Jeremia 50:11 - KITABU KITAKATIFU

¹¹ Kigira mwinye mu sangala kigira mu yanzanga, mwinye ava lanyanga miyandu gyange, kigira mu komeye kuli iroli i hulanga ubuswage, mu kumulanga kuli iparasi yetsingulu;

Jeremia 50:11 ပူးပေါင်းရင်းမြစ်များ

Zaburi 22:12

Tsigiriki tsinyingi tsi nkumbiridzi; Tsigiriki tsyetsingulu tsya Bashan tsi veye tsimbega tsyosi.

Tsing'ano 17:5

Ku vosi u kolera mudaka kihenyahenye a leganga Mulombi wewe; Na uyu u sangalira budivi si a la vula kukalagirwa.

Isaya 47:6

Nda vihirirwa avandu vange, nda vika ubudamano ku miyandu gyange, nda va vika mmu kono gugwo; ive wa vula kuvavererera; na wa vika inira yoyo ku vasakulu nobuliduhu ligali.

Isaya 47:8

Kunangwa kalunu u hulire yaga, ive wevika mu vindu vi yanzanga, u menyanga bugira liganagana, u volanga mu mwoyo gugwo, Inze mbeye ho, si ha veye nowundi kuli inze; si ndikala kuli mukunzakali mba, kandi si nda manya likudzirwa lyavana:

Jeremia 12:14

Yahova a vola ndi ku vakye vange vadamano vosi, ava diranga miyandu gya nda ha vandu vange Israeli kugumira: Henza, nda viha va twule mu kivala kyavo, kandi ndiha inyumba ya Yuda i twule hagati havo.

Jeremia 46:20

Egepeti li veye iroli indahi ligali; navutswa ubudivi bu twulanga ku luvega lwa kasikasini bu mali kuudza.

Jeremia 46:21

Kandi avandu va li yo ava tungangwa ava veye hagati halyo va gwiye kuli vimoli vinetu; kigira yavo virana inyima kandi, viruka vosi halala, si va singira kali hakuzu: kigira lidiku lyekivi kyavo li duki kuvo, i veye inyinga yelihenzwa lyavo.

Jeremia 5:28

Va komeye ligali, va ng'ereng'ana; yee, va viti kigero ku vikolwa vyavo vidamano; si va veranga likuva, likuva lyombisandu, va duke kugasidzwa; nobulungi bwomudambi si va kalaganga mba.

Jeremia 5:8

Va li kuli tsiparasi tsinkomeru tsi voyavoyanga; sa mulala a volidza mukali wowakye.

Jeremia 50:17

Israeli a veye ligondi lya sala nywa; ving'ang'a vi mu kungi; kutanga, mwami wa Asuria ya mu liana kalunu Nebukadirezaru mwami wa Babuloni ya vunannya vigumba vi vye.

Jeremia 50:27

Tsing'ombe tsitsye tsyosi mu tsiite; tsi sulungute mu kenyenyero: O bayaye kuvo kigira lidiku lyavo li duki li veye lidiku lyelihenzwa lyavo.

Lisyoma lya Jeremia 1:21

Va huliye nkenyanga; si ha veye nomundu kali mulala wokuneminya mwoyo; Avasigu vange vosi va hulira kivi kya ngwira; va sangalanga kigira nive wa kola yaga: Ive u la leta lidiku lya wa landidza makuva galyo, navo va la leng'ana ninze.

Ezekieli 35:15

Kuli wa sangala ku miyandu gyenyumba ya Israeli, kigira gya li hatswa, ni ndiyo ndi kolera ive: u la va hatswa, O kigulu kya Seiru, na Edom kyosi, yee kyosi: va la manya inze mbeve Yahova.

Ezekieli 36:5

kigira yaga Mwami Nyasaye a vola ndi: Ligali mmali kuvola ku litigala lyetsihiri mu muliru gwelikendeka lyange, noku Edom, tsihiri tsyevuguliye tsyene kivala kyange va ve nakyo kuva miyandu gyavo ku buyanzi bwemyoyo gyavo gyosi, nomwoyo gwokulega, kukita kyova ki ve kilanye.

Hosea 10:11

Efi raim a veye iroli yegidzwa, i yanzanga kuhuula ubuswage; navutswa nda vitidza inira kwigoti lyayo linifu: nda nyinnya u ninanga ku Efiraim; Yuda a la lima, Yakobo a la kupa makindi gege.

Amosi 4:1

Hulira likuva yili, mwinye tsing'ombe tsya Bashan, ava veye mu kigulu kya Samaria, ava dambidza avadaka, na va duvaganga avadambi, mwinye ava voleranga vanene vavo, Mu lete, ku nwe.

Obadia 1:12

Navutswaive u ta henza ku lidiku lyamwavo wowo mu lidiku lyekivi kikye, u ta sangala ku avana va Yuda mu lidiku lyelidividzwa lyavo; kandi u ta vola noluyai mu lidiku lyobusaliri.

Habakuk 1:15

Uyu a gumiranga vosi nenzago, a va gumira nga nomuluvo, nokuvavungidza halala mu kyokukwesa kikye: kigira yaga a sangalanga nokuyanza.

Zekaria 14:12

Kandi ipelegi ya Yahova a la duyira avandu vosi avalwana na Yerusalemi, ni yiyi: tsinyama tsyemibiri gyavo tsi la nyanyika ni va singiye nevirenge vyavo, tsimoni tsyavo tsi la nyanyika mu mitwe gyavo, na tsinimi tsyavo tsi la nyanyika mu minwa gyavo.

Kwidzulitsa 32:15

Navutswa Jeshurun ya komera, na a kupa luvasi: U gwiye munetu, nokugwa mukomeru nomunifu, na wa terereka; Ma ya leka Nyasaye wa mu lomba Na ya lega Lwanda lwobuhonywi bwibwe.