Jeremia 45:1 - KITABU KITAKATIFU

¹ Likuva lya Jeremia muprofeti ya volera Baruku mwana wa Neria, lwa ya ng'oda makuva yaga mu kitabu ku munwa gwa Jeremia, ku muhiga gwa kola gyine gwelyameha lya Jehoiakim mwana wa Josia, mwami wa Yuda, na a vola,

Jeremia 45:1 ပူးပေါင်းရင်းမြစ်များ

2 Avami 24:1

Mu madiku gege Nebukadinezaru mwami wa Babuloni yanegira, na Jehoiakim ya gwa mutumekiri wewe mihiga gyivaka: ma ya girunkana na a mu tinguha.

2 Kyetsinyinga 36:5

Jehoiakim ya li wemihiga ma kumi gaviri na gyitano lwa ya tanga kwameha; na yameha mihiga likumi na mulala mu Yerusalemi: na ya kola budamano mu tsimoni tsya Yahova Nyasaye wewe.

Jeremia 25:1

Likuva lya duka ku Jeremia ku makuva ga avandu vosi va Yuda, mu muhiga gwa kane gwelyameha lya Jehoiakim mwana wa Josia, mwami wa Yuda (yigu ga veye muhiga gwokutanga gwa Nebukadirezaru mwami wa Babuloni),

Jeremia 26:1

Mu litanga lye lyameha lya Jehoiakim mwana wa Josia, mwami wa Yuda, likuva yili lya twula ku Yahova, kuvola,

Jeremia 32:12

nebaruwa yobuguli nda ha Baruku mwana wa Neria mwana wa Mahaseia, imbiri wetsimoni tsya Hanameli musiara wange, na imbiri wetsimoni tsyavaloli yava ava ng'oda ameta gavo ku ibaruwa yobuguli zana, imbiri wa Vayuda avikala mmugidzi gwavalindi.

Jeremia 32:16

Ma ga duka inyima wa inze nda ha Baruku mwana wa Neria ibaruwa yobuguli, nda saala Yahova, ni mbola,

Jeremia 36:1

Na ga duka ku muhiga gwa gyine gwelyameha lya Jehoiakim mwana wa Josia, mwami wa Yuda, likuva yili lya duka ku Jeremia kutwula ku Yahova, kuvola,

Jeremia 36:2

Vugula lilinga lyekitabu, na u ng'ode mukyo makuva yaga gosi aga nda ku volera ku Israeli, noku Yuda, noku tsihiri tsyosi, kutwula ku lidiku lya nda ku volera, kutwula ku madiku ga Josia, kali kuduka lero.

Jeremia 36:26

Na mwami ya laga Jerameeli mwana womwami, na Seraia mwana wa Azirieli, na Shelemia mwana wa Abideeli, va vugule Baruku mung'odi na Jeremia muprofeti; navutswa Yahova ya va visa.

Jeremia 36:32

Hene yaho Jeremia ya vugula lilinga lyekitabu kindi, na a ha mung'odi Baruku, mwana wa Neria, naye ya ga ng'oda mukyo, makuva gosi ga twula mmunwa gwa Jeremia, ga Jehoiakim mwami wa Yuda ya samba ku muliru; kandi ya meda makuva gandi manyingi ku lugano lwa yago.

Jeremia 36:4

Hene yaho Jeremia ya langa Baruku mwana wa Neria, na Baruku ya ng'oda makuva gosi ga Yahova, aga twula mmunwa gwa Jeremia, ga veye amakuva ga Yahova ya mu volera, va ga ng'odn mu lilinga lyekitabu.

Jeremia 45:2

Yahova Nyasaye wa Israeli, a volera ive Baruku:

Jeremia 46:2

Ku Egepeti: ku lihe lya Faraoneko mwami wa Egepeti, lya li himbi nomugera gwa Farati mu Karkemishi, lya Nebukadirezaru mwami wa Babuloni, ya kuya mu muhiga gwe gyine gwelyameha lya Jehoiakim mwana wa Josia, mwami wa Yuda.

Jeremia 51:59

Likuva lya Jeremia muprofeti ya laga Seraia mwana wa Neria, mu ana wa Mahaseia, lwa ya tsia Babuloni halala na Zedekia mwami wa Yuda ku muhiga gwegine gwelyameha lilye. Seraia ya li musingeriri wenyumba.

Danyeli 1:1

Ku muhiga gwegyivaka gwelyameha lya Jehoiakim mwami wa Vayuda, Nebukadinezaru mwami wa Babuloni yadza Yerusalemi, na a li kumbiridza.