Vanegira kutsia Bayithu, na Dibon kuduka hadiguluku, kulira; Moabu va kupira tsikwili, ku Nebo, noku Me deba; vyavusu vi veye ku mitwe gyavo vosi, tsinderu tsyosi tsi ve geywi.
Ku Moabu. Yahova wa mahe, Nyasaye wa Israeli, a vola ndi. O bayaye ku Nebo kigira li lekeywi vutswa; Kiriathaim li leganyeywi, li vuguywi: Misigabu, li leganveywi, nokusasugulwa.
O ive mukana u menyanga ha Dibon, yika u twule mu bukumi bubwo, wikale mu buluhu, kigira u mulanyi wa Moabu wanegiye ku ive, wononnyi tsimpinga tsitsyo.
Na nda nyira mukono gwange kuvo, na nda kola kivala hatswa na kyanyi, kutwula mwigendanyama ku luvega lwa Dibila, nokuvita hokumenya havo hosi; na va la manya inze mbeye Yahova.
