Jeremia 5:6 - KITABU KITAKATIFU

⁶ Kunangwa kigira yaga, king'ang'a ki twulanga mbulimu ki la viita, kisalang'ongo kyo mgolova ki la va dividza, ingo i la goneka madala gavo; mundu sa mulala u twula mu a la tandulwa; kigira mahyolo gavo ga veye manene, na lirana inyima lyavo li medeki.

Jeremia 5:6 ပူးပေါင်းရင်းမြစ်များ

2 Kyetsinyinga 36:14

Kandi mitwe gyosi gyavasalisi na gyavandu, va kola mahyolo ligali kulonda vivihiriridzi vyosi vyavatsi hiri, na vononnya inyumba ya Ya hova ya ya takasa mu Yerusalemi.

Ezara 10:10

Na Ezara musalisi ya singira, na a va volera, Mwinye mu hyoye, na mu kweye ava kali avageni, kumeda mahyolo ga Israeli.

Ezara 9:6

na nda vola, O Nyasaye wange, mbeye isoni, tsisoni tsi ngumiye kali ni ng'inga mmoni mwange ku ive Nyasaye wa nge, kigira ubudamano bu medeki igulu ku mitwe gyetu, mahyolo gyetu ga viruki kuduka migulu.

Ayubu 10:16

Mutwe owanoe ni gwiyidzominya, hene yaho ive u mbimanga kuli king'ang'a; Na kandi welolekidza ive mwene ku inze kuva wobugenyi.

Zaburi 104:20

U lomba kisundi, na bu veye ubudiku, Mubwo tsinyama tsyomulitu tsi gendanga.

Zaburi 80:13

Impidzi yommulitu i gwononnyanga, Na tsinyama tsyombulimu tsyayanga kugwo.

Isaya 1:23

Avanene vovo vebaaye, va veye avakye va avivi; sa mulala a yanza vikukula, nokulonda litungwa: si va kalagira avabisandu bulungi mba, kinga makuva ga vakunzakali si ga dukanga kuvo mba.

Isaya 59:12

Kigira mahyolo getu ga medeka livalidzwa lyago imbiri wowo, na bwoni bwetu bu letanga lilolekidza ku kwinye; kigira mahyolo getu ku veye nago halala, noku budamano bwetu, ku bu manya:

Jeremia 14:7

Kali ubudamano bwetu ni bu lolekidza ku kwinye, u kole miyinzi kigira lieta lilyo, O Yahova; k igira lirana inyima lyetu ni linyingi; ku koleye ive ubwoni.

Jeremia 2:15

Ving'ang'a visoleli vi fwumanga kuye, nokuloka; na vi koli kivala kikye kuva vutswa: mada la gege ga hiye, si ga veye navandu.

Jeremia 2:17

Si welombera inkuva yiyi ive mwene, kigira u leki Yahova Nyasaye wowo, lwa ya li na a kwimiranga?

Jeremia 2:19

Ubudamano bubwo mwene bu la kwirannya, nobugirunkanu bubwo bu la ku gondokera: u manye nokulola i veye inkuva indamano ligali nobululu, ya ive wa lekera Yahova Nyasaye wowo, kandi ku litibwa lyange si li veye mu ive, Yahova a vola, Yahova wa mahe.

Jeremia 2:31

O likula, mu lole likuva lya Yahova. Inze nda li ligendannyamak u Israeli? Kinga nda li kivala kyekisundi kinene? Kunangwa kigira ki avandu vange va volanga, Kwinye kwiruki; si ku lirana ku ive kandi mba?

Jeremia 25:38

Ya leka likinga lilye, kuli king'ang'a; kigira kivala kyavo ki gwiye kyokugenya kigira ubwogi bwekivavi ki dambidzanga, kandi kigira ubutima bwibwe bwomuliru.

Jeremia 30:14

Vosi ava li ni va ku yanza va kwiviriye; si va kwenya mba: kigira nkwati ulugoma, kuli lwomusigu, nelikuya lyowekirage; kigira ubunene bwobudamano bubwo kigira ubwoni bubwo bwa medeka.

Jeremia 30:15

Kigira ki u liranga ku lisalira lilyo? Ubusaliri bubwo si bu nyala kuhonywa; kigira ubunene bwobudamano bubwo, kigira ubwoni bubwo bu medeki, nku koleye vindu yivi.

Jeremia 30:24

Ubutima bululu bwa Yahova bu la vula kwirana, kuduka lwa a mala likola, kuduka lwa a twekidza lisaavira lyomwoyo gwigwe: mu madiku gekiheri mu la manya yaga.

Jeremia 4:7

King'ang'a kyanegiye kutwula mu liginga lyakyo, nomudividzi wetsihiri; a veye mu inzira, u mali kutwula hango hehe a duke kukola kivala kikyo kuva vutswa, amadala gogo ga kolwe vyanyi ga vule kuva nomundu mugo.

Jeremia 49:19

Henza, a lanegira kutwula mu luyai lwa Yordani, kuli king'ang'a, ku limenya lya avetsingulu: navutswa nda va nyagulidza viruke nonoho; na uyu wa tovolwa, niye wa ndi vika kulyo: kigira ni bwaha u leng'ana ninze? Kandi ni bwaha u ling'olera inyinga? Kandi ni bwaha ni mwayi u li singira imbiri wange?

Jeremia 8:5

Kigira ki avandu va Yerusalemi yava va tererekanga ndi kutsia inyima nokuterereka madiku gosi? Na va gumira ubugadi, va sula kwirana.

Jeremia 8:7

Yee, ligungu lyombwerefu li manyanga tsinyinga tsyalvo tsya lagwa; nelikuuh; lyombulimu na iminyi, na ling'ohani vi henzanga inyinga yeliduka lyavyo; navutswa avandu vange si va manya liiaga lya Yahova.

Lisyoma lya Jeremia 1:5

Ava mu dambidzanga va gwiye mutwe, avasigu veve va gasidzeywi; Kigira Yahova u mu vereridzi kigira ubunyingi bwa mahyolo gege: Avana vadoto veve va hileywi mu lyadikidzwa imbiri womudambidzi.

Ezekieli 16:25

Wombake hadigu luku hoho ha mutwe gwa mahasi gosi, na u koli ubulahi bubwo kuva kivihiri, na u tavalalidzi virenge vivyo ku vosi ava vitanga himbi, nokumeda amalaya gogo.

Ezekieli 22:27

Avanene veve muye va gwiye kuli visalang'ongo vi tandu langa vihimwa, kuduka kutahidza masahi, nokudividza myoyo gyavandu, va duka kunyola vyambeti ku ga ta li bulungi.

Ezekieli 23:19

Navutswa kandi ya kira kumeda amalaya gege, na yidzulira amadiku gobusoleli bwibwe, mu madiku yaga ga ya tumekira malaya mu kivala kya Egepeti.

Danyeli 7:4

Yokutanga ya li nelifwana lyeking'ang'a, na ya li ne tsimbaha tsyendidzu: na inze nda henza kuduka tsimbaha tsyayo tsya manyulwa, na ya gingwa ku twula ku lirova, nokusingeridzwa ne virenge viviri kuli mundu; na ya hebwa mwoyo gwomundu.

Danyeli 7:6

Inyima wa yiyi, nda henza, na lola, yindi ya fwana ingo, ya li na tsimbaha tsine tsyelinyonyi ku mugongo; kandi inyama yiyi ya li nemitwe gyine; na ya hebwa lyameha.

Hosea 5:14

Kigira nda va kuli king'ang'a ku Efiraim, na kuli king'ang'a kisoleli ku inyumba ya Yuda: inze, yee, inze mwene nda tandula na nda tsia; nda hila ihale, na si ha veye no nyaia kuhonnya.

Habakuk 1:8

Tsiparasi tsyavo tsi veye netsimbiru kuvita engo, na tsindulu kuvita kisalang'ongo kyamgolova; avasikari vetsiparasi velandidzanga: yee, avasikari vavo vetsiparasi va twula ihale liga'i; va bulukanga kuli indidzu i gendanga tsimbiru kulia.

Zefania 3:3

Avanene veve hagati hehe va veye ving'ang'a vi fwumanga; avakalagi veve va veye visalong'ongo vyamgo lova; si va lekanga ki tigala kuduka mugamba kali kilala mba.

Livalidza 32:14

Na, henza, mwinye mu singeye mu bugono bwavaguga venyu, limedeka lya avandu vobwoni, kumeda kandl ubutima bululu bwa Yahova ku Israeli.

Likunula 13:2

Kandi inyama zana ya nda lola ya fwanana ne ingo, nevirenge vyayo vya li kuli vyeduba, kandi munwa gwayo gwa li kuli munwa gweking'ang'a: kandi guyoka gwa gi ha tsingulu tsyayo, nentebe yayo, nelihaana munwa linene.