Jeremia 43:11 - KITABU KITAKATIFU

¹¹ Naye a ladza, nokwingira nokukuya kivala kya Egepeti; yavo avang'olerwa likudza va liitwa; na yavo avang'olerwa buhambe va la va avahambe, na vang'olerwa kivavi va la va ku kivavi.

Jeremia 43:11 ပူးပေါင်းရင်းမြစ်များ

Ayubu 20:29

Yiki nikyo kidieli kyomundu mudamano ki twulanga ku Nyasaye, Miyandu gya Nyasaye ya laga kuye.

Jeremia 15:2

Na ga la duka, lwa va ku volera, Ku la twula kutsia haliha? Hene yaho u la va volera, Yahova a vola: Ava ng'odwa ku likudza, va la tsia kukudza; na va ng'odwa ku kivavi, va la tsia ku kivavi; na va ng'odwa ku inzala, va la tsia ku inzala, na va ng'odwa ku lilanywa, va la va lilanya.

Jeremia 25:15

Kigira Yahova, Nyasaye wa Israeli, ya mbolera yaga: a vola, Vugula kikombe kyewaini yobutima mmukono gwange, u nwehidze tsihiri yitsi tsyosi, tsya nku tuma ku, va nwe.

Jeremia 25:19

Farao mwami wa Egepeti, navatumekiri veve, navanene veve, navandu veve vosi

Jeremia 42:22

Kalunu kigira yaga mu manye ligali mu la kudza nekivavi, nenzala, nobulwaye, ha mwenya kutsia kumenya.

Jeremia 44:12

Na nda vugula avatigala va Yuda, ava henzidza mmoni mn avo va duke kwingira mu kivala kya Egepeti ku menva yo, na va la dividzwa vosi; va la gwa mu kivala kya Egepeti; va la dividzwa nekivavi, nenzala; va la kudza, kutwula ku mukekeke kuduka ku munene, nekivavi nenzala: na va la va lisufwa, neligenya, nelilaamwa, na linyega.

Jeremia 44:13

Kigira nda va ha mageli yavo ava menyanga mu kivala kya Egepeti, kuli nda ha Yerusalemi mageli, nekivavi, nenzala, nobulwaye;

Ezekieli 29:11

Induvatiru yomundu i la vula kuvita hagati hehe, kandi induvatiru yenyama i la vula kuvita hagati hehe, kandi si ki la menywa navandu kuduka mihiga makumi gane.

Ezekieli 5:12

Kidieli kikyo kyevivaka ki la kudza nobulwaye na va la heridzwa hagati hoho nenzala; nekidieli kyevivaka ki la gwa nekivavi ku tsimbega tsitsyo, neki dieli kyevivaka nda ki salannya ku tsimbuudza tsyosi, na nda somola kivavi ki va londe.

Zekaria 11:9

Ma nda vola, Si ndaya mwinye kandi: u kudzanga, a kudze; na u twulidzangwa a twulidzwe; na va tigala va lie sa mulala inyama yomubiri gwa wakye.

Likunula 13:10

Ku vosi mundu na a va na a veye mu lilanya, a la lanywa, ku vosi mundu na a va ni yiita nekivavi, a liitwa nekivavi. Yaho niho ha veye ubwikudziri nelisuuvira lyavatakatifu.