Jeremia 48:7 - KITABU KITAKATIFU

⁷ Ga veye kigira ive wa suuvira miyinzi gyigyo nobutugi bubwo, ive kandi u la vugulwa: na Vakemoshu va la hilwa mu lyadikidzwa, avasalisi veve navanene veve halala.

Jeremia 48:7 ပူးပေါင်းရင်းမြစ်များ

2 Samweli 5:21

Navo va leka ho vifwananyi vyavo; na Daudi navandu veve va vi vugula ni va vi samba.

1 Avami 11:33

kigira va mali kunzivirira, nokusigamira Ashitore thu nyasaye wekikali wa Vasidone, na Kemoshu nyasaye wa Vamoabu, na Milikom nyasaye wavana va Amon; na va vula kugenda ku tsinzira tsyange, nokukola ubulungi imbiri wange, nokuoumira amalago gange, nelikalaga lyange, kuli dada wewe Daudi ya kola.

1 Avami 11:7

Ma Solomoni yombakira Kemoshu ha diguluku, livihiriridza lya Moabu, mu kigulu ki henza Yerusalemi, kandi yombakira Moleku livihiriridza lyavana va Amon.

Zaburi 40:4

A veye nobugasu mundu u kolanga Yahova kuva kisuuviri kikye, Na a vula kuyeka ku avegingiri kinga kuvo ava kyama ku ububehi.

Zaburi 52:7

Henza, uyu a veye mundu wa vula kukola Nyasaye lugaga lwilwe, Navutswa ya suuvira ubunyingi bwobutugi bwibwe, Na yesingeridza mwene mu ubudamano bwibwe.

Jeremia 13:25

Ikura yoyo ni yiyi, kidieli kya wa gererwa ki twulanga ku inze, Yahova a vola; kigira mwa nzivirira, na u suuviranga makuva gobubehi.

Jeremia 43:12

Na nda fwana muliru mu tsinyumba tsyavanyasaye va Egepeti; naye a la va samba nomuliru, nokuvahila avahambe: na mwene a livika kivala kya Egepeti, kuli mwayi yivikanga tsingubo tsitsye; na a la twula yo nemirembe.

Jeremia 48:13

Na Moabu a la va soni ku Kemoshu, kuli inyumba ya Israeli ya li soni ku Betheli kisuuviri kyavo.

Jeremia 48:46

O bayaye ku ive Moabu avandu va Kemoshu va divi: kigira avana venyu vayai va hileywi avahambe, navakana vadikidzeywi mbuhambe.

Jeremia 49:3

Kupa tsikwili, O Heshibon, kigira Ai li dividzeywi; mu lire, mwinye vakana va Raba, mwebohe tsingubo tsyamagunia: mu syome, mu nyagule yiyi neyiyi hagati hetsingaga; kigira Malikam a la tsia mu lyadikidzwa, avasalisi veve navanene veve halala.

Jeremia 49:4

Kigira ki widzominyanga mu mavona, livona lilyo li gangulukanga, O mukana wirana inyima? Uyu u suuviranga ku butugi bwibwe, nokuvola, Ni bwaha a liidza ku in''e?

Jeremia 9:23

Yahova a vola ndi, Wobugeeri a tiyidzominya ku ubugeeri bwibwe mba, kandi wobunyali a tiyidzominya ku tsingulu tsitsye mba, kandi mutugi a tiyidzominya ku butugi bwibwe mba:

Hosea 10:13

Mu mali kulima budamano, mu gesi budamano; mu liye makuyu gobubehi; kigira wa suuvira inzira yoyo, ku bunyingi bwavandu vovo avo bunyali.

Livalidza 21:29

Bayaye ku ive, Moabu U divi, O avandu va Kemoshu: U haani avana avayai veve kuli aviruki, Na avana avakana veve kutsia mu butugwa, Kutsia ku Sihon mwami wa Avaamori.

1 Timoteo 6:17

U lage ava veye avatugi mu tsinyinga tsya kalunu, va ta va nobwigingiri, kandi va ta vika lisuuvira lyavo ku ubutugi bu ta suuvirwa, nawtswa va suuvire Nyasaye, u ku hedzanga vindu vyosi nobuhinda ku duke kuvitumekira nobuyanzi;

Likunula 18:7

Ku liidzominya lyalyo, noku limenya lyalyo bugira kwilinda, mu li he ubusaliri neliverera kule ng'ana na yaga: kigira livola mu mwoyo gwalyo, Inze mmenya mu bwami, kandi si mbeye mukunzakali, kandi si nda va neliverera kali hakuzu.

Vakalagi 11:24

Si ga dukanga ive kuvugula kya Kemoshu munyasaye wowo ya ku ha kuvugula? Ni ndiyo vosi ava Yahova Nyasaye wetu ya lanya va twule imbiri wetu, kwinye ku la va vugula.