Jeremia 48:28 - KITABU KITAKATIFU

²⁸ O mwinye ava menya ha Moabu, mu twule mu madala, mu menye mu magina; mu ve kuli likulu li lombanga kyaalira kyalyo mmbalu mwomunwa gwobogo.

Jeremia 48:28 ပူးပေါင်းရင်းမြစ်များ

Litanga 8:12

Na ya linda madiku gatano na gaviri gandi, na a tuma likuulu; nalyo lya vula kwirana kuye kandi.

Lwimbu lwa Solomoni 2:14

O likuulu lyange, u veye mu tsimbwa tsyamagina, Mu lyevisa lyoku kisulungutu, Leka ndole mmoni mumwo, Leka mbulire mwoyo gugwo; Kigira mwoyo gugwo gu veye munolu, na mmoni mumwo mu veye mulahi.

Isaya 2:19

Navandu va lingira mu tsimbangaywa tsyetsinyanda, nomu malina gelirova, ku litihidza lya Yahova, noku bukumi bwobwami bwibwe, lwa a singira kudegeridza ligali lirova.

Jeremia 48:9

U he Moabu tsimbaha, a duke kubuluka a tsie: na madala gege ga la va vutswa, si ga la va nomundu wokumenya mugo.

Jeremia 49:16

Ku makuva gelitihidzwa lilyo, luyai lwomwoyo gugwo lu ku gadanga, O ive u menyanga mu tsinkombe tsyamagina, u gumiranga hadiguluku hekigulu: kaliva nu u vika kyaalira kikyo igulu ligali kuli indidzu, nda kwikidza kutwula yo, Yahova a vola.

Jeremia 49:8

Mwiruke, mwirane inyima, mu menye mu luliva hasi ligali O avamenyanga Dedan; kigira nda ieta kuye kivi kya Esau, inyinga ya ndi mu henza.

Vakalagi 6:2

Mukono gwa Midiani gwa guuta Israeli, kandi kigira Midiani avana va Israeli velombera bogo mu vigulu, netsimbangaywa, netsimpinga.

1 Samweli 13:6

Lwa avandu va Israeli va lola va veye mu kivi (kigira avandu va hendidzwa mwoyo), hene yaho avandu vivisa mu tsimbangaywa, nommulitu, nommagina, nombogo, nommalina.