Jeremia 5:22 - KITABU KITAKATIFU

²² Si mu tia inze? Yahova a vola: si mu degera imbiri wommoni mwange, inze wa vika muyeke kuva lwako lwenyanza, ku lilaga li singiranga madiku gosi, i vule kunyala kuvita? Kali viguvuli vyayo ni vyehinula, si vi nyala kuguuta; kali ni vi luuma, si vi nyala kuvita kulwo.

Jeremia 5:22 ပူးပေါင်းရင်းမြစ်များ

Litanga 1:9

Kandi Nyasaye ya vola, Amadzi ga li isi weligulu ga vunge halala li loleke lirova Iyumu: na ga li ndiyo.

1 Avami 13:28

Na ya tsia na a lola mubiri, gu tebeywi ku inzira, nesukiri neking'ang'a vi singiye himbi nomu biri: neking'ang'a kya li ni ki kikiri kulia mubiri, kinga kutandula isukiri.

Ayubu 26:10

Ya vika lwako igulu mmoni mwamadzi manene, Kuduka ku kiheri kyobulavu nekisundi.

Ayubu 37:24

Kigira yaga avandu va mu tidzanga: Si a henzanga avobugeeri mu myoyo.

Ayubu 38:8

Naho ni bwaha wa boha inyanza nemiliango, Lwa ya tigula gi twule, kuli kindu ki twulanga mmunda;

Zaburi 104:9

U ga lombeye ulwako lwa ga ta nyala kuvita; Ga vule kwirana kandi kukunika lirova.

Zaburi 119:120

Mubiri gwange gu degeranga kigira ubutii bwokutia ive; Na mbeye nobutii ku likalaga lilyo.

Zaburi 33:7

A vungidzanga amadzi genyanza kuva kitumi: A vikanga ubunyingi bwetsinyanza mu magungi.

Zaburi 46:3

Kali madzi gagwo ga fwuums nokwiginga, Na vigulu videngeya kigira lyegingira lyavyo. [Selaha

Zaburi 99:1

Yahova yamehanga; avetsihiri va degere: Yikalanga igulu wa vakerubi; lirova li dengeye.

Tsing'ano 8:29

Lwa ya vika ulwako lwenyanza, Amadzi ga vule kwononnya lilaga lilye Lwa ya laga imise gyelirova:

Isaya 50:2

Kunangwa, ni kindu ki, lwa ndadza mundu si ya li ho? Lwa nda langa, mundu si ya li ho wa ntivulira? Mukono gwange gu gehidzwi, gu ta nyala kandi kutungira? Naho inze si mbeye netsingulu tsyokuhonnya? Henza, ku ligondoka lyange nkaminya inyanza, nkola migera gyamadzi kuva kyangalangwi: tsisudzi tsyagyo tsi funya, kigira si ha veye namadzi, nokukudza kigira ubuluhu.

Isaya 64:2

kuli lwa muliru gu sambanga luvonga lwomu mulitu, na muliru gu viridzanga amadzi; kuduka kuvuulira avasigu vovo lieta lilyo avetsihiri va duke kudegera imbiri wowo

Isaya 66:5

Mu hulire makuva ga Yahova, mwinye ava degeranga kigira makuva gege: Avamwavo venyu ava dunyira mwinye, ava syuva mwinye kyova kigira lieta lyange, va voye, Yahova a kuminywe, kuduke kulola ubuyanzi bwenyu; navutswa ni yavo va la va isoni.

Jeremia 10:7

Ni bwaha u vula kutia ive, O Mwami wavetsihiri? Kigira ga ku dukira yaga: kigira mu vageeri vosi avetsihiri, nomu vindu vyavo vyosi vyobwami, si ha veye mulala u veye kuli ive.

Jeremia 2:19

Ubudamano bubwo mwene bu la kwirannya, nobugirunkanu bubwo bu la ku gondokera: u manye nokulola i veye inkuva indamano ligali nobululu, ya ive wa lekera Yahova Nyasaye wowo, kandi ku litibwa lyange si li veye mu ive, Yahova a vola, Yahova wa mahe.

Jeremia 31:35

Yahova, u hedzanga avandu liuva kuva ubulavu inyinga yombasu, namalago gomweli nagetsing'ering'ani kuva ubulavu inyinga yobudiku, u duvulanga inyanza, kuduka viguvuli vyayo vi luumanga: Yahova wa mahe ni lieta lilye: a vola ndi,

Danyeli 6:26

Inze mbaana munwa, mu bwami bwange bwosi, avandu va degere nokutia imbiri wa Nyasaye wa Danyeli; kigira a veye Nyasaye u veye mwoyo, na a hindi ranga mihiga nemihiga, na ubwami bwibwe nibwo bu li vula kudividzwa; na ubwami bu la menya kuduka ku kiheri:

Amosi 4:12

Kunangwa kigira yaga nda ku kolera ndi, O Israeli; na kigira nda ku kolera yaga, wetegeke kulolana na Nyasaye wowo, O Israeli.

Amosi 9:6

uyu niye wombakanga inyumba yeye mwigulu, nokuyava imise gyevigutu ku lirova; uyu u langanga amadzi genyanza, nokugatsuka mmoni mwelirova; Yahova ni lieta lilye.

Jona 1:16

Ma avandu yavo va tia Yahova ligali; na va letera Yahova kihaanwa, ni va lagana.

Nahum 1:4

A gondokiranga inyanza, na a gi kaminyanga, kandi a kaminyanga migera gyosi: Bashan va nialanga, na Karimeli; nekimuli kya Lebanon ki nialanga.

Matayo 10:28

Kandi mu ta tia aviitanga mubiri mba, navu tswa si va nyala kwiita mwoyo: nu bulahi mu tie u nyala kudividza mwoyo kandi mubiri mu gehena.

Marko 4:39

Na a vuka na a gaya imbuudza, na a volera inyanza, Kiring'ana, u leng'ere. Nembuudza ya hera, ni gu va muleng'era munene.

Luka 12:5

Navutswa nda mu gelihidza ku uyu wa mu li tia: Mu tie uyu, na a mala kwiita, a veye netsingulu kuta mu igehena; yee, mmu volera, Mu tie uyu.

Kwidzulitsa 28:58

Nu u va nu u sula kulinda nokukola amakuva gosi agelilaga yili lya ng'odwa mu kitabu yiki, u duke kutia lieta yili lyobukumi nelyokutihidza, YAHOVA NYASAYE WOWO;

Likunula 15:4

Ibwaha u vula kutia, O Mwami, nokwidzominya lieta lilyo? Kigira ive u veye mutakatifu weng'ine; kigira tsihiri tsyosi tsi ladza nokusigama imbiri wowo; kigira vikolwa vivyo vilungi vi lang'aminyeywi.