Jeremia 42:5 - KITABU KITAKATIFU

⁵ Hene yaho va volera Jeremia, Yahova a ve mulolekidzi weligali nobusuuvirifu hagati hetu, ni ku va ni ku vula kukola kuli kyosi kya Yahova Nyasaye wowo a la tuma ive kuleta ku kwinye.

Jeremia 42:5 ပူးပေါင်းရင်းမြစ်များ

Litanga 31:50

Nu u va nu u dambidza avana vange, kandi nu u va nu u vugula avakali avandi halala na avana vange yava, si ha li nomundu halala nekwinye; Henza, Nyasaye a veye mulolekidzi hagati hange nive.

Kutwula 20:19

Na va volera Musn, U volerane na kwinye, na ku la ku hulira; navutswa Nyasaye a ta volerana na kwinye mba, gase ku la kudza.

Kutwula 20:7

U ta tala vutswa lieta lya Yahova Nyasaye wowo; kigira Yahova si a la vula kulola mahyolo ku uyu u talanga vutswa lieta lilye.

Jeremia 42:20

Kigira mu koli ubugadi ku mwinye avene; kigira mwa tuma inze ntsie ku Yahova, Nyasave wenyu, ni mu vola, U ku saavire ku Yahova Nyasaye wetu; na u ku vuulire kuli gosi ga Yahova Nyasaye wetu a vola, na kwinye ku la kola ga zana.

Jeremia 43:2

hene yaho Azaria mwana wa Hoshaia, na Johanan mwana wa Karea, navandu vosi avoluyai, va vola, ni va volera Jeremia, Ive u volanga bubehi: Yahova Nyasaye wetu si a ku tumi kuvola, Mwinye mu ta tsia Egepeti kumenya yo;

Jeremia 43:4

Kunangwa Johanan mwana wa Karea, navanyampara vosi, navandu vosi, si va hulira mwoyo gwa Yahova mba, kumenya mu kivala kya Yuda.

Jeremia 5:2

Kali ni va vola, Kuli Yahova a veye mwoyo; ligali visuhanga nobu behi.

Mika 1:2

Mu hulire mwinye avandu vetsihiri tsyosi; u hulire, ive lirova, na vindu vyosi vi veye mu: Mwami Yahova a lolekidze ku mwinye, uyu Mwami mu litempeli lilye litakatifu.

Malaki 2:14

Na mwi nye mu volanga, Kigira ki? Kigira Yahova ya li muloli hagati hoho na mukali wobusoleli bubwo, wa ive wa mu kolera ubugadi, kali ni ya li wakyo, na mukali welilagana lilyo.

Malaki 3:5

Na ndisunda ku mwinye himbi mu likalaga; na nda va lilole kidza lya bwangu ku vasegetiri, noku vaheyi, noku yavo avesuhanga ububehi, noku yavo avadambidzanga uyu tungangwa ku madanyi gege, oku yavo avadambidzanga mukunzakali, na avabisandu, na yavo ava kyaminyiranga mumenya ku bulungi bwibwe, na va vula kutia inze, Yahova wa mahe a vola.

Varumi 1:9

Kigira Nyasaye, wa ntumekira mu mwoyo gwange mu ivangeli yo Mwana wewe, a veye mulolekidzi wange kuli mbongera kumutala mu lisaala lyange kazozo,

Likunula 1:5

kandi gyi twulanga ku Yesu Kristo, u veye muloli musuuvirifu, nowa tanga kwivulwa wavakudzu, nomunene wavami velirova. Kuye u ku yanzanga, kandi ya ku boholola namasahi gege kutwula mu bwoni bwetu,

Likunula 3:14

Kandi u ng'odere ingelosi welivugana li veye mu Laodikia. Yivi nivyo vya u veye Amini, mulolekidzi musuuvirifu noweligali, mutangi welilomba lya Nyasaye, a volanga

Vakalagi 11:10

Navakulundu va Gileadi va volera Jefetha, Yahova a la va mulolekidzi hagati hetu; n ligali kwinye ku la kola kuli likuva lilyo.

1 Samweli 12:5

Naye ya va volera, Uyu Yahova a veye muloli ku mwinye, na uyu mbake wewe a veye muloli lero, mwinye mwa vula kunyola kindu kali kilala mmukono gwange. Ni va vola, A veye muloli.

1 Samweli 20:42

Na Jonathan ya volera Daudi, U tsie nemirembe, kigira kwinye kwombi kwisuhi ku lieta lya Yahova, ni ku vola, Yahova uyu a la va hagati hange nive, kandi hagati hekisukululwe kyange nekisukululwi kyikyo, mihiga nemihiga. Na ya twula na a tsia: na Jonathan yingira mu lidala.