Jeremia 49:29 - KITABU KITAKATIFU

²⁹ Va la vugula mahema gavo nevyayo vyavo: va lehilira tsingubo tsyokukinga tsyavo, neviju vyavo vyosi, netsing'amia tsyavo; na va la va kupira tsikwili, kuvola, Ha veye nelitihidza tsimbega tsyosi

Jeremia 49:29 ပူးပေါင်းရင်းမြစ်များ

Litanga 37:25

Na vikala kulia vyokulia: navo va ginga tsimoni nokuhenza, na henza, va lola uluvaso lwa Avaishmaeli va li kutwula Gileadi, na tsing'amia tsyavo tsi ginganga vindu vi funya mwayu, na kimuli, na manemane, va sulungutanga kutsia Egepeti.

Ayubu 1:3

Nobutugi bwibwe bwa li amagondi tsielfu tsitano na tsiviri, netsing'amia tsielfu tsivaka, netsing'ombe tsyokulima elfu indala netsisukiri tsidwasi tsimia tsitano navandu vomu inyumba avanyingi ligali; kunangwa mundu uyu ya li munene kuvita avandu vosi avoluvega lwevugwe.

Zaburi 120:5

Ubudinyu bu veye ku inze kigira mmenya mu Mesheki, Kigira mmenya mu mahema ga Kedari.

Zaburi 31:13

Kigira mbuliye limonya lyavanyingi, Ubutii bu nkumbiridza tsimbega tsyosi; Lwa va ntwulira mu livolerana makuva gavo Va saavira kutwulidza livamwoyo lyange.

Isaya 13:20

Si bu la menywa ho navandu kandi, kandi si ha veye nomundu u menya mu ukutwula makula namakula: kandi Muarabu si a lombaka lihema lilye yo; kandi avayi si va la leka vyayo vyavo kugona yo mba.

Isaya 60:7

Vyayo vyosi vya magondi ga Kedari vi la vungidzwa ku ive, magondi makole aga Nebaio thu ga la tumekira ive; ga lanegira igulu ku bwali bwange bwokubugirirwa; na nda kuminya inyumba yo bu kumi bwange.

Jeremia 10:20

Lihema lyange li lanyeywi, migoye gyange gyosi gyi kaliki: avana vange va tsiye va ndeki, si va veye ho mba: si ha veye nomundu u mambuliye lihema lyange kandi, nokusunga tsi ngubo tsyokukinga tsyange.

Jeremia 4:20

Ubudivi igulu wo budivi bu lilirangwa; kigira kivala kyosi ki lanyeywi: mahema gange ga lanyeywi nonoho, netsingitu tsyange ku idagika indala.

Jeremia 46:5

Kigira ki ndoli inkuva yiyi? Va timuka enkolo na virana inyima; avaluviriri vavo va duywa, navo viruka, nokuvula kwekevuka; li veye litihidza tsimbega tsyosi, Yahova a vola.

Jeremia 49:24

Damasko, tsingulu tsitsye tsi gehi, u girunkani a duke kwiruka, u gumeywi nelidegera: kivi neliverera vi mu gumiye, kuli mukali mu lilumwa lilye.

Jeremia 49:5

Henza, nda leta ubutii ku ive, Yahova a vola, Yahova wa mahe, ubu li twula ku yavo ava ku kumbiridza; na mu la kungwa sa mulala kuii mmoni mwimwe mu henzanga, kandi si ha veye nomundu u vungidza halala uyu u voyavoyanga.

Jeremia 6:25

U ta tsia kyova mu mulimi, u ta genda ku inzira; kigira kivavi kyomusigu ki veye yo, na litihidza tsimbega tsyosi.

Habakuk 3:7

Nda lola mahema ga Kushan mu kivi; Vyokukinga vyekivala kya Midiani vya degera.

2 Vakorintho 4:8

ku kupidzwa kivi tsimbega tsyosi, navutswa si ku kuminikeywi; ku genyerangwa, navutswa si ku twulidza ku mwoyo;

2 Vakorintho 7:5

Kigira, lwa kwa duka Makedonia, mibiri gyetu si gya lola ubwiyangu kali hakuzu, navutswa kwa saliridzwa tsimbega tsyosi; ikyova lya li lihe, na mugati bwa li ubutii.

Vakalagi 6:5

Kigira vanegira netsing'ombe tsyavo namahema gavo; vingira mu kuli tsisigi ku bunyingi bwavo; yavo ne tsing'amia tsyavo tsya vula kuvalika: na vingira mu kivala yikyo ni va kyononnya.

Vakalagi 7:12

Ma Vamidiani na Vaamaleki navana vesi vevugwi ava gona mwivona kuli tsisigi tsinyingi; netsing'amia tsyavo tsya vula kuvalika, kuli umuyeke gu veye ku luginga lwenyanza tsinyingi.

Vakalagi 8:21

Hene yaho Zeba na Zalimuna va vola, Ive singira, u gwe ku kwinye; kigira kuli umundu musatsa a veye, tsingulu tsitsye tsi veye ndiyo. Na Gideoni ya singira, ni yiita yavo Zeba na Zalimuna, na a vugula viyombe vya li mmagoti getsing'amia tsyavo.

Vakalagi 8:26

Neligera lyetsiratili tsyetsimingiri tsyethahabu tsya ya teva tsya duka tsishekeli tsyethahabu elfu na tsimia tsitano ne tsiviri: tsi medwa ku viyombe, nevyo kwisyaha, netsingubo tsyekiforosadi tsyavami va Midiani vivika, nokumedwa ku minyororo gya li mmagoti getsing'amia tsyavo.