Jeremia 5:9 - KITABU KITAKATIFU

⁹ Si ga ndukira kuvanza kisalya ku vindu kuli yivi? Yahova a vola; mwoyo gwange si ndevanzira kisalya ku ihiri i veye kuli yiyi?

Jeremia 5:9 ပူးပေါင်းရင်းမြစ်များ

Tsing'ano 6:29

Ni ndiyo a veye uyu wingiranga ku mukali womutende; Ku vosi u dira mukali uyu, si a la vula kukalagirwa.

Isaya 1:24

Kigira yaga Yahova a vola, uyu Yahova wa amahe, uyu Wanyala wa Israeli, O, inze ndeyahula ku yavo avasigu vange, nokuvanza kisalya kuvo ava hing'ana ninze;

Isaya 57:6

Kidieli kyenyu ki veye mu magina gomwivona amatereru; yaga ga veye ikura yoyo; ive u tsukanga kihaanwa kyokunwa kugo, u haananga kisyuu viriru. Nnyala nevindu yivi kuhambanywa na mwinye?

Jeremia 23:2

Kunangwa Yahova Nyasaye wa Israeli, a vola ndi, ku avayi avayanga avandu vange: Mu salannyi kyayo kwange, nokugakunga, na si mu tsiye kugo; henza, nda leta ku mwinye ubudamano bwevikolwa vyenyu, Yahova a vola.

Jeremia 32:31

Kigira lidala yili li gwiye kyokumbika livihiriridza nekyobutima bwange bwomuliru kutwula ku lidiku lya va lyombaka kuduka lidiku lya lero; nduke ku li twulidza li vule kuva imbiri wetsimoni tsyange:

Jeremia 44:22

Kuduka Yahova si ya nyala kwikudzira kandi, kigira ubudamano bwevikolwa vyenyu, kandi kigira kivihiri kya mu koli; kigira yaga kivala kyenyu ki gwiye hatswa, neligenya, nelilaamwa, kali si ki veye nomundu mukyo, kuli ga veye lero.

Jeremia 5:10

Mu nine ku madigi gege, mu dividze; navutswa mu ta dividza ligali: mu twulidze tsisya tsyalyo; kigira si tsi veye tsya Yahova.

Jeremia 5:29

Si ga ndukira kuvanza kisalya ku vindu kuli yivi? Yahova a vola; mwoyo gwange si gu levanzira kisalya ku ihiri kuli yiyi?

Jeremia 6:11

Kunangwa kigira yaga inze nzizuye ubutima bwa Yahova; lyegaya li nduhidzanga: u bu tsuke ku avana va veye ku inzira noku livugana lya vayai vasoleli, kigira kali musatsa halala nomukali wewe a la vugulwa, musakulu halala na uyu wizuye madiku.

Jeremia 6:6

Kigira Yahova va mahe a vola, Tema misala, mu lombe kitumi kuhing'ana ku Yerusalemi: yili ni lidala lyokulutwa; li veye nelidambidza lyere mulyo.

Jeremia 9:8

Lulimi lwavo lu veye mbano gwokwiita; lu volanga ubugadi: mundu mulala a volera wakye nemirembe mmunwa gwigwe, navutswa mu mwoyo gwigwe a mu gonekanga.

Jeremia 9:9

Mbule kuvavanza kisalya ku inkuva yiyi? Yahova a vola; mwoyo gwange gu vule kuvanza kisalya ku ihiri kuli yiyi?

Lisyoma lya Jeremia 3:42

Ku siye lwako nokwebaala; ive si u sameha mba.

Lisyoma lya Jeremia 4:22

Lihebwa mageli lyobudamano bubwo bu duki, O mukana wa Zioni; si a la ku hila kandi mu lyadikidzwa: A ladza ku ubwoni bubwo, O mukana wa Edom, a la vambula ubwoni bubwo.

Ezekieli 7:9

Imoni yange si i la leka, kandi si nda va netsimbabasi: nda leta ku ive kuli tsinzira tsitsyo; na vivihiri vivyo vi la va hagati hoho; na mu la manya inze, Yahova, nkuyanga.

Hosea 2:13

Na nda leta kuye amadiku ga Vabaal, va ya sambira kimuli kuvo, lwa yesyaha tsimingiri tsyommatu neviju vivye vyevyuma, nokulonderera avayanze veve, nokwivirira inze, Yahova a vola.

Hosea 8:13

Mu makuva gevihaanwa vyevisyuviriru vyange, va haana inyama nokugilia; navutswa Yahova si a va bugirira; kalunu a lidzulitsa budamano bwavo, nokuvika kuyo ubwo ni bwavo: va lirana Egepeti.

Kyavalevi 18:25

na kivala ki veye kidamano: kunangwa mbikanga ubudamano bwavo kukyo, na kivala ki lukanga avandu vakyo nokuvatwulidza.

Kyavalevi 26:25

Na nda leta kivavi ku mwinye, ki li vanza kisalya kyelilagana; na mu la vuganywa halala mu madala genyu: na nda leta a lukudzo ludamano hagati henyu; na mwinye mu la vikwa mu mukono gwa avasigu venyu.

Nahum 1:2

Yahova a veye Nyasaye welikendeka nowelivanza kisalya; Yahova a vanza kisalya nokwizula ubutima; Yahova a vanza kisalya ku avahing'ana naye, kandi a vikira avasigu veve ubulima.

Kwidzulitsa 32:35

Kisalya ni kyange, nokutunga, Inyinga yekirenge kyavo ki la terera: Kigira lidiku lyekivi kyavo li veye himbi Nevindu vi veye kuduka kuvo vi la kola bwangu.

Kwidzulitsa 32:43

Mwinye tsihiri, mwidzominye, halala navandu veve: Kigira a la vanza kisalya kyavatumekiri veve, A la vanza kisalya ku vasigu veve, Kandi a la lomba kyokukunika ubwoni ku kivala kikye, ku avandu veve.