Jeremia 45:5 - KITABU KITAKATIFU

⁵ Na ive weyenyeranga mwene vindu vinene? U ta vyenya mba; kigira, henza, nda leta buda mano ku mibiri gyosi, Yahova a vola; navutswa nda ku ha livamwoyo lilyo li ve vilanye ku ive hosi ha u tsitsanga.

Jeremia 45:5 ပူးပေါင်းရင်းမြစ်များ

Litanga 6:12

Kandi Nyasaye ya lola lirova, na, henza, lya li ni lyoneki; kigira vyemibiri vyosi vyononya inzira yavyo ku lirova.

1 Avami 3:11

Na Nyasaye ya mu volera, Kigira wenyanga inkuva yiyi, na si wenyanga ubuhindiri bwamadiku manyingi, kandi si weyenyeranga ubutugi, kandi si wenyanga livamwoyo lyavasigu vovo, navutswa wesaaliranga limanyeridza u duke kuhulira likalaga;

1 Avami 3:9

Kigira yaga u he mutumekiri wowo mwoyo gwelimanya nduke kukalagira avandu vovo, nduke kumanya hagati hobu lahi nobudamano; kigira ni bwaha u nyala kukalagira avandu vovo ava nene.

2 Avami 5:26

Ya mu volera, Mwoyo gwange si gwa tsia halala nive, lwa mundu uyu ya girunkana kandi kutwula ku ligari lilye kulolana nive? I veye inyinga yokuvugula ifetha, nokuvugula tsingubo, nomulimi gyemizeituni, nemi limi gyemizabibu, na magondi, ne tsing'ombe, na vatugwa vayai na vatugwa vakana?

Zaburi 131:1

Yahova, Mwoyo gwange si gwiyidzominya, kandi tsimoni tsyange si tsyeginganga igulu; Kandi si ntsitsanga mu makuva manene, Kinga mu vindu vinene vyokugenya vyokuvita inze.

Isaya 66:16

Kigira Yahova a la leta likalagirwa ku ave mibiri vosi, ku muliru, noku kivavi kikye; na yavo ava Yahova a liita va la va avanyingi.

Jeremia 21:9

Uyu u menya mu lidala yili a la kudza nekivavi, nenzala nobulwaye; navutswa uyu u twula nokwivika ku Vakalidei ava kumbiridza mwinye, a la hona, nelivamwoyo lilye li la va kilanye kuye.

Jeremia 25:15

Kigira Yahova, Nyasaye wa Israeli, ya mbolera yaga: a vola, Vugula kikombe kyewaini yobutima mmukono gwange, u nwehidze tsihiri yitsi tsyosi, tsya nku tuma ku, va nwe.

Jeremia 25:16

Navo va la nwa, na va la guyaguya, nokulaluka, kigira kivavi kya mbila hagati havo.

Jeremia 25:26

navami vosi ava luvega lwa kasikasini ihale na himbi, mulala nomulala; nobwami bwosi bwelirova, ava veye mmoni mwelirova; na uyu mwami wa Sheshaka a la nwa inyima wavo.

Jeremia 25:31

Lwanga lu la duka ku kiheri kyelirova; kigira Yahova a veye nelihing'ana netsihiri, a lingira mu likalaga navemibiri vosi: ku makuva gavadamano, a la va haana va ve ku kivavi, Yahova a vola.

Jeremia 38:2

Yahova a vola, Uyu u menyanga mu lidala yili a la kudza nekivavi, nenzala, nobulwaye; navutswa uyu u twulanga kutsia ku Vakalidei a la va mwoyo, na livamwoyo lilye li la va vilanye kuye, naye a la va mwoyo.

Jeremia 39:18

Kigira inze ligali nda honnya ive, na ive u la vula kugwa ku kivavi, navutswa livamwoyo lilyo u la va nalyo kuva kilanye ku ive: kigira wa suuvira inze, Yahova a vola.

Zefania 3:8

Kunangwa mu lindirire inze, Yahova a vola, kuduka ku lidiku lya ndivukira lihima; kigira ndi saaviyi kuvungidza halala avetsihiri, nduke kuvugannya halala ubwami, ntsuke ubutima bwange kuvo, kali ubutima bwange ubululu bwosi; kigira lirova lyosi li la sambwa nomuliru gwelikendeka lyange.

Varumi 12:16

Mu ve nomwoyo mulala. Mu ta ganagana vindu vyoluyai, navutswa mu bugirire vyelyegehidza. Mu tenyolera ubugeeri mwinye avene.

Vahebraina 13:5

Mu ta va neliva lyokuyanza ubutugi; kandi mu dukane nevindu vya mu veye navyo: kigira mwene ya vola, Inze ligali si nda ku leka mba, kandi ligali si nda vukana ku ive mba.