Jeremia 48:44 - KITABU KITAKATIFU

⁴⁴ Uyu wirukanga ubutii a la gwa mbogo; na uyu u twulanga mbogo a la ha mbwa mmutego: kigira nda leta kuye livola li veye, ku Moabu, muhiga gwelihenzwa lilye, Yahova a vola.

Jeremia 48:44 ပူးပေါင်းရင်းမြစ်များ

1 Avami 19:17

Kunangwa ga la va, uyu u li hona ku kivavi kya Hazaeli, Jehu a la mwiita; na uyu u li hona ku kivavi kya Jehu Elisha a la mwiita.

1 Avami 20:30

Navutswa ava tigala viruka kutsia Afeku, vingira mu lidala; nelidigi lyelidala lya va gwira, avandu tsielfu makumi gaviri na tsitano na tsiviri, ava tigala. Na Benhadadi yirukira mu lidala, ni yingira mu kegodi kyenyumba kyomugati ligali.

Isaya 10:3

Na mu la kola ki mu lidiku lyokuhenzwa, nomu lidividza li la twula ihale? Mu lirukira ku bwaha kunyola bukonyi? Nobukumi bwenyu mu la bu vika haliha?

Isaya 24:17

Ubutii, na ubogo, na mutego, vi veye ku ive, O mmenye ku lirova.

Isaya 24:18

Ga la duka uyu wirukanga kigira liyoga lyobutii a lirana mu bogo; na uyu u senukanga kutwula mbogo a la hambwa mmutego: kigira madirisha ga veye igulu ga kunuleywi, na mise gyelirova gyi dengeyi.

Jeremia 10:15

Vi veye vya vutswa, miyinzi gyobugotidzi: inyinga yelidukirwa lyavo vi la diva.

Jeremia 11:23

si ha la va u tigala kuvo: kigira nda leta ubuda mano ku avandu va Anathothu, livola li veye muhiga gwe lidukirwa lyavo.

Jeremia 16:16

Henza, nda tuma avandu kuleta avaluvi avanyingi, Yahova a vola, na va la va luva; na inyima wa yaga nda tuma avandu kuleta avahimi avanyingi, na va la va hima va twule mu vigulu vyosi, nomu tugulu twosi, nokutwula mu tsinkombe tsyamagina.

Jeremia 23:12

Kunangwa kigira yaga inzira yavo i la va kuvo kuli ha va terera mu kisundi: va la komololwa va tsia imbiri nokugwa muyo; kigira inze nda leta ubudamano kuvo, li vola li veye, muhiga gwelidukirwa lyavo, Yahova a vola.

Jeremia 46:21

Kandi avandu va li yo ava tungangwa ava veye hagati halyo va gwiye kuli vimoli vinetu; kigira yavo virana inyima kandi, viruka vosi halala, si va singira kali hakuzu: kigira lidiku lyekivi kyavo li duki kuvo, i veye inyinga yelihenzwa lyavo.

Jeremia 49:8

Mwiruke, mwirane inyima, mu menye mu luliva hasi ligali O avamenyanga Dedan; kigira nda ieta kuye kivi kya Esau, inyinga ya ndi mu henza.

Jeremia 50:24

Mmali kukutega na ive u hambeywi, O Babuloni, si wa manya mba: ive u loleki, na u gumiywi, kigira u hing'ani ku Yahova.

Jeremia 50:27

Tsing'ombe tsitsye tsyosi mu tsiite; tsi sulungute mu kenyenyero: O bayaye kuvo kigira lidiku lyavo li duki li veye lidiku lyelihenzwa lyavo.

Jeremia 51:18

Vi veye vya vutswa, miyinzi gyobugadi: vi la diva ku inyinga yelihenzwa lyavyo.

Jeremia 8:12

Va lola tsisoni wa va kola kivihiri yiki? Auwa, si va lola tsisoni kali hakuzu, kandi si va nyala kuva soni: kigira yaga va la gwa hagati ha yavo ava gwa; inyinga yelidukirwa lyavo va la tsomwa hasi, Yahova a vola.

Lisyoma lya Jeremia 3:47

Ubutii na bogo vi duki ku kwinye, ubudivi na bwoneku.

Hosea 9:7

Madiku gelidukirwa lyavo ga duki, madiku gelitunga ga duki; Israeli a la manya: muprofeti a veye musiru, umundu a veye na roho a veye mulalu, kigira ubunyingi bwobudamano bubwo, kandi kigira ubusigu bu veyebunyingi.

Amosi 5:19

Kuli mundu yiruka king'ang'a, na ya vugana na iduba; kinga yingira mu inyumba na a dira mukono kwidigi, na inzoka ya mu luma.

Mika 7:4

Uyu mulahi kuvo a veye kuli lutavati; na u veye mulungi a veye mudamano kuoita lwevo lwa mafwa: lidiku lyavalindi vovo, kali lidiku lyelivanzwa lilyo, li duki; kalunu li la va ho ligenya lyavo.