Jeremia 43:1 - KITABU KITAKATIFU

¹ Na ga duka, lwa Jeremia ya mala kuvolera avandu yavo vosi makuva gosi ga Yahova Nyasaye wavo, aga Yahova Nyasaye wavo ya mu tuma kuvavolera, nago ga veye amakuva yaga gosi,

Jeremia 43:1 ပူးပေါင်းရင်းမြစ်များ

Litanga 19:14

Kunangwa Loti ya twula na a volera navizala veve, ava kwa avakana veve, na a vola, Mu vuke, mu twule hano; kigira Yahova a la dividza lidala yili. Navutswa ku navizala veve ya li kuli mundu u kolanga kihenyahenye.

Kutwula 24:3

Na Musa yadza na a volera avandu makuva gosi ga Yahova, na malago gosi: na avandu vosi va tivula nomwoyo mulala, ni va vola, Makuva gosi ga Yahova a voye, ku la ga kola.

Jeremia 1:17

Ku nangwa ive webohe kikenge kikyo, u vuke, na u va volere gosi aga nku laga: u ta henda mwoyo mmoni mwavo, gase nda ku hendidza mmoni mwavo.

Jeremia 1:7

Navutswa Yahova ya mbolera, U ta vola, Inze mbeye mwana; kigira u la tsia ku uyu wa nku hila kuye, na gosi aga nku laga u la ga vola.

Jeremia 26:2

Yahova a vola: Singira mu mgidzi gwenyumba ya Yahova, na u volere amadala gosi ga Yuda, aga yavo avadza kusigamira mu inyumba ya Yahova, u va volere makuva yaga gosi aga nkulaganga; u tigalira likuva kali lilala.

Jeremia 26:8

Na ga duka, lwa Jeremia ya mala kuvola yaga gosi aga Yahova ya mu laga a volere avandu vosi; ma avasalisi navaprofeti, navandu vosi va gumira Jeremia, nokumuvolera Ive ligali u la kudza.

Jeremia 42:21

Na inze nzilwadzi ku mwinye lero ma kuva yaga; navutswa mwinye si mu huliye mwoyo gwa Yahova Nyasaye wenyu mu likuva lya a tumi inze ntsie nalyo ku mwinye.

Jeremia 42:22

Kalunu kigira yaga mu manye ligali mu la kudza nekivavi, nenzala, nobulwaye, ha mwenya kutsia kumenya.

Jeremia 5:12

Vambakani Yahova, nokuvola, Uyu si a li iye mba; kandi si ku la lola kivavi kinga inzala mba:

Jeremia 51:63

Na ga la duka, lwa u mala kusoma kitabu yiki, hene yaho u la ki boha ku ligina, nokukisigisa mmugera gwa Farati:

Matayo 28:20

mu vegidze kugumira vyosi vya nda mu laga: kandi, henza, inze mbeye haiala nemwinye madiku gosi, kali kuduka ku kiheri kyenyinga.

Vikolwa 20:27

Kigira si nda vaasa amakuva kumuvolera ubusaaviri bwosi bwa Nyasaye.

Vikolwa 5:20

Mu tsie, mu singire mu litempeli mu volere avandu amakuva gosi ge Livamwoyo yili.

1 Samweli 8:10

Na Samweli ya volera avandu venyanga kuye mwami amakuva gosi ga Yahova.