Jeremia 49:30 - KITABU KITAKATIFU

³⁰ Mwiruke, mu tsie kuvoyavoya ihale, mu menye mu luliva hasi ligali, mwinye avamenyi Hazoru, Yahova a vola; kigira Nebukadirezaru mwami wa Babuloni u koli makuva ku mwinye, na u saaviye likuva ku mwinye.

Jeremia 49:30 ပူးပေါင်းရင်းမြစ်များ

Isaya 10:7

Navutswa mwene si ya saavira ndiyo, nomwoyo gwigwe si gu gana gana ndiyo; navutswa mu mwoyo gwigwe a saavira kwononnya, nokuheridza tsihiri tsinyingi.

Jeremia 25:9

henza, nda tuma avatumwa nokuvugula ubwiko bwosi ku tsimbega tsya kasikazini, Yahova a vola, nda tuma avatumwa ku Nebukadirezaru mwami wa Babuloni, mutumekiri wange nda va leta vadze ku kivala yiki, noku avandu va menyanga kukvo, noku tsihiri tsyosi tsyoku tsimbega; na nda va dividza ligali, nokuvakola kuva kyokugenya, nokukunukirwa, nokuva hatswa mihiga nemihiga.

Jeremia 27:6

Na kalunu vivala yivi vyosi mmali kuvivika mmukono gwa Nebukadinezaru mwami wa Babuloni, mutumekiri wange; netsinyama tsyomwigendenyama, mmali kuha uyu tsi mu tumekire.