Jeremia 40:11 - KITABU KITAKATIFU

¹¹ Kandi Avayuda vosi ava li ha Moabu, na hagati ha avana va Amon, na ha Edom, na yavo ava li mu vivala vyosi, lwa va hulira mwami wa Babuloni ya tigalidza litigala lya Vayuda, kandi u viki Gedalia mwana wa Ahikam mwana wa Shafan kuvo;

Jeremia 40:11 ပူးပေါင်းရင်းမြစ်များ

Litanga 36:8

Na Esau ya menya mu kigulu kya Seiru: Esau ni Edom.

Isaya 11:14

Na va la buluka hasi nokuduka ku mavega ga Vafilisiti ku luvega lwemadioli; navo halala va lononnya avana vevugwe: va la nyira mukono gwavo ku Edom na Moabu; na vana va Amon va la va hulira.

Isaya 16:4

U leke avandu vange va kungwa va menye halala nive; ku makuva ga Moabu, u ve kyokwivisa mu kuye imbiri wetsimoni tsya uyu u dividzanga. Kigira uyu u tungidzanga budinyu u mali kudividzwa, lidividzwa li heri, avadambidzi va divi va twuli mu kivala.

Jeremia 24:9

nda va twulidza va sigiswe yiyi na yiyi hagati ho ubwami bwelirova bwosi, ku budamano; va duka kuva linyega, nolugano, nekihenyahenye, nelilaamwa, hosi ha ndi va komolola yo.

Jeremia 41:10

Hene yaho Ishmaeli ya hila avahambe avandu vosi va tigala ha Mizipa, kali avakana vomwami, navandu vosi va tigala ha Mizipa, ava uyu Nebuzaradan munyampara wavalindi ya li ni ya va vika mmakono gwa Gedalia mwana wa Ahikam; Ishmaeli mwana wa Nethania ya va hila vahambe, na ya twula ho kutsia ku avana va Amon.

Jeremia 43:5

Navutswa Johanan mwana wa Karea, navanyampara vosi, va vugula avatigala va Yuda vosi, yava avirana kutwula mu tsihiri tsyosi tsya va kungwa kuhilwa mu, va menye mu kivala kya Yuda;

Jeremia 43:6

avasatsa, navakali, navana, navakana vomwami, nomundu sa mulala wa Nebuzaradan munyampara wavalindi ya leka mmukono gwa Gedalia mwana wa Ahikam, mwana wa Shafan; na Jeremia muprofeti, na Baruku mwana wa Neria.

Jeremia 9:26

Egepeti, na Yuda, na Edom, navana va Amon, na Moabu, na vosi ava vegwa amatsava mu lisu lyavo, avamenyanga mu kyangalangwi: kigira tsihiri yitsyo tsyosi si tsi kevwa mba, na vosi ava veye mu inyumba ya Israeli si va kevwa myoyo gyavo mba.

Ezekieli 25:12

Mwarni Nyasaye a vola ndi: Kigira Edom ya kuhing'ana nenyumba ya Yuda kwevanzira kisalya, nokwingira mu mahyolo ligali, nokwevanzira kisalya kuvo;

Ezekieli 25:2

Ivemwana womundu, henzidza mmoni mumwo ku luvega lwa avana va Amon, u profete ku makuva gavo:

Ezekieli 25:6

Kigira Mwami Nyasaye a vola: Kigira ive wa kong'onda amakono, nokukupa umuliviti nevirenge vivyo, nokusangala nelilega lyosi lyomwoyo gugwo ku kivala kya Israeli;

Ezekieli 25:8

Mwami Nyasaye a vola ndi: Kigira Moabu na Seiru va vola, Henza, inyumba ya Yuda i veye kuli tsihiri tsyosi;

Ezekieli 34:6

Amagondi gange ga vayavaya mu vigulu vyosi, noku kigulu sa kilala kitambi; yee, magondi gange ga li ni ga salannywa mu mmoni mwosi mwelirova; si ha li nomundu kali mulala kugateva kinga kugenya.

Ezekieli 35:15

Kuli wa sangala ku miyandu gyenyumba ya Israeli, kigira gya li hatswa, ni ndiyo ndi kolera ive: u la va hatswa, O kigulu kya Seiru, na Edom kyosi, yee kyosi: va la manya inze mbeve Yahova.

Ezekieli 35:5

Kigira ive wa li nobusigu bwa kazozo na wa vika avandu va Israeli ku tsingulu tsyekivavi mu inyinga yekivi kyavo, mu inyinga yobudamano bwa li nekiheri;

Ezekieli 5:12

Kidieli kikyo kyevivaka ki la kudza nobulwaye na va la heridzwa hagati hoho nenzala; nekidieli kyevivaka ki la gwa nekivavi ku tsimbega tsitsyo, neki dieli kyevivaka nda ki salannya ku tsimbuudza tsyosi, na nda somola kivavi ki va londe.

Ezekieli 5:3

Na u vugule ku lisu yilyo likekeke, u li bohe ku lukigiti lwevitweya vivyo.

Livalidza 22:1

Na avana va Israeli va samula, ni vombaka mahema gavo mu kivala kyekereremo kya Moabu engereka wa Yordani himbi Yeriko.

Livalidza 25:1

Na Israeli va menya mu Shitim; Na avandu va tanga kutsia mu malaya na avakana va Moabu:

Livalidza 25:2

kigira va langa avandu kutsia mu vihaanwa vya viitira avanyasaye vavo; na avandu va lia vyokulia, na va sigamira avanyasaye vavo.

1 Samweli 11:1

Hene yaho Nahashu Muamon yanegira, na a singeridza amahema gege ku Jabesh-gileadi: navandu vosi va Jabesh va volera Nahashu, Lomba lilagana na kwinye, na kwinye ku la ku tumekira.

1 Samweli 12:12

Na lwa mwa lola Nahashu mwami wavana va Amon a twulira mwinye, mwa mbolera, Auwa, navutswa mwami a lameha ku kwir ye; lwa Yahova Nyasaye wenyu ya li mwami wenyu.