Jeremia 44:7 - KITABU KITAKATIFU

⁷ Kunangwa kalunu Yahova, Nyasaye wa mahe, Nyasaye wa Israeli, a vola ndi: Kigira ki mwinye mu kola budamano yibu bunene ku myoyo gyenyu avene, kutwulidza ku mwinye musatsa nomukali, mwana mudoto na uyu u nunanga, mu twulidzwe hagati ha Yuda, mu vule kulekerwa mundu u tigala kali mulala;

Jeremia 44:7 ပူးပေါင်းရင်းမြစ်များ

Tsing'ano 1:18

Na yavo va setera masahi gavo avene; Va gonekira livamwoyo lyavo avene.

Tsing'ano 15:32

Uyu u sula lyegidzwa a leganga mwoyo gwigwe mwene; Navutswa uyu u hulira lihebwa amageli yenyolira limanya.

Tsing'ano 5:22

Mudamano a la hambwa nobu damano bwibwe mwene, Na a la bofwa nemigoye gyobwoni bwibwe.

Tsing'ano 8:36

Navutswa uyu u nkolera ubwoni, yononnya mwoyo gwigwe mwene: Vosi ava ndunyiranga, yava va yanzanga likudza.

Jeremia 25:6

mu vule kutsia kulonda vanyasaye vandi kuvatumekira, nokuvasigamira, mu vule kumbihiriridza nemiyinzi gyamakono genyu; na inze si nda mu kupidza kivi nekindu kali kilala.

Jeremia 25:7

Navutswa mwa vula kumbulira, Yahova a vola; mu duke kuvihiriridza inze nemiyinzi gyamakono genyu, nokwisaleridza avene.

Jeremia 26:19

Hezekia mwami wa Yuda na Yuda vosi viita uyu Mika? Hezekia si ya tia Yahova, nokusaala tsimbabasi tsya Yahova na Yahova yeganira ku budamano bwa ya li na a voye kuvo? Na ndiyo ku va kuiiii Jeremia nkano ku koli ubudamano ubunene ku myoyo gyetu avene.

Jeremia 3:24

Navutswa kindu kyetsisoni ki mali kulia linyakana lyemiyinzi gyavaguga vetu kutwula busoleli bwetu, vyayo vyamagondi na vyetsing'ombe, avana vavo vayai navakana.

Jeremia 38:17

Hene yaho Jeremia ya volera Zedekia, Yahova, Nyasaye wa mahe, uyu Nyasaye wa Israeli, a vola; Ive nu u va nu u twula nokutsia ku vanene vomwami wa Babuloni, hene yaho mwoyo gugwo gu la hindira, na lidala yili li la vula kusambwa nomuliru; na ive u la va mwoyo, na avenwmba yoyo halala.

Jeremia 42:20

Kigira mu koli ubugadi ku mwinye avene; kigira mwa tuma inze ntsie ku Yahova, Nyasave wenyu, ni mu vola, U ku saavire ku Yahova Nyasaye wetu; na u ku vuulire kuli gosi ga Yahova Nyasaye wetu a vola, na kwinye ku la kola ga zana.

Jeremia 44:14

kali mu yavo avatigala mu Yuda, ava tsia mu kivala kya Egepeti va duke kumenya yo avageni, si ha veye nomundu kali mulala u li hona, kinga u li tigala, va luhe virane mu kivala kya Yuda, kivala kya va kayirangwa virane mukyo nokumenya mu: kigira si ha veye nomundu kali mulala u li duka kwirana ni va ta li yava ava li hona.

Jeremia 44:8

kigira mn a vihiriridza inze nevikolwa vyamakono genyu, ni mu vuyidzira avanyasaye vandi vimuli mu kivala kya Egepeti, kya mwa tsia kumenya mu avageni; mu duke kutwulidzwa, mu ve li laamwa na manyego mu tsihiri tsyosi tsyo mu lirova?

Jeremia 51:22

nda vugula ive kudonyannyira ligari na uyu u ninanga kulyo; nda vugula ive kudonyannyira musatsa nomukali; nda vugula ive kudonyannyira musakulu nomuyai; nda vugula ive kudonyannyira musoleli muyai nomukana;

Jeremia 7:19

Yava va mbihiriridza naho? Yahova a vola; si va li avene avevihiriridza, kuduka ku tsisoni tsyomumoni mwavo?

Jeremia 9:21

Kigira likudza li nini kwingira mu madirisha getu lingiye mu tsinyumba tsyetu tsyo bwami; kuduka kukalaga nokutwu lidza avana kyova, navasoleli vayai ku tsinzira.

Lisyoma lya Jeremia 2:11

Tsimoni tsyange tsi luhi kigira maliga, mwoyo gwange gu kaliki; Likudumani lyange li tsukeywi ku kivala, kigira ubwoneku bwomukana wavandu vange; Kigira avana vadoto na va nunanga va kudziye ku tsinzira tsyelidala.

Lisyoma lya Jeremia 2:22

U langi, kuli mu lidiku lyelivugana, vyokutihidza vyange vi veye tsimbega tsyosi; Si ha veye kali mulala wa hona, kinga wa tigala mu lidiku lyobutima bwa Yahova: Yavo ava nda lera nokuvirukidza, musigu wange u mali ku va heridza.

Ezekieli 33:11

U va volere Kuli mbeye mwoyo, Mwami Nyasaye a vola, Inze si nsangalira likudza lyomudamano; navutswa nobulahi mudamano yeganire nokuleka inzira yeye nokuhindira a ve mwoyo; mweganire, mweganire mu leke tsinzira tsyenyu tsindamano; kigira ki mwenya kukudza, mwinye avenyumba ya Israeli?

Ezekieli 9:6

mwiite yavo ligali, umusakulu nomusoleli, muyai nomukana, avana navakali; navutswa mu tesunda ku mundu kali mulala u veye nekilolero: na mu tange hatakatifu hange. Nonoho va tanga ku vasakulu ava li imbiri wenyumba.

Habakuk 2:10

U koleye inyumba yoyo makuva getsisoni, kigira litwulidza lyavandu vanyingi, na we kolera ubwoni ive mwene.

Livalidza 16:38

kali vituva vya avoni yava, aveyononya liva lyavo avene; navyo vi kolwe vibalebale kuva vikuniku vyobwali: kigira vya haanwa imbiri wa Yahova, kigira yaga vi veye vitakatifu; na vi la va kilolekidzu ku avana va Israeli.

Kwidzulitsa 32:25

Kyova kivavi ki la vononya, Mu inyumba litihidza; Vyononya mwana muyai nomwana mukana, U nunanga, halala nowetsimbudzi.

Joshua 6:21

Navo va dividza ligali vyosi vya li mu lidala, vasatsa na vakali, avana na vasakulu, ing'ombe na ligondi, nesukiri, va viita vyosi nobwogi bwekivavi.

Vakalagi 21:11

Ninkuva ya mu kola ni yiyi, mu la dividza avasatsa vosi ligali, navakali vosi wa gona nomusatsa.

1 Samweli 15:3

Kalunu u tsie ku kuya Vaamaleki, nokudividza ligali vyosi vya va veye navyo, mu ta va vererera mba; navutswa wiite musatsa nomukali, mwana na u nunanga, ing'ombe neligondi, ing'amia nesukiri.

1 Samweli 22:19

Nelidala lyavasalisi, Nobu, ya li kuya nobwogi bwekivavi, avasatsa na vakali, avasoleli na vanunanga, netsing'ombe netsisukiri na magondi, ku bwogi bwekivavi.