk 2:8

Kigira ive wa nuula avetsihiri tsinyingi, avatigala vosi vavandu va la nuula ive, kigira masahi gavandu, na kigira kirage kyekivala yikyo kya kolerwa, nelidala yilyo kandi navandu va menya mulyo.

Likunula 17:5

kandi mu bweni bwibwe ya li nelieta li ng'odeywi ndi, KIVl SEYWI, BABULONI MUNENE, NNYA WAVAHE YI KANDI WEVIVIHIRIRIDZI VYELIROVA.

1 Samweli 17:20

Na Daudi ya vuka mabwebwe, na a leka magondi mmukono gwomulindi wago, na ya vugula vindu yivyo, na a tsia kuli Jesse ya mu laga; na ya duka ha magari, na inyinga yelihe lya li ne li veye ku bulwani lya kupa uluku lwobulwani.