Jeremia 49:2 - KITABU KITAKATIFU

² Kigira yaga, henza, amadiku gadzanga, Yahova a vola, mu madiku yago nda kola muliviti gwobulwani gu hulirwe ku Raba lyavana va Amoni; na li la gwa kitumi kyevyanye, navakana veve va la sambwa nomuliru: hene yaho Israeli a la gumira yava ava li ni va mu gumira Yahova a vola.

Jeremia 49:2 ပူးပေါင်းရင်းမြစ်များ

2 Samweli 11:1

Na ga duka, ku muhiga gwa londa, inyinga yavami va twula kutsia mbulu ani, Daudi ya tuma Joabu, navatumekiri veve, halala na Israeli vosi; na va dividza avana va Amon, nokukumbiridza Raba. Navutswa Daudi mwene ya menya ha Yerusalemi.

Zaburi 48:11

Kigulu kya Zioni ki sangale, Avakana va Yuda va sangale, Kigira likalagira lilyo.

Zaburi 97:8

Zioni lya hulira ni li sangala, Na avakana va Yuda va yanza Kigira likalaga lilyo, O Yahova.

Isaya 11:14

Na va la buluka hasi nokuduka ku mavega ga Vafilisiti ku luvega lwemadioli; navo halala va lononnya avana vevugwe: va la nyira mukono gwavo ku Edom na Moabu; na vana va Amon va la va hulira.

Isaya 17:1

Ubuliduhu bwa Damasko. Henza, Damasko li twulidzeywi li vule kuva lidala, li la va kitumi kyevyanyi.

Jeremia 4:19

Ubusaliri bwange, ubusaliri bwange ntsunangwa mu mwoyo gwange gwene; mwoyo gwange gu timukanga mu inze; si nyala kukiring'ana; kigira u huliye, O mwoyo gwange, mwoyo gwekisiliva, muliviti gwobulwani.

Jeremia 49:1

Ku avana va Amoni. Yahova a vola: Israeli si a veye navana vayai? Si a veye nowemiyandu? Kigira ki Malikam a gumiye Gadi, navandu veve va menya mu madala gakyo?

Ezekieli 21:20

U la laga inzira, kivavi ki duke Raba lyavana va Amon, kandi ku Yuda mu Yerusalemi lyetsingaga.

Ezekieli 21:25

Ive, mudamano watwa tsing'oma tsyokwiita, munene wa Israeli, welidiku lilye li duki, ku inyinga yobudamano bwekiheri;

Amosi 1:14

Navutswa nda fwana muliru mu lidigi lya Raba, na gu la samba tsinyumba tsyalyo tsyobwami, halala nokukupa uluku mu lidiku lyobulwani, halala nekihi mu lidiku lyekihudzudzi;

Obadia 1:19

Navo ku luvega lwa Kusini va la vugula kigulu kya Esau, na vekivala kyekereremo va la vugula Vafilisiti, na va la vugula mulimi gwa Efiraim, nomulimi gwa Samaria; Benjamini a la vugula Gileadi.

Livalidza 10:9

Na lwa mu tsia mu bulwani mu kivala kyenyu ku avasigu venyu ava mu dambidza, hene yaho mu la kupa mwoyo gwelivukidza nevisiliva; na mu lidzulitswa imbiri wa Yahova Nyasaye wenyu, na mu la honywa ku avasigu venyu.

Livalidza 21:25

Na Israeli va vugula madala yaga gosi: na Israeli va menya mu madala gosi ga Avaamori, mu Heshibon, na mu tudala twalyo.

Kwidzulitsa 13:16

Nevilanye vyalyo vyosi u vi vungidze hagati henzira yalyo, na u sambe lidala zana nomuliru, nevilanye vyalyo vyosi, ha ve kihaanwa ku Yahova Nyasaye wowo: na li la va kitumi mihiga nemihiga; li la vula kwombakwa kandi.

Kwidzulitsa 3:11

(Kigira Ogu mwami wa Bashan yeng'ine ya tigala mu litigala lyemindu; henza, kitali kikye ki veye kitali kyekivya: si ki veye ha Raba ku avana va Amon? Ubutambi bwakyo bwa li makono gatano na gane, nobugika bwakyo bwa li makono gane, kuli mukono gwomundu.)

Joshua 17:11

Na Manase ya li na madala mu Isakari, na mu Asheri, nago ni yaga Beth shean halala no madala galyo, na Ibileam na madala galyo, na avandu va Dori na madala galyo, na avandu va Endori na madala galyo, na avandu va Taanaka na madala galyo, na avandu va Megido na madala galyo, vivala vivaka vyeginga igulu.

Joshua 17:16

Na avana va Yosefa va vola, Kivala kyevigulu si ki duki kwinye mba: kandi Vakanani vosi avamenyi mu kivala kyelivona va veye na magari gevivya, ava veye mu Bethshean no mu madala galyo, navo ava veye mu livona lya Jezireel.