Jeremia 42:2 - KITABU KITAKATIFU

² ni va volera Jeremia mu profeti, Mwadza, lisaala lyetu li bugirirwe imbiri wowo, na ive u ku saavire ku Yahova Nyasaye wowo, livola li veye ku yavo vosi avatigala: kigira ku tigala vakekeke mu va li avanyingi, kuli tsimoni tsitsyo tsi lolanga kwinye,

Jeremia 42:2 ပူးပေါင်းရင်းမြစ်များ

1 Avami 13:6

Na mwami ya tivula na a volera mundu wa Nyasaye, Kalunu u goonye Yahova Nyasaye wowo, u saalire inze, nduke kwiranyirwa mukono gwange kandi. Na mundu wa Nyasaye ya goonya Yahova, na mukono gwomwami gwi ranywa kandi, ni gu va kuli gwa li ku matsyambiri.

Zaburi 119:170

Lisaala lyange li duke imbiri wowo: U mbonnye kuli likuva lilyo.

Kutwula 8:28

Na Farao ya vola, Nda mu ha munwa kutsia kulombera Yahova Nyasaye wenyu isadaka mwigendinyama; navutswa si mu la tsia ihale mba: mu nsaalire.

Kutwula 9:28

Mu saale Yahova; kigira lihirigana linene na imbula yamagina vi duki; na inze nda mu lakula mu tsie, na si mu la lindagira mba.

Isaya 1:15

Lwa mu nyira makono genyu, nda visa tsimoni tsyange mbule kumulola; yee, lwa mu saala lisaala linyingi, si nda li hulira mba; makono genyu gizuye masahi.

Isaya 1:9

Yahova wa mahe ni i va a vula kukulekera litigala likekeke ligali, nkano kwa ka va kuli Sodoma, nokufwanana na Gomora.

Isaya 37:4

Namusia Yahova Nyasaye wowo a la hulira makuva ga Rabi shake, womwami wa Asuria munene wewe ya tuma a duke kunyega Nyasaye u veye mwoyo, nokugondokira amakuva aga Yahova Nyasaye wowo u huliye: kunangwa, kigira yaga u gingire avatigaye lisaala lilyo.

Isaya 42:20

Ive u lola vindu vinyingi, navutswa si u vi vikanga ku mwoyo mba; amatu gege galami, navutswa si a huliranga.

Jeremia 15:11

Yahova ya vola, Ligali nda ku vika tsingulu mu ubulahi; ligali nda niga musigu a saave ive inyinga yobudamano nomu inyinga yekivi.

Jeremia 2:27

yavo ava voleranga kitinya kyomusala, Ive u veye dada wange; nokuvolera ligina, Ni ive wa nzivula: kigira va nkupi migongo gyavo, si va viki mmoni mwavo ku inze mba; navutswa ku inyinga yekivi kyavo va la vola, Vuka, u ku honnye.

Jeremia 21:2

Mwadza, u ku tevere Yahova; kigira Nebukadirezaru mwami wa Babuloni u duki kuleta ubulwani ku kwinye: namusia Yahova a la ku kolera kuli miyinzi gyigwe gyosi gyokugenya, a duke kwanegira kutwula ku kwinye.

Jeremia 36:7

Namusia va la leta lisaala lyavo imbiri wa Yahova nokwirana sa mulala kuleka inzira yeye indamano: kigira livihirirwa nobutima bwa Yahova bu veye bunene ligali, bwa ya vola ku avandu yava.

Jeremia 37:20

Kalunu, mwadza, u hulire, O munene wange mwami: u bugirire lisaala lyange, li bugirirwe imbiri wowo; nku saala, u ta nniga kwirana mu inyumba ya Jonathan mung'odi, gase nda kudzira yo.

Jeremia 37:3

Na mwami Zedekia ya tuma Jehukali mwana wa Shelemia, na Zefania mwana wa Maaseia, musalisi va tsie ku Jeremia muprofeti, kuvola U ku saalire kalunu ku Yahova Nyasaye wetu.

Jeremia 38:14

Hene yaho mwami Zedekia ya tuma avandu, na a leta muprofeti Jeremia yadze kuye mu bwingiriru bwa kavaka bwa li ku inyumba ya Yahova: nomwami ya volera Jeremia, Nyenya kukuteva likuva lilala; na ive u ta mbisa kindu kali kilala mba.

Jeremia 40:15

Hene yaho Johanan mwana wa Karea ya volera Gedalia ha Mizipa makiriri, na a vola, Mwadza, mbe munwa, ntsie na ndiita Ishmaeli mwana wa Nethania, na si ha veye nomundu u manya inkuva yiyi: kigira ki a duka kwiita ive, na Vayuda vosi ava vugana ku ive va duka kusalanywa, na litigala lya Yuda li dividzwe?

Jeremia 42:20

Kigira mu koli ubugadi ku mwinye avene; kigira mwa tuma inze ntsie ku Yahova, Nyasave wenyu, ni mu vola, U ku saavire ku Yahova Nyasaye wetu; na u ku vuulire kuli gosi ga Yahova Nyasaye wetu a vola, na kwinye ku la kola ga zana.

Lisyoma lya Jeremia 1:1

Lya duka ndi lidala kumenya lyeng'ine, lya li lizulira avandu Lya duka ndi kuva kuli mukunzakali, yili lya li linene ligali mu tsihiri Mukana womwami hagati hevivala yivyo ya duka ndi kunigwa ku lisolola

Ezekieli 12:16

Navutswa nda leka avandu vakekeke kuvo va hone ku kivavi, noku inzala noku bulwaye; va duke kulandidza mu tsihiri ha va tsia kivihiri kyavo kyosi; na va la manya inze mbeye Yahova.

Hosea 8:10

Yee, kali na a tunganga mu tsihiri, kalunu nda va vungidza halala; navo va tangi kugeha kigira umusigo gwomwami wavanene.

Kyavalevi 26:22

Na nda tuma tsinyama tsyombulimu hagati henyu, na tsi la mu nyaga avana venyu, nokwononya mitugu gyenyu, na tsi la mu gehidza livalidza lyenyu li gehe; na tsinzira tsyenyu tsi la va tsinzere.

Amosi 7:2

Na ga duka, lwa tsya mala kulia bunyasi bwekivala, hene yaho nda vola, O Mwami Nyasaye, nku saala ligali, u samehe: Yakobo a la singira ndi? Kigira a veye muke.

Matayo 24:22

Madiku yago ni ga vula kwimbihidzwa mibiri gyosi si gyi li nyala kuhona: navutswa madiku yago ga limbihidzwa kigira avatovoleywi.

Vikolwa 8:24

Simoni ya tivula na a vola, Mu nsaalire mwinye ku Mwami, vindu yi vi vya mu vola vi ta duka ku inze.

Kwidzulitsa 28:62

Na mu la tigala vakekeke ku livalidzwa, kali ni mwa li kuli tsing'ereng'ani tsyomigulu ku bunyingi; kigira wa vula kuhulira mwoyo gwa Yahova Nyasaye wowo.

Kwidzulitsa 28:63

Kandi ga la va, kuli Yahova ya sangala ku mwinye kumukolera ubulahi, nokumukola avanyingi, na ndiyo kandi Yahova a la sangala ku mwinye kumugotidza, nokumudividza; na mu lifwa mu kivala kya mwingira mu kukigumira.

Kwidzulitsa 4:27

Na Yahova a la mu salannya hagati ha avandu, na mu la tigala vakekeke livalidzwa lyenyu hagati hetsihiri, ha Yahova a la mu hila.

Yakobo 5:16

Mweyamirane ubwoni bwenyu avene navene, mu saalirane avene navene mu duke kuhonnywa. Lisaala lyomundu mulungi li konya ligali mu likola lyalyo.

1 Samweli 12:19

Navandu vosi va volera Samweli, U saalire kwinye avatumekiri vovo ku Yahova Nyasaye wowo, ku vule kukudza; kigira ku medi ku bwoni bwetu bwosi, ubudamano yibu, bwokweyenyera kwinye avane, umwami.

1 Samweli 12:23

Halala na yaga, ga ta va ku inze kukolera Yahova ubwoni ku lileka kusaalira mwinye: navutswa nda mwegidza mu inzira indahi nenungi.

1 Samweli 7:8

Navana va Israeli va volera Samweli, U ta leka kwanira Yahova Nyasaye wetu kigira kwinye, a duke kukuhonnya ku makono ga Vafilisiti.