Jeremia 4:5 - KITABU KITAKATIFU

⁵ Mu landidze mu Yuda, mwilwadze mu Yerusalemi; nokuvola, Mu kupe visiliva mu kivala: mu kupe uluku, mu vole, Mu vugane halala, kwingire mu madala golugaga.

Jeremia 4:5 ပူးပေါင်းရင်းမြစ်များ

Isaya 28:19

Tsinyinga tsyosi tsya ki vita hagati, ki la vugula mwinye; kigira ki la vita mugamba nomugamha, inyi nga yombasu na inyinga yobudiku; i la va litihidza lyere kumanya likuva.

Jeremia 11:2

Mu hulire makuva gelilagana yili, na u volere avandu va Yuda, na va menyanga Yerusalemi;

Jeremia 35:11

Navutswa ga duka, lwa Nebukadirezaru mwami wa Babuloni, lwa yanegira nokwingira mu kivala yiki kwa vola, Hamba, ku tsie Yerusalemi kigira ubutii bwelihe lya Vakalidei na kigira ubutii bwelihe lya Vasiria, ni ndiyo ku menya Yerusalemi.

Jeremia 5:20

Mwilwadze likuva yili ku inyumba ya Yakobo, mu li landidze mu Yuda, kuvola,

Jeremia 6:1

Mwiruke mu hone, mwinye avana va Benjamini, mu twule mu Yerusalemi, mu kupe kisiliva mu Tekoa, nokuginga ibendera ku Bethhakerem; kigira budamano bu ku henzera ku luvega lwa kasikasini, nelidividza linene.

Jeremia 8:14

Kigira ki kwikala makiriri? Mu vugane, na kwinye kwingire mu madala getsingaga, ku kiring'ane yo: kigira Yahova Nyasaye wetu u mali kukukiring'annya, nokukuha amadzi ge indulwe kunwe, kigira ku koleye Yahova ubwoni.

Jeremia 9:12

Ni bwaha wobugeeri, a duke kumanya yaga? Kandi ni bwaha womunwa gwa Yahova gwa mvoleye makuva, a duke kugalandidza? Kigira ki kivala yiki kyoneka nokuhya nomuliru kuli kyangalangwi, ki luhi ki duki kuvula kuva nomundu u vita hagati hakyo?

Ezekieli 7:14

Va kupi kisiliva na vetegekidziye vyosi; navutswa si ha veye nomulala u tsia mbulwani; kigira ubutima bwange bu veye ku bunyingi bwavo vosi.

Hosea 8:1

Vika kisiliva ku munwa gugwo. Kuli indidzu a twulira inyumba ya Yahova, kigira vononnyi lilagana lyange, nokuhyola ku malago gange.

Joeli 2:1

Mu kupe kisiliva mu Zioni, mu kupe uluku mu kigulu kitakatifu kyange; na avamenyi mu kivala vosi va degere: kigira lidiku lya Yahova lidzanga, kigira li veye himbi;

Amosi 3:6

Kisiliva ki nyala kukupwa mu lidala, navandu va vula kutia? Ubudamano bu la duka ku lidala na Yahova na a ta bu leta?

Amosi 3:8

King'ang'a ki mali kufwuma; ni bwaha u ta tia? Mwami Nyasaye a voye, ni bwaha u nyala kuvula ku profeta?

Livalidza 10:2

Welombere visiliva vyefetha; u la vi lomba nemiyinzi gyomutuli: na u la vi tumikira ku lilangira livugana, noku lisamulidza arandu ku hokusosa.

Livalidza 10:3

Na lwa va vi kupa, livugana lyosi lyevungidza ku ive ha kiliango kyelihema lyokuvuganira mu.

Joshua 10:20

Na ga duka Joshua na avana va Israeli lwa va li va mali kuviita neliita linene, kuduka ni va mali kudividzwa, navatigala kuvo lwa va mali kwingira mmadala getsingaga,