14 ni mu vola, Auwa; navutswa ku la tsia mu kivala kya Egepeti, kivala kya ku la vula kulola yo ubulwani, kinga kuhulira mwoyo gwekisiliva, kinga kuva nenzala ku lidaka vyokulia mba; ku la menya yo:
na avana va Israeli va va volera, Bwa li bulahi nkano kwa kudzira ku mukono gwa Yahova mu kivala kya Egepeti, ha kwikala himbi na tsinyingu tsyetsinyama, ha kwa lagira ubukima nokwiguta; kigira mwinye mu ku leti nokukuvika mu kyangalangwi yiki, kwiita kiduma yiki kyosi nenzala.
Na avandu va nyola yo ubuluhu; na avandu va monya Musa, ni va vola, Kigira ki wa kwanegiridza kutwula Egepeti kukwiita na avana vetu, nemitugu gyetu nobuluhu?
navutswa mwa vola, Auwa, kigira kulirukira ku tsiparasi; kunangwa mu liruka ligali: kandi, Ku la nina ku tsinyama tsyetsimbiru; kunangwa yavo va mu londerera va la va avetsimbiru.
Ubudamano bu ve ku yavo ava sulunguta Egepeti kunyola likonywa ava suuvira tsiparasi na va suuvira magari gobulwani kigira ga veye manyingi, va suuvira avanina tsiparasi kigira va veye avetsingulu, navutswa va vula kuhenza ku Uyu Mutakatifu wa Israeli, kandi si venya Yahova
Na kigira ki Yahova a ku leta mu kivala yiki kugwa ku kivavi? Avakali vetu na avana vetu vadoto va la gwa kilanye: kunangwa si bu li bulahi ku kwinye kwirana Egepeti?
ki veye kindu kikekeke ku ive kukuleta kutwula mu kivala ki gangulukanga maveere nobwuki, kuduka kukwiitira mu kyangalangwi, navutswa halala na yaga wiyidzominya mwene kuva munene ku kwinye?
Navutswa a ta kola tsiparasi tsitsye kuva tsinyingi, kinga a tirannya avandu Egepeti mba, a duke kukola tsiparasi tsitsye kuva tsinyingi; kigira Yahova ya mu volera, Kutwula kalunu mu tirana kandi ku inzira yiyi.
na ga veye, na a va na a hulira amakuva gevilaamo yivi, yegasidze mmwoyo gwigwe, a vole, Nda va nemirembe, kali ni ng'enda mu kirage kyomwoyo gwange, kumeda lihambika ku ubuluhu.