Jeremia 44:8 - KITABU KITAKATIFU

⁸ kigira mn a vihiriridza inze nevikolwa vyamakono genyu, ni mu vuyidzira avanyasaye vandi vimuli mu kivala kya Egepeti, kya mwa tsia kumenya mu avageni; mu duke kutwulidzwa, mu ve li laamwa na manyego mu tsihiri tsyosi tsyo mu lirova?

Jeremia 44:8 ပူးပေါင်းရင်းမြစ်များ

2 Kyetsinyinga 7:20

hene yaho ndiha yava na vitinya vyavo mu kivala kyange kya nda va ha; ne nyumba yiyi ya nda takasira lieta lyange, nda gi syuva ihale netsimoni tsyange, kandi nda gi kola kuva lugano na lieta lyokukyaiywa hagati hetsihiri tsyosi.

Isaya 19:1

Ubuliduhu bwa Egepeti. Henza, Yahova a ninanga ku lilesi li gendanga bwangu nokuduka Egepeti: nevifwananyi vyokusigami rwa vya Egepeti vi la dengeya imbiri wewe; nomwoyo gwa Egepeti gu la yenguka hagati hakyo.

Isaya 3:8

Kigira Yerusalemi li sambuywe, ne Buyuda bu gwiye; kigira tsinimi tsyavo nevikolwa vyavo vi hing'ana na Yahova, kuvihiriridza tsimoni tsyobukumi bwibwe.

Isaya 65:15

Mu la leka lieta lyenyu kuva kilaamo ku vatovole vange; Mwami Nyasaye a liita ive; na a la gulika avatumekiri veve lieta lindi:

Jeremia 11:12

Hene yaho madala ga Yuda na ava menyanga Yerusalemi va la tsia nokwanira ku vanyasaye vavo ava va vuyidziranga vimuli: navutswa si va la va honnya mba ku inyinga yekivi kyavo.

Jeremia 11:17

Kigira Yahova wa mahe wa ku simika, a vola ubudamano ku ive, kigira ubudamano bwenyumba ya Israeli nobwenyumba ya Yuda, bwa vekolera avene kumbihiriridza, kigira va vuyidzira Baal vimuli.

Jeremia 18:16

va duke kukola kivala kyavo kuva a kyokugenya, nokukunukirwa kazozo; sa mulala u vita ho a la genya, nokusung'usa mutwe gwigwe.

Jeremia 24:9

nda va twulidza va sigiswe yiyi na yiyi hagati ho ubwami bwelirova bwosi, ku budamano; va duka kuva linyega, nolugano, nekihenyahenye, nelilaamwa, hosi ha ndi va komolola yo.

Jeremia 26:6

hene yaho nda kola inyumba yiyi i ve kuli Shilo, na nda kola lidala yili li ve lilaamwa ku tsihiri tsyosi tsyelirova.

Jeremia 29:18

Nda va londerera nekivavi, nenzala, nobulwaye, nda va twulidza va sigiswe yiyi neyiyi mu bwami bwosi bwelirova, va duke kuva lilaamwa, neligenyerwa, nelikunukirwa, nelinyegwa, mu tsihiri yitsyo tsyosi tsya nda va hila mu;

Jeremia 32:30

Kigira avana va Israeli navana va Yuda va koli vyobudamano vyere imbiri wetsimoni tsyange kutwula mu busoleli bwavo: kigira avana va Israeli va vika ku inze livihiriridza lyere nelikola lyamakono gavo, Yahova a vola.

Jeremia 42:18

Kigira Yahova wamahe, Nyasaye wa Israeli, a vola: Kuli livihiririrwa lyange nobutima bwange bwa tsukwa ku yavo ava menya Yerusalemi, ni ndiyo ubutima bwange bu li tsukwa ku mwinye, lwa mu lingira Egepeti; na mu la va lisufwa, neligenya, nelilaamwa, na manyego; na hano si mu la ha lola kandi mba.

Jeremia 44:12

Na nda vugula avatigala va Yuda, ava henzidza mmoni mn avo va duke kwingira mu kivala kya Egepeti ku menva yo, na va la dividzwa vosi; va la gwa mu kivala kya Egepeti; va la dividzwa nekivavi, nenzala; va la kudza, kutwula ku mukekeke kuduka ku munene, nekivavi nenzala: na va la va lisufwa, neligenya, nelilaamwa, na linyega.

Jeremia 44:3

kigira ubudamano bwavo bwa va kola ku mbihiriridza, mu litsia lyavo kuvuyidza vimuli, nokutumekira ava nyasaye vandi, ava va vula kumanya, yavo, kinga mwinye, kinga vaguga venyu.

Jeremia 44:7

Kunangwa kalunu Yahova, Nyasaye wa mahe, Nyasaye wa Israeli, a vola ndi: Kigira ki mwinye mu kola budamano yibu bunene ku myoyo gyenyu avene, kutwulidza ku mwinye musatsa nomukali, mwana mudoto na uyu u nunanga, mu twulidzwe hagati ha Yuda, mu vule kulekerwa mundu u tigala kali mulala;

Jeremia 7:9

Mu liba, nokwiita, nokuheya, nokwisuha ku bubehi, nokuvuyidze vimuli ku Baal, nokulonda vanyasaye vandi ava mu ta manya,

Ezekieli 33:11

U va volere Kuli mbeye mwoyo, Mwami Nyasaye a vola, Inze si nsangalira likudza lyomudamano; navutswa nobulahi mudamano yeganire nokuleka inzira yeye nokuhindira a ve mwoyo; mweganire, mweganire mu leke tsinzira tsyenyu tsindamano; kigira ki mwenya kukudza, mwinye avenyumba ya Israeli?

Ezekieli 9:6

mwiite yavo ligali, umusakulu nomusoleli, muyai nomukana, avana navakali; navutswa mu tesunda ku mundu kali mulala u veye nekilolero: na mu tange hatakatifu hange. Nonoho va tanga ku vasakulu ava li imbiri wenyumba.

Hosea 4:13

Viitanga tsisadaka tsyavo igulu wevigulu, nokusamba vimuli mu tugulu, isi wemisala tsing'ano tsinyingi, kigira viriri vyagyo vi veye vilahi: kigira yaga avakana venyu vekola malaya, na aviha venyu va kola ubuheyi.

Habakuk 1:16

Kigira yaga a lombera muluvu gwigwe kihaanwa, nokuvuyidzira kyokukwesa kikye kimuli; kigira a nyolanga kidieli kyobunolu ku vindu yivi, nevyokulia vivye vi nenehi.

Kwidzulitsa 32:25

Kyova kivavi ki la vononya, Mu inyumba litihidza; Vyononya mwana muyai nomwana mukana, U nunanga, halala nowetsimbudzi.

Vahebraina 3:16

Kigira ni bwaha va vihiriridza lwa va hulira? Si va li yavo vosi ava Musa yimirira kutwula Egepeti