Jeremia 4:6 - KITABU KITAKATIFU

⁶ Mu ginge ibendera ku luvega lwa Zioni: mwiruke mu duke kuhona, mu ta li ndagira mba; kigira nda leta ubudamano kutwula ku luvega lwa kasika sini, nobudividzi ubunene.

Jeremia 4:6 ပူးပေါင်းရင်းမြစ်များ

Isaya 62:10

Mu vite, mu vite mu viribwa; mu lombe inzira yavandu; mu lunge kidze, mu lungekidze lihasi; mu twulidze magina galyo; mu gingire avandu ibendera.

Jeremia 10:22

Gu veye mwoyo gwamakuva, henza, gudzanga, umuliviti munene gu twula ku kivala kya kasikasini, kukola madala ga Yuda kuva hatswa, ga ve ubumenyo bwevibwe.

Jeremia 18:11

Kunangwa kalunu, u volere avandu va Yuda, na va menya mu Yerusalemi, u vole, Yahova a vola: Henza, nombanga ubudamano ku mwinye, nokusaavira lisaava ku mwinye: mwirane kalunu sa mulala a leke inzira yeye indamano, mu lombe tsinzira tsyenyu, nevikolwa vyenyu.

Jeremia 21:7

Na inyima wa yaga, Yahova a vola, Zedekia mwami wa Yuda, navatumekiri veve, navandu vosi ava li tigala mu lidala yili inyima wobulwaye zana, nekivavi, nenzala, nda va vika vosi mmukono gwa Nebukadirezaru mwami wa Babuloni, nommakono gavasigu vavo, nommakono ga yavo avenyanga livamwoyo lyavo: naye a la viita nobwogi bwekivavi; si a la va leka mba, kandi si a la va vererera mba, kinga kuva vera tsimbabasi.

Jeremia 22:7

Na nda lomba ku ive avokwononnya, sa mulala nevyuma vivye; na va la temaga mitaragwa gyigyo mitovole, nokugyisigisa mu muliru.

Jeremia 25:9

henza, nda tuma avatumwa nokuvugula ubwiko bwosi ku tsimbega tsya kasikazini, Yahova a vola, nda tuma avatumwa ku Nebukadirezaru mwami wa Babuloni, mutumekiri wange nda va leta vadze ku kivala yiki, noku avandu va menyanga kukvo, noku tsihiri tsyosi tsyoku tsimbega; na nda va dividza ligali, nokuvakola kuva kyokugenya, nokukunukirwa, nokuva hatswa mihiga nemihiga.

Jeremia 4:21

Nda lola ibe ndera kuduka inyinga ki, nokuhulira mwoyo gwekisiliva?

Jeremia 50:2

Mu landidze makuva mu tsihiri mwilwadze, nokusingeridza ibendera, mwilwadze, mu ta visa mba: mu vole, Babuloni li vuguywi, Bel u leganyeywi, Merodaka u timuki enkolo; vifwananyi vyalyo vi leganyeywi, vifwananyi vyokusigamirwa vyalyo vi tsyomwa hasi.

Jeremia 50:22

Ha veye nomuliviti gwobu lwani mu kivala, umuliviti gwobwoneku ubunene.

Jeremia 51:12

Mu singeridze ibendera ku madigi ga Babuloni, mu kole bulindi bwetsingulu, mu vike avalindi, mu lombe ava goneki: kigira Yahova u saaviye, nokukola aga ya vola ku yavo ava menyanga Babuloni.

Jeremia 51:27

Singeridza ibendera mu kivala, mu kupe kisiliva hagati hetsihiri, mu sone tsihiri kuye, mu lange ubwami bwa Ararati bu vunge halala kuye; na Mini, na Ashikenazu: mu vike umunene kuhing'ana naye; mu lete kuvo tsiparasi, tsyanegire kuli ubudziriri.

Jeremia 51:54

Mwoyo gwelilira li twulanga Babuloni, nelidividza linene li twulanga mu kivala kya Vakalidei

Jeremia 6:1

Mwiruke mu hone, mwinye avana va Benjamini, mu twule mu Yerusalemi, mu kupe kisiliva mu Tekoa, nokuginga ibendera ku Bethhakerem; kigira budamano bu ku henzera ku luvega lwa kasikasini, nelidividza linene.

Jeremia 6:22

Yahova a vola, Henza, avandu va twula mu kivala kya kasikasini; ihiri inene i la vukidzwa kutwula ku tsimbega tsyekiheri kyelirova.

Ezekieli 9:1

Hene yaho ya hanzuka mu matu gange nomwoyo munene, na a vola, Yavo ava hebwa kulinda lidala u va sunde himbi, sa mulala a ve nekyuma kikye kyokudividza mmukono gwigwe.

Ezekieli 9:2

Na henza, avandu vatano na mulala vadza kutwula ku inzira yekiribwa kya igulu, ku luvega lwa kasikasim, sa mulala ya li nekyuma kikye kyokwiita mmukono gwigwe; na hagati havo ya li ho mulala wivika ingubo yekatani, na ya li nechupa yobwino bwomung'odi mu mbalu mwimwe. Na vingira, ni va singira himbi nobwali bwomugasa.

Zefania 1:10

Kandi mu li diku yilyo, Yahova a vola, li la va ho liyoga lyelilira mu kiribwa kyetsisudzi, nelisyoma mu lusoma lwa kaviri, nomuliviti mu vigulu.

Zekaria 6:6

Na ligari li veye netsiparasi tsimwamu li tsia ku luvega lwekivala kya kasikasini; na lya li netsiparasi tsindavu li londerera inyima watsyo; na lyetsisembe lya tsia ku luvega lwekivala kya kusini.