Jeremia 48:14 - KITABU KITAKATIFU

¹⁴ Mwinye mu vola ndi, kwinye ku veye avaluviriri, ku veye avobunyali ku bulwani?

Jeremia 48:14 ပူးပေါင်းရင်းမြစ်များ

Zaburi 11:1

Nzirukira ku Yahova: Mu volera ndi mwoyo gwange U buluke kuli linyonyi kutsia mu kigulu kikyo;

Zaburi 33:16

Si ha veye nomwami u honnywa nobunyingi bwelihe: Kandi wetsingulu si yehonnya netsingulu tsitsye tsinene.

Kohelethu 9:11

Na ndirana, nokulola isi weliuva, si va li yavo avetsimbiru ava guutanga mu ligerana, kinga mubulwani si va li avetsingulu ava guutanga, kandi si va li avobugeeri ava nyolanga vyokulia, kandi si va li avelimanya ava nyolanga ubutugi kandi si va li avasidza ava nyolanga liyanzidzwa; navutswa mundu sa mulala a veye ne inyinga yeye na inkavi yeye.

Isaya 10:13

Kigira a vola, Inze nkoli inkuva yiyi netsingulu tsyomukono gwange, nobugeeri bwange; kigira inze mbeye nelimanya linyingi: na nda twulidza tsinzako tsyavandu, nokwiba ubutugi bwavo bwakiba, na kuli muluviriri nzikidzi hasi avikalanga ku tsintebe tsyobuami:

Isaya 10:16

Kigira yaga Yahova, Yahova wa mahe, a la hila ubung'afu bwingire mu vikomeru vivye; kandi isi wobukumi bwibwe li laakidzwa lisamba, kuli lisamba lyomuliru.

Isaya 16:6

Kwa hulira makuva goluyai lwa Moabu a veye woluyai lunyingi; kali lyegingira lilye, noluyai lwilwe, nobu tima bwibwe; lyevola lilye si li veye kindu.

Jeremia 49:16

Ku makuva gelitihidzwa lilyo, luyai lwomwoyo gugwo lu ku gadanga, O ive u menyanga mu tsinkombe tsyamagina, u gumiranga hadiguluku hekigulu: kaliva nu u vika kyaalira kikyo igulu ligali kuli indidzu, nda kwikidza kutwula yo, Yahova a vola.

Jeremia 8:8

Mu volanga ndi, Kwinye ku veye nobugeeri, kandi lilaga lya Yahova ku veye nalyo? Navutswa, henza, ikalamu yobugadi ya vang'odi i kolanga ubugadi.

Jeremia 9:23

Yahova a vola ndi, Wobugeeri a tiyidzominya ku ubugeeri bwibwe mba, kandi wobunyali a tiyidzominya ku tsingulu tsitsye mba, kandi mutugi a tiyidzominya ku butugi bwibwe mba:

Ezekieli 30:6

Yahova a vola: Yavo vosi ava diranga Egepeti va la gwa; nobwegingiri bwobunyali bwibwe bu lika hasi: kutwula ku kitaladzi kya Sevene va la gwa muye ku kivavi, Mwami Nyasaye a vola.

Zefania 2:10

Va la nyola yaga kigira luyai lwavo, kigira va lega avandu va Yahova wa mahe na kwiyidzominya kuvo.