Jeremia 5:7 - KITABU KITAKATIFU

⁷ Nyala ndi kukusameha? Avana vovo va ndeki, na va mali kwisuha ku yava ava ta li avanyasaye. Lwa nda li ni mbigutidzanga vyokulia, va heya, nokuvugana halala viduma neviduma ha tsinyumba tsyavamalaya.

Jeremia 5:7 ပူးပေါင်းရင်းမြစ်များ

2 Kyetsinyinga 13:9

Mwinye si mwa kunga avasalisi va Yahova avana va Haruni, na Valevi ni mweiombera avasalisi venyu kuli miima gyavandu vevivala vindu? Kuduka vosi udzanga kwivika ku vanyasaye, negiriki navana vama gondi makoli, vatano na vaviri, a nyala kuva musalisi, wa yavo ava ta li avanyasaye.

Ayubu 31:12

Kigira bu veye muliru gu sambanga kuduka ku Bwoneku, Kandi nkano bwihe limedeka lyange lyosi.

Zaburi 50:18

Lwa wa lola mwivi wa hambana naye, Na kidieli kikyo kya li halala na avaheyi.

Jeremia 12:16

Na ga la duka, ni va va ni vega ligali va manya tsinzira tsyavandu vange, kwisuha ku lieta lyange, Kuli Yahova a veye mwoyo; kuli vegidza avandu vange kwisuha ku Baal; hene yaho va lombakwa hagati ha vandu vange.

Jeremia 13:27

Inze ndola livihiriridza lilyo, kali ubuheyi bubwo, ne lilang'ana lilyo na makuva madamano agamalaya gogo, mu tugulu mu milimi. O bayaye ku ive Yerusalemi si wenya kutakaswa; vindu yivi vi la tsitsagil'la kuduka inyinga ki?

Jeremia 16:11

Hene yaho u la va volera, Yahova a vola, Kigira avaguga venyu va ndeki, nokulonda avanyasaye vandi, nokuvatumekira, nokuvasigamira, nokuleka inze, va vule kugumira lilaga lyange;

Jeremia 16:20

Mundu a lelombera avanyasaye mwene, ava ta li avanyasaye?

Jeremia 2:11

Ihiri ya girunkannyaa avanyasaye vavo, ava ta veye avanyasaye? Navutswa ava ndu vange va girunkannya ubukumi bwavo ku kya vutswa.

Jeremia 2:31

O likula, mu lole likuva lya Yahova. Inze nda li ligendannyamak u Israeli? Kinga nda li kivala kyekisundi kinene? Kunangwa kigira ki avandu vange va volanga, Kwinye kwiruki; si ku lirana ku ive kandi mba?

Jeremia 23:10

Kigira kivala yiki kizuye avaheyi; na kigira linyega, kivala ki vereranga; bwayiru bwomwigendanyama bwumi. Lugendo lwavo lu veye ludamano, nobunyali bwavo si bu veye bwobulungi;

Jeremia 3:19

Navutswa nda vola, Nyala ndi kuvika ive halala na avana, nokuha ive kivala ki yanzidzanga miyandu milahi gyamahe ge tsihiri? Na nda vola, Mu la nanga Dada Wange, na si mu la girunkana kuleka kulonda inze.

Jeremia 3:8

Na nda lola, lwa nda li ni mmu leki nokumuha ibaruwa yokulekwa, kigira agene yaga, Israeli yirana inyima kuheya, Yuda amwavo wewe wobugadi si ya tia mba; navutswa uyu kandi ya tsia na a londa malaya.

Jeremia 7:9

Mu liba, nokwiita, nokuheya, nokwisuha ku bubehi, nokuvuyidze vimuli ku Baal, nokulonda vanyasaye vandi ava mu ta manya,

Jeremia 9:1

Nkano mutwe gwange gu veye amadzi a manyingi, netsimoni tsyange kuva kyokusenuka amaliga, nduke kulira mbasu nobudiku kigira yavo aviitwa avomukana wavandu vange

Jeremia 9:2

Nkano mbeye na hokugona mu kyangalangwi ku avandu ve tsing'endo, nduke kuleka avandu vange, ntwule kuvo kigira va veye avaheyi vosi, li veye livugana lya vasatsa vagadi.

Lisyoma lya Jeremia 3:42

Ku siye lwako nokwebaala; ive si u sameha mba.

Ezekieli 22:11

Kandi mulala u koli agokuvihiriridza nomukali wowakye; nowundi u mali kwononnya mukali womuyai wewe nobuheyi; nowundi mu ive u mali kuleganya mbotso wewe, mukana wa dada wewe.

Hosea 11:8

Inze nyala ndi kukuleka, Efiraim? Nyala ndi kukuta, Israeli? Nyala ndi kukukola kuli Adima? Nyala ndi ku kuvika u ve kuli Zeboim? Mwoyo gwange gu girunkanywa mu inze, tsimbabasi tsyange tsyaaki halala.

Hosea 13:6

Kuli hokwaya havo ha veye, ni ndiyo viguti; viguti, nemyoyo gyavo gya nenehidzwa: kigira yaga vivirira inze.

Hosea 4:2

Si ha veye nekindu ni li ta li lyesuha, nobubehi nokwiita, nokwiba, nobuheyi; va twulira namasahi ga dira masahi.

Hosea 7:4

Yavo vosi va veye avaheyi; va gwiye kuli amahiga ga vikeywi mu muliru na uyu u luganga ubukima; uyu a lekanga kwigereridza muliru, kutwula ku liduvula ubusie kuduka lwa ma mera ga vimbidza.

Kyavalevi 20:10

Na ku vosi uyu u heya nomukali wonmusatsa wundi, kali uyu heya nomukali womutende wewe uyu musatsa muheyi na mukali muheyi ligali va liitwa.

Amosi 8:14

Yavo avesuhanga ku bwoni bwa Samaria, nokuvola, Kuli nyasaye wowo, O Dan, a veye mwoyo; kandi, Kuli inzira ya Beersheba i veye mwoyo; va la gwa, na si va la vuka kandi mba madiku gosi.

Zefania 1:5

navo ava sigamira amahe gomigulu ku visegese vyetsinyumba; na yavo ava sigamiranga, avesuhiranga Yahova nokwisuha ku Malikam;

Malaki 3:5

Na ndisunda ku mwinye himbi mu likalaga; na nda va lilole kidza lya bwangu ku vasegetiri, noku vaheyi, noku yavo avesuhanga ububehi, noku yavo avadambidzanga uyu tungangwa ku madanyi gege, oku yavo avadambidzanga mukunzakali, na avabisandu, na yavo ava kyaminyiranga mumenya ku bulungi bwibwe, na va vula kutia inze, Yahova wa mahe a vola.

1 Vakorintho 6:9

Naho si mu manya avadamano si va li nyola ubwami bwa Nyasaye? Mu ta gadwa: ava tsia mbakana, kinga ava londanga misambwa, kinga avaheyi, kinga ava gwa avakali, kinga vafiraji,

1 Vakorintho 8:4

Kunangwa amakuva yaga agokulia vindu vi salisirangwa misambwa, ku manya si ha veye nekifwananyi ki veye kindu mu lirova, kandi ku manya si ha veye na Nyasaye wundi, navutswa mulala yeng'ine.

Vagalatia 4:8

Navutswa inyinga yeyo, kigira si mwa manya Nyasaye, mwa li ni mu veye avatugwa va yavo aveliva lyavo li ta li lyavanyasaye:

Kwidzulitsa 32:15

Navutswa Jeshurun ya komera, na a kupa luvasi: U gwiye munetu, nokugwa mukomeru nomunifu, na wa terereka; Ma ya leka Nyasaye wa mu lomba Na ya lega Lwanda lwobuhonywi bwibwe.

Kwidzulitsa 32:21

Va vukidza likendeka lyange nevindu vi ta li Nyasaye; Va vukidza inze ubutima bwange ku vindu vyavo vya vutswa: Na inze nda va kendekidza nayavo ava ta li avandu; Nda vukidza livihirirwa lyavo nehiri isiru.

Vahebraina 13:4

Lisererana li veye nelidzominywa ku vosi, nobugono bu ta va nobudamano: kigira ava tsia mbakana navaheyi Nyasaye a la va kalagira.

Yakobo 4:4

Avobuheyi, si mu manya ubulina bwevyelirova bu veye ubusigu ku Nyasaye? Uyu wenya kuva mulina wevyelirova yekolanga musigu wa Nyasaye.

Joshua 23:7

mu tingira hagati hetsihiri yitsi, tsya tigala hagati henyu; kandi mu ta tala ameta ga vanyasaye vavo, kinga kumwisuhidza kuvo, kinga kuvatumekira, kinga kwinama imbiri wavo: