Jeremia 42:11 - KITABU KITAKATIFU

¹¹ Mu ta tia mwami wa Babuloni mba, wa mu tidzanga; mu ta mu tia mba, Yahova a vola: kigira inze mbeye halala nemwi nye kumuhonnya, nokumutwulidza ku mukono gwigwe.

Jeremia 42:11 ပူးပေါင်းရင်းမြစ်များ

2 Avami 25:26

Navandu vosi, avakekeke navanene, navanyampara navasikari, va singira nokusulunguta Egepeti; kigira va tia Vakalidei.

Zaburi 118:6

Yahova a veye halala ninze; si nda tia mba: Mundu a nyala kunkolera ki?

Zaburi 46:11

Yahova wa amahe a veye halala nekwinye; Nyasaye wa Yakobo a veye kyo kwivisa mu kyetu. [Selaha

Zaburi 46:7

Yahova wa amahe a veye halala nekwinye; Nyasaye wa Yakobo a veye kyo kwivisa mu kyetu. [Selaha

Isaya 41:10

u ta tia mba, kigira mbeye halala na ive; u ta genya mba, kigira mbeye Nyasaye wowo; nda ku vika tsingulu; yee, nda ku konya; yee, nda ku gu mira nomukono mulungi gwobulungi bwange.

Isaya 43:2

Lwa u vita mmadzi manene, nda va halala nive; nomumigera, gyi la vula kukwina; lwa u genda mmuliru, u la vula kuhya; kandi ulumemo lwomuliru si lu laaka ku ive.

Isaya 43:5

U ta tia mba; kigira inze mbeye halala nive: nda leta kisukululwi kikyo ki twule ivugwe, na nda ku vungidza kutwula madioli;

Jeremia 1:19

Va la lwana nive; navutswa si va la ku guuta mba: kigira inze mbeye halala nive kukuhonnya, Yahova a vola.

Jeremia 1:8

U ta tia mba kigira yavo; kigira inze mbeye halala nive kukuhonnya, Yahova a vola.

Jeremia 15:20

Nda kola ive u ve lidigi lyolugaga lwomugasa ku vandu yava; navo va la lwana nive, navutswa va la vula kukuguuta: kigira mbeye halala nive kukutungira nokukuhonnya, Yahova a vola.

Jeremia 27:11

Navutswa ihiri i la vika ligoti lyavo isi wenira yomwami wa Babuloni, nokumutumekira, nda leka ihiri yiyi i menya mu kivala kyavo avene, Yahova a vola; navo va la ki lima, nokumenya mukyo.

Jeremia 27:12

Nda volera Zedekia mwami wa Yuda kuli makuva yaga gosi, ni mbola, Mu vike amagoti genyu isi wenira yomwami wa Babuloni, mu mu tumekire uyu navandu veve, mu ve mwoyo.

Jeremia 27:17

Mu ta va hulira mba; mu tumekire mwami wa Babuloni, mu ve mwoyo: lidala yili li kolwe hatswa kigira ki?

Jeremia 41:18

kigira Vakalidei: kigira va va tia, kigira Ishmaeli mwana wa Nethania yiita Gedalia mwana wa Ahikam, womwami wa Babuloni ya mehidza ku kivala.

Livalidza 14:9

Navutswa mu ta hing'ana na Yahova, kandi mu ta tia avandu vekivala; kigira va veye ubukima bwetu: na kiriri kyokukinga kyavo kya twulidzwa kuvo, na Yahova a veye halala na kwinye: mu ta va tia mba.

Matayo 10:28

Kandi mu ta tia aviitanga mubiri mba, navu tswa si va nyala kwiita mwoyo: nu bulahi mu tie u nyala kudividza mwoyo kandi mubiri mu gehena.

Matayo 28:20

mu vegidze kugumira vyosi vya nda mu laga: kandi, henza, inze mbeye haiala nemwinye madiku gosi, kali kuduka ku kiheri kyenyinga.

Vikolwa 18:10

kigira mbeye nive halala, si ha veye nomundu u lidza ku ive kukwononnya: kigira mbeye navandu vanyingi mu lidala yili.

Varumi 8:31

Kunangwa ku vola ndi ku vindu yivi? Nyasaye na a reve ku luvega lwetu, ibwaha a veye musigu wetu?

Kwidzulitsa 20:4

kigira Yahova Nyasaye wenyu niye wimiriranga, kutsia kumulwanira ku vasigu venyu, a duke kumuhonnya.

2 Timoteo 4:17

Navutswa Mwami ya singira halala na inze, nokumpa tsingulu; nduke kugamba lilwadza nobudukiru bwalyo, avandu vosi ve Tsihiri va duke kuhulira: na inze nda honnywa mu munwa mweking'ang'a.

Joshua 1:5

Si ha la va nomundu ku vosi u nyala, kusingira imbiri wowo madiku gosi aga u va mwoyo: kuli nda li halala na Musa, ni ndiyo nda va halala nive; inze ligali si nda ku gehera mba, kandi si nda ku leka mba.

Joshua 1:9

Si nda ku laga? U ve mugulu nomuluviriri; u ta tia, kandi u ta kudza mwoyo: kigira Yahova Nyasaye wowo a veye halala nive hosi ha u tsitsanga.