Jeremia 46:2 - KITABU KITAKATIFU

² Ku Egepeti: ku lihe lya Faraoneko mwami wa Egepeti, lya li himbi nomugera gwa Farati mu Karkemishi, lya Nebukadirezaru mwami wa Babuloni, ya kuya mu muhiga gwe gyine gwelyameha lya Jehoiakim mwana wa Josia, mwami wa Yuda.

Jeremia 46:2 ပူးပေါင်းရင်းမြစ်များ

2 Avami 18:21

Kalunu, henza, u suuviranga midigiru gyekidundu kyaminwa, livola li veye Egepeti, kyomundu ava ni yedira ku, ki lingira mu mukono nokumutumita; ni ndiyo Farao mwami wa Egepeti a veye ku vosi ava mu suuvira.

2 Avami 23:29

Mmadiku gege Faraoneko mwami wa Egepeti yanegira kulwana nomwami wa Asu ria kuduka ha mugera gwa Farati: nomwami Josia ya tsia kulwana naye; na Faraoneko ya mwiitira ha Megido, lwa ya mu lola.

2 Avami 23:33

Na Faraoneko ya mu boha ha Ribila mu kivala kya Hamathu, a vule kwameha mu Yerusaelmi; na ya ng'oda kivala ki tungidzwe mitu ngu tsitalenta mia tsyefetha, neta lenta indala yethahabu.

2 Avami 24:7

Na mwami wa Egepeti si ya twula mkivala kikye kandi: kigira mwami wa Babuloni ya li na a mali kugumira kivala, kutwula ku mugera gwa Egepeti, kuduka ku mugera gwa Farati, kyosi kya li kyomwami wa Egepeti.

Isaya 10:9

Kalino si li veye kuli Karkemishi? Hamathu si li veye kuli Aripadi? Samaria si li veye kuli Da masko?

Isaya 19:1

Ubuliduhu bwa Egepeti. Henza, Yahova a ninanga ku lilesi li gendanga bwangu nokuduka Egepeti: nevifwananyi vyokusigami rwa vya Egepeti vi la dengeya imbiri wewe; nomwoyo gwa Egepeti gu la yenguka hagati hakyo.

Isaya 19:19

Mu lidiku yilyo bu la va ho mu kivala kya Egepeti ubwali bwa Yahova, noku lwako lwakyo munara gu la va ho ku Yahova.

Jeremia 25:1

Likuva lya duka ku Jeremia ku makuva ga avandu vosi va Yuda, mu muhiga gwa kane gwelyameha lya Jehoiakim mwana wa Josia, mwami wa Yuda (yigu ga veye muhiga gwokutanga gwa Nebukadirezaru mwami wa Babuloni),

Jeremia 25:19

Farao mwami wa Egepeti, navatumekiri veve, navanene veve, navandu veve vosi

Jeremia 25:9

henza, nda tuma avatumwa nokuvugula ubwiko bwosi ku tsimbega tsya kasikazini, Yahova a vola, nda tuma avatumwa ku Nebukadirezaru mwami wa Babuloni, mutumekiri wange nda va leta vadze ku kivala yiki, noku avandu va menyanga kukvo, noku tsihiri tsyosi tsyoku tsimbega; na nda va dividza ligali, nokuvakola kuva kyokugenya, nokukunukirwa, nokuva hatswa mihiga nemihiga.

Jeremia 36:1

Na ga duka ku muhiga gwa gyine gwelyameha lya Jehoiakim mwana wa Josia, mwami wa Yuda, likuva yili lya duka ku Jeremia kutwula ku Yahova, kuvola,

Jeremia 43:11

Naye a ladza, nokwingira nokukuya kivala kya Egepeti; yavo avang'olerwa likudza va liitwa; na yavo avang'olerwa buhambe va la va avahambe, na vang'olerwa kivavi va la va ku kivavi.

Jeremia 45:1

Likuva lya Jeremia muprofeti ya volera Baruku mwana wa Neria, lwa ya ng'oda makuva yaga mu kitabu ku munwa gwa Jeremia, ku muhiga gwa kola gyine gwelyameha lya Jehoiakim mwana wa Josia, mwami wa Yuda, na a vola,

Jeremia 46:14

Mu landidze amakuva mu Egepeti, mwilwadze mu Migidoli, nokwilwadza mu Nofu nomu Tahapenesi: mu vole, Singira, wetegeke, kigira kivavi ki mali kulia ku tsimbega tsitsyo.