Jeremia 47:2 - KITABU KITAKATIFU

² Yahova a vola ndi: Henza, amadzi manyingi ga senukanga kutwula ku luvega lwa kasikasini, ga la gwa mugera gwokwizulira, na ga la kunika kivala nekindu sa kilala ki veye mu, lidala na vosi ava menya mulyo; avasatsa va la lira, na vosi ava menyanga mu kivala yikyo va la kupa tsikwili.

Jeremia 47:2 ပူးပေါင်းရင်းမြစ်များ

Zaburi 24:1

Lirova li veye lya Yahova, na vyosi vizula mulyo; Vivala vyetsihiri, na yavo ava menya muvyo.

Zaburi 50:12

Ni mba ni mbeye nenzala, si nda ku volera; Kigira lirova; Ni lyange, na vyosi vizula mu.

Zaburi 96:11

Migulu mu sangale, na lirova li yanze; Inyanza i Iwume, na vyosi vizuye muyo;

Zaburi 98:7

Inyanza i Iwume, halala na vyosi vizuye mu; Lirova, na vosi ava menya mu;

Isaya 14:31

U kupe tsikwili, O kiribwa; u lire, O lidala; wa salaluka ku kama, O Filisitia, ive wosi; kigira mwoki gu twula kasika sini, na si ha veye nomundu kuvo u lyeyahula mu tsinyinga tsyagwo tsya lagwa.

Isaya 15:8

Kigira lilira yilyo li duki mu tsinzako tsya Moabu tsyosi; netsi kwili tsyalyo tsi duki Egilaim, na tsikwili tsyalyo tsi duki Beerelim.

Isaya 22:1

Ubuliduhu bwelivona lya malola. U veye na ki kalunu, kuduka wanegiye kutsia ligali ku visegese vyetsinyumba?

Isaya 28:17

Nda singeridza likalaga kuva ligera, nobulungi bu la singelidzua kuva iplum; na imbula vamagina i la hila kyokwivisa mu kyobubehi, namadzi ga lizulitsa kuvita hokwivisa.

Isaya 59:19

Ni ndiyo va li tia lieta lya Yahova kutwula madioli, nobukumi bwibwe kutwula butwuliru bweliuva; kigira lwa uyu musigu a ladza kuli mugera gwamadzi gwizuye, Roho wa Yahova a la singeridza ibendera kuye.

Jeremia 1:14

Hene yaho Yahova ya mbolera, Kutwula kasikasini ubudamano bu la twulira kuduka ku vandu vosi ava menyanga mu kivala.

Jeremia 46:12

Tsihiri tsi huliye tsisoni tsitsyo, nelirova lizuyi lilira lilyo; kigira muluviriri wikigitaye ku muluviriri wakye, va gwiye vombi halala.

Jeremia 46:13

Likuva lya Yahova ya volera Jeremia muprofeti, kuli Nebukadirezaru mwami wa Babuloni a ladza nokukuya kivala kya Egepeti.

Jeremia 46:20

Egepeti li veye iroli indahi ligali; navutswa ubudivi bu twulanga ku luvega lwa kasikasini bu mali kuudza.

Jeremia 46:24

Uyu mukana wa Egepeti a la leganywa; a la vikwa mmakono gavandu voluvega lwakasikasini.

Jeremia 48:39

Lya sasugulwa kuli ndi va kupanga tsikwili kuli ndi Moabu virana mugongo netsisoni kuli ndi ni ndiyo Moabu a la va kihenyahenye nokuhendidza vosi ava mu kumbiridza ku tsimbega.

Jeremia 6:22

Yahova a vola, Henza, avandu va twula mu kivala kya kasikasini; ihiri inene i la vukidzwa kutwula ku tsimbega tsyekiheri kyelirova.

Jeremia 8:16

Na lisiala lyamolo ga tsiparasi tsitsye li hulirwa kutwula Dan: na ku mwoyo gwavetsingulu veve kivala kyosi ki degeranga; kigira va duka, nokudividza kivala na vyosi vi veye mukyo: lidala, na vosi ava menya mulyo.

Danyeli 11:22

Kandi avetsingulu tsinyingi kuvita va la guutwa imbiri wewe, na va la vunanywa; yee, kandi munene welilagana.

Nahum 1:8

Navutswa a la heridza hango hehe ligali nolugaga lwa madzi, na a la londerera avasigu veve kuduka mkisundi.

1 Vakorintho 10:26

kigira lirova li veye lyo Mwami, nevindu vizula mu.

1 Vakorintho 10:28

Navutswa mundu na a mu volera, Inyama yiyi i lombeywi i ve kisyuviriru, mu ta lia mba, kigira uyu u vuuye, kandi kigira mwoyo:

Yakobo 5:1

Henzi, mwinye avatugi, mu lire, mu kupe tsikwili, kigira kivi kyenyu kidzanga ku mwinye.

Likunula 17:1

Mulala ku tsingelosi vatano na vaviri ava li nevituva vitano na viviri, yadza na a volerana na inze, na a vola, Hamba yinu, nda ku mannya likalagirwa lyowamalaya manene wikaye ku madzi manyingi;

Likunula 17:15

Kandi ya mbolera, Amadzi aga wa lola, howamalaya yikala, ga veye avandu, neviduma, netsihiri, netsinimi.