Jeremia 47:3 - KITABU KITAKATIFU

³ Kigira muliviti gweliduvaga lyetsimbagayu tsya avetsingulu veve, ku lihanga lya magari gege, ku muliviti gwetsingida tsyago, navadada si vekevuka kuhenza avana vovo kigira budedekere bwamakono gavo;

Jeremia 47:3 ပူးပေါင်းရင်းမြစ်များ

Isaya 5:28

avandu ave mibano gyavo gyi veye miyogi ligali nobuta bwavo bwekumbi kwetegeka; tsimbagayu tsyetsiparasi tsyavo tsi la ganaganwa tsi veye magina madinyu, netsingida tsyatsyo kuli kihudzudzi:

Jeremia 46:9

Mwanegire, mwinye tsiparasi; mwi gingire, mwinye magari gobulwani; avaluviriri; va tsie kyova: Kushi na Putu, ava tumekiranga tsikuti; na Valudim, ava tumekiranga ubuta, nokubunyira.

Jeremia 50:42

Va gumira ubuta na matimu; va veye avalulu ligali, si va veye netsimbabasi mba; myoyo gyavo gyi luumanga kuli inyanza; navo va ninanga ku tsiparasi; sa mulala u lombeywi, kuli umundu u tsitsanga mbulwani, ku ive, O mukana wa Babuloni.

Jeremia 8:16

Na lisiala lyamolo ga tsiparasi tsitsye li hulirwa kutwula Dan: na ku mwoyo gwavetsingulu veve kivala kyosi ki degeranga; kigira va duka, nokudividza kivala na vyosi vi veye mukyo: lidala, na vosi ava menya mulyo.

Ezekieli 23:24

Va ladza ku ive nevyuma vyavo, namagari gobulwani, namagari geviju, nobunyingi bwavandu; va la lomba lihe ku ive, netsingavo, netsikuti na tsigudwa tsyobulwani, kukukumbiridza: na nda va ha likalaga navo va la ku kalagira kuli likalaga lyavo.

Nahum 2:4

Magari gobulwani ga kupanga muliviti mu lihasi: ga levagala yiyi neyiyi mu mahasi magalamu: liloleka lyago li veye kuli tsimuli; ga nyagulanga kuli luheni.

Nahum 2:8

Navutswa Nineve kutwula kale lya li kuli lidavalia: navutswa viruka. Mu singire, mu singire, va vola; navutswa si ha veye nomulala u henza inyima mba.

Likunula 9:9

Kandi tsya li netsisalamba tsyomkiritu kuli tsisalamba tsyekivya; nolwanga lwamavaha gatsyo lwa li kuli lwanga lwamagari, kandi kuli tsiparasi tsinyingi tsi nyagulanga tsimbiru mu bulwani.

Vakalagi 5:22

Hene yaho tsimbagayu tsyetsiparasi tsya duvaga nomuliviti, Kigira litumatuma lyatsyo tsyetsingulu kutsyo.