Jeremia 5:1 - KITABU KITAKATIFU

¹ Mu nyagule yiyi na yiyi mu tsinzira tsya Yerusalemi, mu lole kalunu, nokumanya, nokwenya mu migidze gyalyo migalamu, nu u va nu u nyala kunyola musatsa mulala, na a va na a veye ho mulala u kolanga agobulungi, wenyanga ageligali; na inze nda sameha lidala yilyo.

Jeremia 5:1 ပူးပေါင်းရင်းမြစ်များ

1 Avami 19:10

Naye ya tivula, Nda li nelikendeka ligali kigi ra Yahova, Nyasaye wa mahe; kigira avana va Israeli va leki amalago gogo, nokutsoma hasi ubwali bubwo, navaprofeti vovo viitwa nekivavi: na inze, ntigaye inze tsyeng'ine; navo venyanga mwoyo gwange va duke kugutwulidza.

2 Kyetsinyinga 16:9

Kigira tsimoni tsya Yahova tsi twulira yiyi neyiyi ku lirova lyosi, ku lyelanga minya kuva netsingulu ku luvega lwa yavo avemyoyo gyavo gyi veye midu kiru kuye. Mu yaga wa kola kuli musiru; kigira kutwula kalunu u la va nobulwani.

Zaburi 12:1

U nkonye, Yahova; kigiralava tia Nyasaye va fweye; Kigira avasuuvirifu va kama mu avana va avandu.

Zaburi 14:2

Yahova ha a veye migulu a henzanga avana va avandu, Kulola ni va va ni va veye ho avobugeeri, Avenyanga Nyasaye.

Zaburi 14:3

Vosi va tsia haluvega; va gwiye avekifwabwi halala; Si ha veye nokolanga bulahi, kali mulala.

Zaburi 94:16

Ibwaha u li singirira inze ku avadamano? Na ibwaha a la mwanira ku va kola ubudamano?

Tsing'ano 20:6

Ku avandu avanyingi va lilwadza sa mulala ubulahi bwibwe mwene; Navutswa mundu musuuvirifu, ni bwaha u nyala kumulola?

Tsing'ano 23:23

U gule ageligali, u ta ga gulidza mba; Yee, kali ubugeeri, na lyegidzwa, na limanya.

Tsing'ano 8:3

Himbi neviribwa, ha bwingiriru bwelidala, Ha bwingiriru bwemiliango a kupanga lwanga:

Lwimbu lwa Solomoni 3:2

Nda vola, nda vuka kalunu, ntsie kuvodonkana mu lidala Mu tsinzira tsyalyo, nommigidze migalamu, Nda mwenya uyu womwoyo gwange gu yanza; Nda mwenya, navutswa si nda mu nyola mba.

Isaya 59:4

Si ha veve nomulala wenyanga mu ubulungi, kinga mulala waniranga mu ageligali: va suuvira vya vutswa, ni va vola bubehi; va vereka inda yekivi, nokwivula ubudamano.

Jeremia 2:29

Kigira ki mu la hing'ana ninze? Mwinye vosi mwebaaye ku inze Yahova a vola.

Jeremia 44:15

Kunangwa avasatsa vosi ava manya avakali vavo va vuyidza vimuli ku vanyasaye vandi, navakali vosi ava singira ho himbi, va li livugana linene, kali avandu yavo vosi ava menya mu kivala kya Egepeti, ha Pathrosi, va tivulira Jeremia ni va vola,

Jeremia 8:6

Nda huliridza, ni mbulira, navutswa si va vola bulungi: si ha veye nomundu kali mulala weganira ku ubudamano bwibwe, nokuvola, Nkoli ki? Sa mulala a gumiranga lugendo lwilwe mwene, kuli iparasi i gendanga tsimbiru kwingira mu bulwani.

Jeremia 9:2

Nkano mbeye na hokugona mu kyangalangwi ku avandu ve tsing'endo, nduke kuleka avandu vange, ntwule kuvo kigira va veye avaheyi vosi, li veye livugana lya vasatsa vagadi.

Jeremia 9:7

Kigira yaga Yahova wa mahe a vola ndi, Henza, nda va salula, nokuvageridza; kigira ni mbula kukola yaga nkola ki, kigira mukana wavandu vange?

Ezekieli 22:30

Na ndenya nduke kulola mundu musatsa mu avandu yavo, u nyala kweba lugaga, nokusingira ha huduka imbiri wange kigira kivala yikyo, ni nta ki dividza: navutswa si nda nyola kali mulala mba.

Ezekieli 9:9

Hene yaho ya mbolera, Ubudamano bwenyumba ya Israeli no bwa Yuda bu veye bunene ligali, nekivala yiki kizuye amasahi, nelidala yili lizuye likyaminya likalaga: kigira va volanga, Yahova u leki kivala yiki, Yahova a lolanga mba.

Danyeli 12:4

Navutswa ive Danyeli, u kunike amakuva yaga nokuvika muhuri ku kitabu, kali kuduka ku inyinga ye kiheri: avanyingi va la nyagula yiyi na yiyi, na limanya li la medeka.

Joeli 2:9

Va twulira lidala; va nyagula ku lugaga; vanegira kwingira mu tsinyumba; vingira mu madirisha kuli mwivi.

Amosi 8:12

Na va la gendagenda kutwula inyanza kuduka ku inyanza, nokutwula ku luvega lwa kasikasini kuduka ku luvega lwevugwe; va la nyagula kutsia yiyi neyiyi kwenya likuva lya Yahova, na si va la li lola mba.

Zekaria 2:4

na ya mu volera, Nyagula, u volere musoleli uyu, u mu volere, Avandu va la menya mu Yerusalemi kuli mu tudala tu ta li na madigi getsingaga, kigira bunyingi bwa avandu nemitugu mulyo.

Luka 14:21

Mutugwa yadza na a volera mwami wewe vindu yivi. Hene yaho mwene inyumba ya vihirirwa na a volera mutugwa wewe. Twula bwangu u tsie ku mihanda netsinzira tsyelidala, u vugule avadaka, navadekerana, navaboku, navaleema, u va lete hano.

2 Vatesalonike 2:10

nobugadi bwosi bwobudamano ku yava ava divanga; kigira si va vugula ubuyanzi bwageligali, va duke kuhonnywa.