Jeremia 4:8 - KITABU KITAKATIFU

⁸ Kigira yaga webohe ingubo yeli gunia, u syome, nokukupa tsikwili kigira ubutima bululu bwa Yahova bu vuli kwiranywa kutwula ku kwinye.

Jeremia 4:8 ပူးပေါင်းရင်းမြစ်များ

Zaburi 78:49

Ya tsuka kuvo ubululu bwobutima bwibwe, Livihirirwa, na ubudunyi, na kivi, Lya li lihila lyekiduma kyengelosi tsyobudamano.

Isaya 10:4

Bugira inze va linama isi wa vahambe, nokugwa isi wa yavo aviitwa. Navutswa ku yaga gosi ubutima bwibwe bu kikiri kugirunkanywa, navutswa mukono gwigwe gu nyireywi kuduka kalunu.

Isaya 13:6

Mu kupe tsikwili; kigira lidiku lya Yahova li veye ahimbi; li ladza kuli ubudivi budzanga bu twulanga ku Uyu Wanyala Vyosi.

Isaya 22:12

Mu lidiku yilyo Yahova, Yahova wa mahe, ya langa li ve ho lilira, nelisyoma, nokuvegwa mitwe, nokwivika tsingubo tsyamagunia:

Isaya 32:11

Mu degere mwinye avakali ava veye nobusosi, mu hende myoyo, mwinye ava ta ganagana ku kindu; mu navule tsingubo tsyenyu, mu gende kyahonyo, mwebohe tsingubo tsyamagunia mu vikenge vyenyu.

Isaya 5:25

Kigira yaga ubutima bwa Yahova bwaaki ku avandu veve, naye unyiye mukono gwigwe kuvo, nokuvakuya; nevigulu vi degera, nemibiri gyavo mikudzu gyi gwiye kuli amavivi hagati ha mahasi. Ku yaga gosi ubutima bwibwe bu kikiri ku girunkanywa, navutswa mukono gwigwe gu nyireywi kuduka kalunu.

Isaya 9:12

Vasiria ku; luvega lwe mbiri, na Vafilisiti ku luvega lwe nvuma; na va la mira Israeli nomu nwa mwalamu. Navutswa ku yaga gosi ubutima bwibwe bu kikiri kugiru nkanywa, navutswa mukono gwigwe gu nyireywi kuduka kalunu.

Isaya 9:17

Kunangwa kigira yaga Yahova si a la sangalira avasoleli vavo, kandi si a la vererera avabisandu na vakunzakali; kigira sa mulala va veye avanyegi navada mano, neminwa gyosi gvi volanga ubusiru. Navutswa ku yaga gosi ubutima bwibwe bu kikiri kugirunkanywa, navutswa mukono gwigwe gu nyireywi kuduka kalunu.

Isaya 9:21

Manase kulia Efiraim, na Efiraim kulia Manase: na vombi va la va nelihing'ana na Yuda. Navutswa ku yaga gosi ubutima bwibwe bu kikiri kugirunkanywa, navutswa mukono gwigwe gu nyireywi kuduka kalunu.

Jeremia 25:34

Mu kupe tsikwili, mwinye avayi, mu lire; mu galagale mu ligoke, mwinye avobunyali vekyayo; kigira madiku geliitwa lyenyu ga duki ligali, na gelisalanywa lyenyu, na mu la gwa kuli kiju kyokuyanzidza.

Jeremia 30:24

Ubutima bululu bwa Yahova bu la vula kwirana, kuduka lwa a mala likola, kuduka lwa a twekidza lisaavira lyomwoyo gwigwe: mu madiku gekiheri mu la manya yaga.

Jeremia 48:20

Moabu u leganyeywi; kigira li sasuguywi: mu kupe tsikwili mu lire, mu vole makuva ku Arnon, Moabu li koleywi kyanyi.

Jeremia 6:26

O mukana wavandu vandi, webohe ingubo yeligunia, nokugalagala mu ligoke: welombere lisyoma, kuli va syomanga ku likudza lyo mwana muyai muderwa, lisyoma lyobululu; kigira umulanyi a ladza ku kwinye nonoho.

Lisyoma lya Jeremia 1:12

Si ki veye kindu kya mwinye, mwinye vosi ava vitanga? Henze, mu lole, ni ha va ni ha veye nelivererera lindi kuli livererera lya mbeye nalyo, lya nkolerwa Lya Yahova u vereridzeye inze ku lidiku lyobutima bwibwe bululu.

Ezekieli 21:12

U lire u kupe tsikwili, ive mwana womundu; kigira kivavi ki veye ku avandu vange, ki veye ku avanene vosi va Israeli: va haaneywi va ve avekivavi halala navandu vange, kunangwa wekong'onde kwitango.

Ezekieli 30:2

Ive mwana womundu, profeta, u vole, Mwami Nyasaye a vola ndi: Mu kupe tsikwili, O bayaye ku lidiku yilyor

Joeli 1:13

Mwebohe na magunia, mu syome mwinye avasalisi; mu kupe tsikwili, mwinye ava tumikanga ku bwali; mudze, mu gone ubudiku bwosi mu magunia, mwinye avatumekiri va Nyasaye wange: kigira kihaanwa kyobusie na kihaanwa kyokunwa vigaliywi vi ta va mu inyumba ya Nyasaye wenyu.

Amosi 8:10

Na nda girunkannya madiku manene genyu ga ve lisyoma; na tsinyimbu tsyenyu tsyosi tsi la va lilira; na nda vika tsingubo tsyamagunia mu vikenge vyosi, na kyavusu ku mitwe gyosi: na nda ga kola ga ve kuli lisyomera umwana muyai muderwa, na kiheri ki ve kuli lidiku lilulu.

Mika 1:16

Welombere kyavusu, u vege lisu lilyo kigira avana va yanzidzanga ive: u galaminye kyavusu kikyo kuli indidzu; kigira va tsia mu butugwa kutwula ku ive.

Livalidza 25:4

Na Yahova ya volera Musa, U vugule avanene vosi va avandu, na u va sunge imbiri wa Yahova, imbiri weliuva, ubutima bululu bwa Yahova bwiranywe kutwulidzwa ku Israeli.