Jeremia 42:18 - KITABU KITAKATIFU

¹⁸ Kigira Yahova wamahe, Nyasaye wa Israeli, a vola: Kuli livihiririrwa lyange nobutima bwange bwa tsukwa ku yavo ava menya Yerusalemi, ni ndiyo ubutima bwange bu li tsukwa ku mwinye, lwa mu lingira Egepeti; na mu la va lisufwa, neligenya, nelilaamwa, na manyego; na hano si mu la ha lola kandi mba.

Jeremia 42:18 ပူးပေါင်းရင်းမြစ်များ

2 Kyetsinyinga 34:25

Kigira va ndeka, nokuvuyidza vimuli ku vanyasaye vandi, va duke kumbihiriridza nemi yinzi gyosi gyamakono gavo; kigira yaga ubutima bwange bu tsukwa hano, bu la vula kusiminywa.

Isaya 30:3

Kigira yaga tsingulu tsya Farao tsi la va tsisoni tsyenyu, na lyevisa lyenyu mu kiriri kya Egepeti li la va kivihiri kyenyu.

Isaya 65:15

Mu la leka lieta lyenyu kuva kilaamo ku vatovole vange; Mwami Nyasaye a liita ive; na a la gulika avatumekiri veve lieta lindi:

Jeremia 18:16

va duke kukola kivala kyavo kuva a kyokugenya, nokukunukirwa kazozo; sa mulala u vita ho a la genya, nokusung'usa mutwe gwigwe.

Jeremia 22:27

Navutswa kivala kyemyoyo gyavo gyi kayirangwa kwirana ku, si va lirana ku mba.

Jeremia 23:40

na nda leta ku mwinye linyegwa, li tsitsagil'langa mihiga nemihiga, nokuva netsisoni kazozo, vi la vula kwivirirwa.

Jeremia 24:9

nda va twulidza va sigiswe yiyi na yiyi hagati ho ubwami bwelirova bwosi, ku budamano; va duka kuva linyega, nolugano, nekihenyahenye, nelilaamwa, hosi ha ndi va komolola yo.

Jeremia 25:9

henza, nda tuma avatumwa nokuvugula ubwiko bwosi ku tsimbega tsya kasikazini, Yahova a vola, nda tuma avatumwa ku Nebukadirezaru mwami wa Babuloni, mutumekiri wange nda va leta vadze ku kivala yiki, noku avandu va menyanga kukvo, noku tsihiri tsyosi tsyoku tsimbega; na nda va dividza ligali, nokuvakola kuva kyokugenya, nokukunukirwa, nokuva hatswa mihiga nemihiga.

Jeremia 26:6

hene yaho nda kola inyumba yiyi i ve kuli Shilo, na nda kola lidala yili li ve lilaamwa ku tsihiri tsyosi tsyelirova.

Jeremia 29:18

Nda va londerera nekivavi, nenzala, nobulwaye, nda va twulidza va sigiswe yiyi neyiyi mu bwami bwosi bwelirova, va duke kuva lilaamwa, neligenyerwa, nelikunukirwa, nelinyegwa, mu tsihiri yitsyo tsyosi tsya nda va hila mu;

Jeremia 29:22

noku makuva gavandu yavo vombi, li la volwa kuvo lilaamwa li twula ku vahambe va Yuda vosi ava veye mu Babuloni; kuvola, Yahova a kole ive kuli Zedekia kandi kuli Ahabu avomwami wa Babuloni yominya ku muliru;

Jeremia 33:5

(lwa avandu vadzanga kulwana na Vakalidei, na ga veye kwizulitsa tsinyumba mibiri mikudzu gyavandu, ava ndiita mu livihirirwa lyange, nomu likendeka lyange, ava li kigira ubudamano bwavo mbisi mumoni mwange ku lidala yili:)

Jeremia 44:12

Na nda vugula avatigala va Yuda, ava henzidza mmoni mn avo va duke kwingira mu kivala kya Egepeti ku menva yo, na va la dividzwa vosi; va la gwa mu kivala kya Egepeti; va la dividzwa nekivavi, nenzala; va la kudza, kutwula ku mukekeke kuduka ku munene, nekivavi nenzala: na va la va lisufwa, neligenya, nelilaamwa, na linyega.

Jeremia 44:22

Kuduka Yahova si ya nyala kwikudzira kandi, kigira ubudamano bwevikolwa vyenyu, kandi kigira kivihiri kya mu koli; kigira yaga kivala kyenyu ki gwiye hatswa, neligenya, nelilaamwa, kali si ki veye nomundu mukyo, kuli ga veye lero.

Jeremia 44:6

Kigira yaga ubutima bwange nelivihiririrwa lyange vya sunduka, na lyaaka ku madala ga Yuda, noku mahasi ga Yerusalemi: na rnadala yago ga lekwa vutswa, bugira mundu mugo, kuli ga veye lero.

Jeremia 44:8

kigira mn a vihiriridza inze nevikolwa vyamakono genyu, ni mu vuyidzira avanyasaye vandi vimuli mu kivala kya Egepeti, kya mwa tsia kumenya mu avageni; mu duke kutwulidzwa, mu ve li laamwa na manyego mu tsihiri tsyosi tsyo mu lirova?

Jeremia 6:11

Kunangwa kigira yaga inze nzizuye ubutima bwa Yahova; lyegaya li nduhidzanga: u bu tsuke ku avana va veye ku inzira noku livugana lya vayai vasoleli, kigira kali musatsa halala nomukali wewe a la vugulwa, musakulu halala na uyu wizuye madiku.

Jeremia 7:20

Kigira yaga Mwami Nyasaye a vola: Henza, ubutima bwange nelivihiririrwa lyange vi la tsukwa hango hano, ku vandu, noku mitugu, noku misala gyemilimi noku makuyu gekivala; ga la hya, kandi si gu la siminywa mba.

Lisyoma lya Jeremia 2:4

U nyiye ubuta bwibwe kuli musigu, u singiye nomukono gwigwe mulungi kuli mudambidzi, Na wiiti vosi ava loleka kuva avokuyanzidza imoni: Mu lihema lyomukana wa Zioni u tsuki ubutima bwibwe kuli muliru.

Lisyoma lya Jeremia 2:6

U twulidzi netsingulu hokumenya hehe, kuli ha zana ha li milimi vutswa; wononnyi hokuvugana hehe: Yahova u koli livirirwa mu Zioni amasavo ga madiku manene nelisabato, Na mwami nomusalisi ya va lega mu livihirirwa lyobutima bwibwe.

Lisyoma lya Jeremia 4:11

Yahova u dukidzi ubutima bwibwe, u tsuki ubutima bwibwe bululu; U fwani muliru mu Zioni, nagwo gu sambi mise gyigye.

Ezekieli 20:34

Nda mu twulidza mu avandu, nokumuvungidza mu twule mu vivala vya mwa salannywa mu, nomukono gwobunyali, nomu kono gwa nyirwa nobutima bwa tsukwa;

Ezekieli 22:22

Kuli ifetha i salulukanga hagati hekisa mbiru, ni ndiyo mu li salulwa hagati hakyo; na mu la manya inze, Yahova mmali kutsuka ubutima bwange ku mwinye.

Danyeli 9:11

Yee, Vaisraeli vosi vononnyi malago gogo, nokugovera, va vule kuhulira mwoyo gugwo: kigira yaga lilaamwa li tsyukeywi ku kwinye, na lisuha lya ng'odwa mu malago ga Musa mutumiki wa Nyasaye; kigira kwoni kuye.

Danyeli 9:27

Na a la kola lilagana lidinyu na vanyingi ku inyinga yelisidza lilala: na ku inyinga yenusu yelisidza a la heridza isadaka na kihaanwa; na uyu u kolanga hatswa a ladza ku tsimbaha tsye livihiriridza; kuduka ku kiheri ligali, na yikyo kya saavirwa, ubutima bu la tsukwa ku yava va hatswa.

Hosea 7:16

Virana, navutswa si ga li ku uyu u veye igulu; va gwiye kuli ubuta bu ta li nobusoga; avanene vavo va la gwa nekivavi kigira ubululu bwetsinimi tsyavo: inkuva yiyi i la va kihenyahenye kyavo mu kivala kya Egepeti.

Nahum 1:6

Bwaha u nyala kusingira imbiri wobutima bwibwe? Ni bwaha u nyala kumenya mu bululu bwobutima bwibwe? Butima bwibwe bu tsukeywi kuli muliru, tsinyanda tsya tannyeywi na uyu.

Zekaria 8:13

Kandi ga la va kuli mwa li neli laamwa mu tsihiri, O inyumba ya Yuda nenyumba ya Israeli, ni ndiyo ndi mu honnya, na mu la va ubugasu. Mu ta tia mba, navutswa makono genyu ga ve netsingulu.

Livalidza 5:27

Na lwa a mala kumunwehidza amadzi, hene yaho ga la duka, na va ni yononywa, nokuhyola ku musatsa wewe, amadzi ga letanga kilaamo ga lingira muye, nokugwa malulu, na mbiri gwigwe gu la vimba, na ivadzwa yeye i la kamika: na mukali uyo a la va kilaamo hagati ha avandu veve.

Likunula 14:10

uyu kandi a la nwa iwaini yobutima bwa Nyasaye, obwetegeki bugira kutsukanywa mu kikombe kyobutima bwibwe; kandi a la saliridzwa nomuliru nekibiridi imbiri wetsingelosi avatakatifu, kandi imbiri wo Mwana Weligondi: