Jeremia 5:15 - KITABU KITAKATIFU

¹⁵ Henza, nda leta ku mwinye ihiri i twula ihale ligali, O inyumba ya Israeli, Yahova a vola: i veye ihiri yobunyali, i veye ihiri ya kale ligali, ihiri ya ive u ta manya lulimi lwayo, kandi si u manya aga va volanga.

Jeremia 5:15 ပူးပေါင်းရင်းမြစ်များ

Litanga 11:7

Gendi, kwike, ku vike ligoyana mu lulimi lwavo, va vule kuhuliridzana avene na avene.

Zaburi 81:5

Ya haana munwa li ve lilolekidza mu Yosefa, Lwa ya twula mu kivala kya Egepeti, Ha mbulira ululimi lwa nta manya.

Isaya 28:11

Auwa, navutswa a la volera avandu yava neminwa migeni, nolulimi lundi;

Isaya 29:3

Na nda singeridza mahema kukukumbiridza tsimbega tsyosi, na nda lwana nive mu impinga, na ndombaka lugaga kukukumbiridza.

Isaya 29:6

Yahova wa mahe a ladza kuye netsinkupa, noku degeridza kivala, neliyoga linyingi, nekihudzudzi, nekihi, nolumemo lwomuliru gu sambanga.

Isaya 33:19

Ive u la vula kulola avandu valulu, avamakuva gomululiva aga u ta nyala kumanya; avolulimi lugeni lwa u ta nyala kumanya.

Isaya 39:3

Hene yaho Isaya muprofeti ya tsia ku mwami Hezekia, na a mu teva, Avandu yavo va vola ki? Na va duki ku ive kutwula haliha? Hezekia ya vola, Va duki ku inze kutwula mkivala kyehale, kivala kya Babuloni.

Isaya 5:26

Na a la gingira tsihiri tsye hale ibendera, na a la va langira kutwula ku kiheri kyelirova; na henza, va ladza tsimbiru ligali.

Isaya 5:7

Kigira kizabibu kya Yahova wa mahe ki veye inyumba ya Israeli, navasatsa va Yuda va veye muzabibu mulahi; naye ya henzerera likalaga lilungi, navutswa ya lola lidambidzwa; na ya henzerera ubulungi, navutswa ya hulira lilira.

Jeremia 1:15

Kigira, henza, nda langa bwiko bwosi bwobwami bwa kasikasini, Yahova a vola; navo va ladza, na va la vika mundu sa mulala intebe yeye yobwami ha bwingiriru bwekiribwa kya Yerusalemi, na himbi ku madigi galvo gosi tsimbega tsyosi, na himbi ku madala gosi ga Yuda.

Jeremia 2:26

Kuli umwivi a veye isoni lwa a nyoleka, ni ndiyo inyumba ya Israeli i veye isoni; y avo, na avami vavo, navanene vavo, navasalisi vavo, na avaprofeti vavo;

Jeremia 25:9

henza, nda tuma avatumwa nokuvugula ubwiko bwosi ku tsimbega tsya kasikazini, Yahova a vola, nda tuma avatumwa ku Nebukadirezaru mwami wa Babuloni, mutumekiri wange nda va leta vadze ku kivala yiki, noku avandu va menyanga kukvo, noku tsihiri tsyosi tsyoku tsimbega; na nda va dividza ligali, nokuvakola kuva kyokugenya, nokukunukirwa, nokuva hatswa mihiga nemihiga.

Jeremia 4:16

U hile makuva ku tsihiri; henza mwilwadze ku Yerusalemi, avalindi va twula mu kivala kyehale, na va twulidzanga myoyo gyavo ku madala ga Yuda.

Jeremia 5:11

Kigira inyumba ya Israeli nenyumba ya Yuda tsi kol ubugadi ligali ku inze, Yahova a vola.

Jeremia 6:22

Yahova a vola, Henza, avandu va twula mu kivala kya kasikasini; ihiri inene i la vukidzwa kutwula ku tsimbega tsyekiheri kyelirova.

Jeremia 9:26

Egepeti, na Yuda, na Edom, navana va Amon, na Moabu, na vosi ava vegwa amatsava mu lisu lyavo, avamenyanga mu kyangalangwi: kigira tsihiri yitsyo tsyosi si tsi kevwa mba, na vosi ava veye mu inyumba ya Israeli si va kevwa myoyo gyavo mba.

Ezekieli 18:31

Mu te amahyolo ge nyu gosi, aga mwa hyola mugo; mwelombere myoyo mihya na roho muhya: kigira ki mu la kudza, O inyumba ya Israeli?

Danyeli 1:4

avasoleli ava ta li nembala, navutswa aveligondo lilahi, avasidza mu bugeeri bwosi, kandi avelimanya, navahuliri velimanya, na avetsingulu kusingira mu inyumba yomwami; kandi ya mu volera a vegidze megidzo nolulimi lwa Vakalidei.

Danyeli 7:7

Na inyima wa yiyi nda lola mu maloto gobudiku, na henza, inyama yetsine, yokuti hidza na yetsingulu, na yobunyali bunyingi; kandi ya li na amino manene gekivya; ya lia nokudonnya vidonye, nokuduvaga nevirenge vyavo vindu vya tigala: ya li nelifwana lugano ku tsinyama tsyosi tsya li tsyembiri; na ya li netsinziga likumi.

Amosi 6:14

Kigira, henza, nda singeridza ihiri i duke ku mwinye, O inyumba ya Israeli, Yahova Nyasaye wa mahe, a vola; na va la ku dambidza kutwula ha bwi ngiriru bwa Hamathu, kuduka ku mugera gwe kereremu.

Habakuk 3:16

Inze nda hulira, na mubiri gwange gwa degera, Minwa gyange gya degera kigira mwoyo gwigwe; Ubugundu bwingira mu vigumba vyange, na nda degera mbugono bwange; Nduke kusosa mu lidiku lyekivi, Inyinga yelyanegira lyavandu va ku twulira nelihe.

1 Vakorintho 14:21

Ga ng'odwa mu lilaga, Nda volera avandu yava netsinimi tsindi, kandi neminwa gyavageni; navo si va li mbulira, kali ku yago, Mwami a vola.

Kwidzulitsa 28:33

Makuyu gekivala kikyo, nelididikana lilyo lyosi, ihiri yindi ya u ta manya i la li lia; u la kupidzwa kivi nokushonolanywa kazozo;

Kwidzulitsa 28:49

Yahova a la leta ku ive ihiri i twula ihale, ku nyasi kwelirova, bwangu kuli libuluka lyendidzu ihiri ya u ta manya lulimi lwayo,