Jeremia 46:7 - KITABU KITAKATIFU

⁷ Ni bwaha uyu u vukanga kuli mugera gwa Nile, gwa madzi gagwo gedudanga kuli migera?

Jeremia 46:7 ပူးပေါင်းရင်းမြစ်များ

Lwimbu lwa Solomoni 3:6

Ni bwaha wanegiranga kutwula mu kyangalangwi Kuli minara gyomwoki, Wa vakwa maguta gomwayu gwa manemane nekimuli, Halala nobusie bwevifunyanga mwayu vyosi vya mugulidzi?

Lwimbu lwa Solomoni 8:5

Ni bwaha uyu mukali wanegiranga kutwula mu kyangalangwi, Ni yesedemi ku muyanze wewe? Isi womuchungwa nda ku vukidza: Ha zana niho ha mama wowo ya lumirwa liluma lilyo Ni ho ha uyu wivula ive ya lumirwa.

Isaya 63:1

Ni bwaha uyu u twulanga Edom, wetsingubo tsyeligondo lyakanyu u twulanga Bozra? Uyu u veye netsingubo tsyobukumi, a tsi tsanga imbiri mu bunyingi bwetsi ngulu tsitsye? Ninze u volanga mu bulungi, wetsingulu kuhonnya.

Jeremia 47:2

Yahova a vola ndi: Henza, amadzi manyingi ga senukanga kutwula ku luvega lwa kasikasini, ga la gwa mugera gwokwizulira, na ga la kunika kivala nekindu sa kilala ki veye mu, lidala na vosi ava menya mulyo; avasatsa va la lira, na vosi ava menyanga mu kivala yikyo va la kupa tsikwili.

Ezekieli 32:2

Ive mwana womundu, u syomere Farao mwami wa Egepeti, na u mu volere, Ive wa fwananywa neking'ang'a ki soleli kyavetsihiri: navutswa u fwanana noguyoka mu tsinyanza; na vizulira nemigera gyigyo, na wa duvula amadzi nevirenge vivyo, nokukola migera gyavo midamano.

Danyeli 11:10

Na avana avayai veve va la lwana, kandi va la vugannya kiduma kinene kyamahe, aga li duka, nokusalama, nokuvita hagati; na va lirana nokulwana kuduka kali ku lugaga lwilwe.

Danyeli 11:22

Kandi avetsingulu tsinyingi kuvita va la guutwa imbiri wewe, na va la vunanywa; yee, kandi munene welilagana.

Danyeli 9:26

Kandi inyima wa masidza makumi gatano nelilala na tsisuvi tsiviri, uyu u vakeywi a la temannywa, na a la va bugira kindu: na avandu vomunene u liidza va lononnya lidala na hatakatifu; na kiheri kyalyo ki la va halala na amadzi manene, na kuduka ku kiheri ha la va nelihe; likola hatswa li saavirwa.

Amosi 8:8

Kivala si ki la degera kigira yaga, noku vosi u menyanga mukyo si a la syoma? Yee, ki la vuka kvosi kuli Mugera; na ki la lola ubudinyu nokugehera kandi, kuli Mugera gwa Egepeti.

Likunula 12:15

Kandi inzoka ya twulidza amadzi mu munwa gwayo kuli mugera kulonderera mukali, a duke kuhilwa namadzi.