Jeremia 5:17 - KITABU KITAKATIFU

¹⁷ Va la lia ligesa lilyo, nobukima bubwo, ubwa, dukira ava na vovo vayai navakana kulagira; va la lia vyayo vivyo vyamagondi netsing'ombe; va la lia mizabibu gyigyo nemikuyu gyigyo: va la sambulannya madala gogo getsingaga, aga wa li ni wa suuvira, va la ga sambulannya nekivavi.

Jeremia 5:17 ပူးပေါင်းရင်းမြစ်များ

Isaya 62:8

Yahova wisuhi nomukono gwigwe mulungi, nomukono gwetsingulu tsitsye, Ligali inze si nda haana kandi ku vasigu vovo ubuswage bubwo kuva vyokulia vyavo; avageni si va la nwa iwaini yoyo, ya mwinye mwa yinzira:

Isaya 62:9

navutswa avagesa va la bu lia, nokwidzominya Yahova; na va vungidza va la nwa mu migidzi gya hata katifu hange.

Isaya 65:22

Si va lombaka, ma wundi a menya mu mba; si va la taga, ma wundi a lia makuyu mba: kigira kuli amadiku gomusala ga veye ni ndiyo madiku gavandu vange ga la va, avatovole vange va la sangalira madiku manyingi mu miyinzi gya makono gavo.

Jeremia 1:15

Kigira, henza, nda langa bwiko bwosi bwobwami bwa kasikasini, Yahova a vola; navo va ladza, na va la vika mundu sa mulala intebe yeye yobwami ha bwingiriru bwekiribwa kya Yerusalemi, na himbi ku madigi galvo gosi tsimbega tsyosi, na himbi ku madala gosi ga Yuda.

Jeremia 25:37

Na vigo vyemirembe vi kiring'anyeywi kigira ubutima bwomuliru bwa Yahova.

Jeremia 4:26

Nda lola, henza, mulimi gwelyama ligali gwa li kyangalangwi, na madala gagwo gosi ga sambulanywa imbiri wommoni mwa Yahova, imbiri wobutima bwibwe bululu.

Jeremia 4:7

King'ang'a kyanegiye kutwula mu liginga lyakyo, nomudividzi wetsihiri; a veye mu inzira, u mali kutwula hango hehe a duke kukola kivala kikyo kuva vutswa, amadala gogo ga kolwe vyanyi ga vule kuva nomundu mugo.

Jeremia 5:18

Navutswa mu madiku yago, Yahova a vola, Si nda heridza mwinye ligali mba.

Jeremia 50:17

Israeli a veye ligondi lya sala nywa; ving'ang'a vi mu kungi; kutanga, mwami wa Asuria ya mu liana kalunu Nebukadirezaru mwami wa Babuloni ya vunannya vigumba vi vye.

Jeremia 50:7

Vosi ava ga nyola va ga liye; navasigu vavo va vola, Kwinye si ku veye nelihyolo, kigira va kolera Yahova ubwoni, naye a veye ubumenyo bwobulungi, niye Yahova wa li kisuuviri kyavaguga vavo.

Jeremia 8:13

Inze nda va dividza ligali, Yahova a vola: si ga la va ho mazabibu ku mizabibu, kinga amakuyu ku mikuyu, amatu ga la nila; kandi vindu vya nda va ha vi la gota.

Jeremia 8:16

Na lisiala lyamolo ga tsiparasi tsitsye li hulirwa kutwula Dan: na ku mwoyo gwavetsingulu veve kivala kyosi ki degeranga; kigira va duka, nokudividza kivala na vyosi vi veye mukyo: lidala, na vosi ava menya mulyo.

Lisyoma lya Jeremia 2:12

Va tevanga avamama vavo, Ubune iwaini vi veye haliha? Lwa va kudzanga kuli avaateywi tsing'oma ku mahasi ga ma dala, Lwe myoyo gyavo gyi tsukeywi mu viritu vya vamama vavo.

Lisyoma lya Jeremia 2:2

Yahova u miri ubumenyo bwosi bwa Yakobo, na si ya li netsimbabasi mba: Tsimpinga tsyomukana wa Yuda ya tsi sambula mu butima bwibwe; U tsi tsomi kuduka hasi; u viki ubudamano ku bwami noku vanene vabwo.

Ezekieli 36:4

kigira yaga, mwinye vigulu vya Israeli, mu hulire likuva lya Mwami Nyasaye: Mwami Nyasaye a volera vigulu na tugulu, na migerera gyamadzi na mavona, na ha lekwa hatswa ahere, noku madala aga avandu va leka, aga gwiye vilanye na lilegwa kuva tigala vetsihiri ava kumbiridza tsimbega tsyosi:

Hosea 2:12

Na mizabibu gyigye, na mikuyu gyigye, nda gyononnya, gya ya vola mu ma kuva gege, Misala yigyi gyi veye madanyi gange, aga vayanze vange va mpa; na nda gyi kola kuva mulitu, netsinyama tsyombulimu tsi la gyi lia.

Hosea 8:14

Kigira Israeli wiviriye Wamulomba, na vombaki tsinyumba tsyobwami; Yuda u medi amadala getsingaga: navutswa nda hila muliru ku madala gege, na gu la samba tsimpinga tsyago.

Joeli 2:3

Muliru gu sambanga imbiri wavo; na inyima wavo ulumemo lwomuliru lwaakanga: imbiri wavo kivala ki veye kuli mulimi gwa Edeni, na inyima wavo ki veye kyangalangwi; yee, si ha veye nowahona kuvo kali mulala.

Kyavalevi 26:16

inze kandi nda l mu kolera yaga: nda vika ku mwinye litihidza, kuli ubulwaye bwekiritu bunene na luhudza, vyokwononya tsimoni tsyenyu, nokung'ahidza mwovo gwenyu; mu la taga bugutsa bwenyu vutswa, kigira avasigu venyu va la bu lia.

Zefania 3:6

Ntwulidzi tsihiri; tsimpinga tsyavo tsinene tsi lekeywi hatswa; nkoli amahasi gavo kuva hatswa, si ha veye na u vita ku kali mulala; madala gavo ga dividzeywi, si ha veye nomundu kali mulala, si ha veye nowokumenya mu kali mulala.

Malaki 1:4

Kali Edoma vola, Kwinye ku duvagirangwa hasi, navutswa ku la galuka nokwombaka mu vyanyi vya lekwa: Yahova wa mahe a vola, Va lombaka, navutswa nda sambula kandi; na vandu va la va langa, Kivala kyobudamano, na Avandu ava Yahova a vihirirwa mihiga nemihiga.

Kwidzulitsa 28:33

Makuyu gekivala kikyo, nelididikana lilyo lyosi, ihiri yindi ya u ta manya i la li lia; u la kupidzwa kivi nokushonolanywa kazozo;