Jeremia 43:12 - KITABU KITAKATIFU

¹² Na nda fwana muliru mu tsinyumba tsyavanyasaye va Egepeti; naye a la va samba nomuliru, nokuvahila avahambe: na mwene a livika kivala kya Egepeti, kuli mwayi yivikanga tsingubo tsitsye; na a la twula yo nemirembe.

Jeremia 43:12 ပူးပေါင်းရင်းမြစ်များ

2 Samweli 5:21

Navo va leka ho vifwananyi vyavo; na Daudi navandu veve va vi vugula ni va vi samba.

Esther 6:9

na ingubo na iparasi vi vikwe mmukono gwomulala ku vanene vomwami u vita avandi vomwami, mundu womwami a yanza kwidzominya, a vikwe natsyo, na va mu kole a nine ku iparasi, na va mu gendidze ku inzira yelidala, na va gambe imbiri wewe, Ni ndiyo mundu womwami a yanza kwidzominya, a kolerwe.

Ayubu 40:10

Wivike kalunu ubunene nobukumi; Wesyahe luyali nelidzominywa.

Zaburi 104:2

Wivikanga ubulavu kuli ingubo; U vambulanga ligulu kuli ingubo yokukinga;

Zaburi 132:16

Kandi avasalisi va ha zana nda va vika ubuhonnyi; Na avatakatifu va ha zana va la kupa isango yobuyanzi.

Zaburi 132:18

Avasigu veve nda va vika tsisoni; Navutswa kuye mwene itaji yeye i la gasidzwa

Kutwula 12:12

Kigira nda vita hagati hekivala kya Egepeti mu budiku yibwo, na nda kuya avatanga kwivulwa vosi ava veye mu kivala kya Egepeti, ku vandu noku mitugu; na nda leta likalaga ku vanyasaye vosi va Egepeti: Inze mbeye Yahova.

Isaya 19:1

Ubuliduhu bwa Egepeti. Henza, Yahova a ninanga ku lilesi li gendanga bwangu nokuduka Egepeti: nevifwananyi vyokusigami rwa vya Egepeti vi la dengeya imbiri wewe; nomwoyo gwa Egepeti gu la yenguka hagati hakyo.

Isaya 21:9

na, henza, kiduma kyavandu kyadza, avanina ku tsiparasi, avagendanga si vaviri kulala. Naye ya tivula na a vola, Babuloni li gwiye, li gwiye; nevifwananyi vya vadzwa vya vanyasaye valyo vya vunanywa kuduka hasi.

Isaya 46:1

Bel a sigama hasi, Nebo yina manga hasi; vifwananyi vyavo vi veye ku tsinyama, nokumitugu: vindu vya mwa hila yiyi na yiyi vi koleywi kuva musigo, musigo gwokumina inyima i luhi.

Isaya 46:2

Vinamanga hasi, va sigama hasi halala; si tsi nyala kudukidza musigo, navutswa tsyhne tsi tsiye mu libofwa.

Isaya 49:18

Ginga tsimoni tsitsyo, u henza tsimbega tsyosi: yavo vosi avevungidza halala vadzanga ku ive. Kuli inze mbeye mwoyo, Yahova a vola, ligali ive u livika yava vosi kuli kwivika kiju kyobukumi, nokweboha yava, kuli mwiha.

Isaya 52:1

Vuka, vuka, wivike ubunyali bubwo, O Zioni; wivike tsingubo tsitsyo tsindahi, O Yerusalemi, lidala litakatifu: kigira kutwula inyinga ya kalunu si a lingira ku ive kandi wa vula kukevwa na u veye mudamano.

Isaya 59:17

Nayeyivika bulungi kuli isalamba yomkiritu, na igudwa yobuhonnyi yekivya ku mutwe gwigwe; na yivika lyevika lyekisalya kuva tsingubo tsitsye, na ya vikwa ubugulu kuva kuli ijoho.

Isaya 61:10

Nda sangala ligali mu Yahova, mwoyo gwange gu la lola lisangala mu Nyasaye wange; kigira umbiki ingubo yobuhonnyi, u nkuniki ijoho yobulungi, kuli woserereywi yivikanga igudwa yevimuli, kandi kuli mwiha yesyahanga vyokwesyaha vivye vyethahabu.

Isaya 61:5

Na vageni va la singira nokwaya vyayo vyenyu, na vetsihiri tsindi va la va avalimi venyu navalindi vemilimi gyenyu gyemizabibu.

Jeremia 10:11

Mu la va volera yaga, Avanyasaye ava vula kulomba ligulu na lirova, yava va la diva va twule mu kivala, va twule isi weligulu.

Jeremia 10:15

Vi veye vya vutswa, miyinzi gyobugotidzi: inyinga yelidukirwa lyavo vi la diva.

Jeremia 25:19

Farao mwami wa Egepeti, navatumekiri veve, navanene veve, navandu veve vosi

Jeremia 43:13

Kandi a la tigula minara gya Bethshemeshi, gyi veye mu kivala kya Egepeti, netsinyumba tsya vanyasaye va Egepeti a la tsi samba nomuliru.

Jeremia 46:25

Yahovawamahe, Nyasaye wa Israeli, a vola: Henza, nda haana amageli ku Amon wa No, na Farao, na Egepeti, halala navanya saye vakyo, navami vakyo; Farao na yavo ava suuviranga kuye:

Jeremia 48:7

Ga veye kigira ive wa suuvira miyinzi gyigyo nobutugi bubwo, ive kandi u la vugulwa: na Vakemoshu va la hilwa mu lyadikidzwa, avasalisi veve navanene veve halala.

Jeremia 49:27

Nda fwana muliru mu lidigi lya Damasko, na gu la samba tsinyumba tsyobwami tsya Ben-hadadi.

Jeremia 50:2

Mu landidze makuva mu tsihiri mwilwadze, nokusingeridza ibendera, mwilwadze, mu ta visa mba: mu vole, Babuloni li vuguywi, Bel u leganyeywi, Merodaka u timuki enkolo; vifwananyi vyalyo vi leganyeywi, vifwananyi vyokusigamirwa vyalyo vi tsyomwa hasi.

Jeremia 51:44

Nda leta likalaga ku Bel ha Babuloni, nda twulidza mrnunwa mwimwe kya ya mira; netsihiri si tsi la tsia kuye kandi mba: yee, lidigi lya Babuloni li la gwa.

Ezekieli 29:11

Induvatiru yomundu i la vula kuvita hagati hehe, kandi induvatiru yenyama i la vula kuvita hagati hehe, kandi si ki la menywa navandu kuduka mihiga makumi gane.

Ezekieli 29:19

Kigira yaga Mwami Nyasaye a vola ndi: Henza nda ha Nebukadirezaru mwami wa Babuloni kivala kya Egepeti; naye a la hila ubunyingi bwavandu veve, nokuvugula vilanye vivye, nokuvugula vyokuhima vivye; navyo vi la va amadanyi gelihe lilye.

Ezekieli 30:13

Mwami Nyasaye a vola ndi: Nda dividza vifwananyi vyavo, na nda heridza vifwananyi vya vutswa mu Nofu; a la vula kunyoleka munene u twulanga mu kivala kya Egepeti: nda vika ubutii mu kivala kya Egepeti.

Danyeli 11:8

Kandi avanyasaye vavo, na vifwananyi vyavo, vyelisalulwa, na viju vilahi vyavo vyefetha nevyethahabu, a la vi lanya nokuvihila mu Egepeti; kandi mihiga gyi duki, a legaya ku mwami wa kasikasini.

Zefania 2:11

Yahova a la va litihidza kuvo; kigira a la ng'ahidza avanyasaye vosi velirova navandu va la sigamira uyu, sa mulala hango hehe, kali visulu vyosi vyetsihiri.

Varumi 13:12

Ubudiku bu vitanga ligali, kandi mbasu gu veye himbi: kunangwa ku twulidza miyinzi gyekisundi, na kwivike vyuma vyobulavu.

Vafeso 4:24

mwevike mundu muhya wa lombwa ku lugano lwa Nyasaye mu bulungi nomu butakatifu bwageligali.

Vafeso 6:11

Mwevike vyuma vyosi vya Nya saye, mu nyale kusingira ku hugadi bwa Setani.

Vakolosai 3:12

Kunangwa mu kole kuli avatovole va Nyasaye, ava veye avatakatifu navayanzwa, mwivike mwoyo gwetsimbabasi, nelikola lilahi, nelyegehidza, nobuhooma, nobwikudziri;

Vakolosai 3:14

nokuvita vindu yivi vyosi mu ve nobuyanzi, bu veye kiboheru kyobudukiru.