Jeremia 43:10 - KITABU KITAKATIFU

¹⁰ na u va volere Yahova wa mahe, Nyasaye wa Israeii, a vola ndi: Henza, nda tuma nokuvugula Nebukadirezaru mwami wa Babuloni, mutumekiri wange, na nda vika intebe yeye yobwami ku magina yaga aga nda visa; na a la singeridza lihema lilye lyobwami igulu wago.

Jeremia 43:10 ပူးပေါင်းရင်းမြစ်များ

1 Avami 20:12

Na ga duka, Benhadadi ya hulira likuva yili, lwa ya li na a nwedzanga mu lihema, uyu navami va li halala naye, hene yaho ya volera vatumwa veve, Mwelombe ku lihe. Na velomba ku lihe ku lidala yilyo.

1 Avami 20:16

Na va twula mbasu hagati. Navutswa Benhadadi ya li mu linwa kuduka kuhambika mu mahema, uyu navami, va li avami makumi gavaka na vaviri ava mu konya.

Zaburi 18:11

Ya kola kisundi ki ve hokuvisa hehe, lihema lilye kumukumbiridza, Kisundi kya amadzi, malesi maliduhu gomigulu.

Zaburi 27:5

Kigira mu lidiku lyekivi, a la ninda makiriri mu lihema lilye: Mu king'odze kyelihema lilye a la nkinga; A la nsingeridza ku lwanda.

Zaburi 31:20

U la va visa mu livisiru lilyo ku ligenderera lyavandu: U la va visa makiriri mu lihema ku lihangalana lyetsinimi.

Isaya 44:28

u volanga ku uyu Kurusi, A veye mwayi wange, na a la kola aga nyanzanga gosi: kali kuvola ku Yerusalemi, U lombakwu; noku litempeli, Umuse gugwo gu la temwa.

Isaya 45:1

Yahova a volera Kurusi, mbake wewe wa nda gumira mukono gwigwe muiungi, kuguuta tsihiri imbiri wewe, nda boholola vikenge vyavami; kuduka kwigula miliango imbiri wewe, na viribwa vi la vula kuhanwa:

Jeremia 1:15

Kigira, henza, nda langa bwiko bwosi bwobwami bwa kasikasini, Yahova a vola; navo va ladza, na va la vika mundu sa mulala intebe yeye yobwami ha bwingiriru bwekiribwa kya Yerusalemi, na himbi ku madigi galvo gosi tsimbega tsyosi, na himbi ku madala gosi ga Yuda.

Jeremia 43:9

Vugula magina manene mmukono gugwo, na u ga vise mbudohi mu lyombaka lyamatafali, bu veye ha bwingiriru bwenyumba ya Farao mu Tahapenesi, imbiri wetsimoni tsyavandu va Yuda;

Jeremia 46:13

Likuva lya Yahova ya volera Jeremia muprofeti, kuli Nebukadirezaru mwami wa Babuloni a ladza nokukuya kivala kya Egepeti.

Jeremia 49:38

na ndikalidza intebe yange yobwami ha Elam, nda va gotidza va twule ho mwami navanene, Yahova a vola.

Ezekieli 5:12

Kidieli kikyo kyevivaka ki la kudza nobulwaye na va la heridzwa hagati hoho nenzala; nekidieli kyevivaka ki la gwa nekivavi ku tsimbega tsitsyo, neki dieli kyevivaka nda ki salannya ku tsimbuudza tsyosi, na nda somola kivavi ki va londe.

Danyeli 2:21

Na a girunkannyanga tsinyinga ne imihiga; a twulidzanga avami, nokuvika avami; a hedzanga avageeri ubugeeri, na limanya kuvo ava veye nelihulira;

Matayo 22:7

Navutswa mwami ya vihirirwa; na a hila mahe gege kwononnya avalumindi yavo, na a samba lidala lyavo.