Jeremia 46:5 - KITABU KITAKATIFU

⁵ Kigira ki ndoli inkuva yiyi? Va timuka enkolo na virana inyima; avaluviriri vavo va duywa, navo viruka, nokuvula kwekevuka; li veye litihidza tsimbega tsyosi, Yahova a vola.

Jeremia 46:5 ပူးပေါင်းရင်းမြစ်များ

Litanga 19:17

Kunangwa, lwa va va vika kyova, va va volera, U honnye livamwoyo lilyo; u ta henza inyima wowo, kandi u ta singira mu kivala kya Kereremu; wirukire mu kigulu, gase u la diva.

Isaya 13:8

na va la va nobutii: lilumwa nelisalira li la va gumira; va la kenya kuli mukali u veye mu lilumwa: na va la genyerana sa mulala nowakye; mumoni mwavo mu la va mumoni mwolumemo.

Isaya 19:16

Mu lidiku yilyo Avaegepeti va la fwanana navakali; na va la degera nokutia kigira lisung'usa lyomukono gwa Yahova wa mahe, gwa a sung'usanga kuvo.

Isaya 42:17

Va liranywa inyima, va la va isoni ligali, ava suuviranga vifwananyi vyavadzwa, ava voleranga vifwananyi vya longwa vyene, Mwinye mu veye vanyasaye vetu.

Isaya 5:25

Kigira yaga ubutima bwa Yahova bwaaki ku avandu veve, naye unyiye mukono gwigwe kuvo, nokuvakuya; nevigulu vi degera, nemibiri gyavo mikudzu gyi gwiye kuli amavivi hagati ha mahasi. Ku yaga gosi ubutima bwibwe bu kikiri ku girunkanywa, navutswa mukono gwigwe gu nyireywi kuduka kalunu.

Jeremia 20:10

Kigira mbuiiye linyega lyavandu vanyingi, litihidza li nkumbiridzi. Avalina vange vosi ava veye ahimbi, yavo ava lindiriranga ubuleema bwange, va vola, Yale, na kwinye ku la mu yala. Namusia a la goonyeka, na ku la mu guuta, na ku la vanza kisalya kyetu kuye.

Jeremia 46:15

Kigira ki avandu vovo vetsingulu va hilwa nokutwulidzwa? Si va singira mba, kigira Yahova ya va kunga.

Jeremia 46:21

Kandi avandu va li yo ava tungangwa ava veye hagati halyo va gwiye kuli vimoli vinetu; kigira yavo virana inyima kandi, viruka vosi halala, si va singira kali hakuzu: kigira lidiku lyekivi kyavo li duki kuvo, i veye inyinga yelihenzwa lyavo.

Jeremia 49:29

Va la vugula mahema gavo nevyayo vyavo: va lehilira tsingubo tsyokukinga tsyavo, neviju vyavo vyosi, netsing'amia tsyavo; na va la va kupira tsikwili, kuvola, Ha veye nelitihidza tsimbega tsyosi

Jeremia 49:5

Henza, nda leta ubutii ku ive, Yahova a vola, Yahova wa mahe, ubu li twula ku yavo ava ku kumbiridza; na mu la kungwa sa mulala kuii mmoni mwimwe mu henzanga, kandi si ha veye nomundu u vungidza halala uyu u voyavoyanga.

Jeremia 6:25

U ta tsia kyova mu mulimi, u ta genda ku inzira; kigira kivavi kyomusigu ki veye yo, na litihidza tsimbega tsyosi.

Ezekieli 32:10

Yee, nda kola avandu va genyere ive, navami vavo va la tia ligali kigira ive, lwa nsung'usa kivavi kyange imbiri wavo; na va la degera tsinyinga tsyosi, mundu sa mulala kigira livamwoyo lilye, mu lidiku lyeligwa lilyo.

Ezekieli 39:18

Mu la lia inyama yavobunyali, nokumba masahi gavanene velirova, na gama gondi makole, na gavana vamagondi na getsimbuli, na getsigiriki, vyosi vi veye vinetu vya Bashan.

Nahum 2:8

Navutswa Nineve kutwula kale lya li kuli lidavalia: navutswa viruka. Mu singire, mu singire, va vola; navutswa si ha veye nomulala u henza inyima mba.

Nahum 2:9

Mu vugule vilanye vyeletha, mu vugule vilanye vyethahabu; kigira si ha veye nelihendeka lyakiba, ubukumi bweviju vyosi vilahi.

Zefania 1:14

Lidiku linene lya Yahova li veye himbi, li veye himbi lidzanga bwangu ligali, kali mwoyo gwelidiku lya Yahova; mundu wobunyali a liranga yo nobululu ligali.