Jeremia 4:4 - KITABU KITAKATIFU

⁴ Mwekevere ku Yahova, mu twulidze magodo gemyoyo gyenyu, mwi nye avasatsa va Yuda, navamenyi Yerusalemi; gase ubutima bwange kuli muliru, bu laaka, a luhe a vule kuva ho u nyala kubusiminya, kigira ubudamano bwelikola lyenyu.

Jeremia 4:4 ပူးပေါင်းရင်းမြစ်များ

2 Kyetsinyinga 34:25

Kigira va ndeka, nokuvuyidza vimuli ku vanyasaye vandi, va duke kumbihiriridza nemi yinzi gyosi gyamakono gavo; kigira yaga ubutima bwange bu tsukwa hano, bu la vula kusiminywa.

Isaya 10:17

Na ubulavu bwa Israeli bu la va muliru na Mutakatifu a la va lumemo lwomuiiru; nalwo lu laaka nokusamba amafwa gege nolutavati lwilwe mu lidiku lilala.

Isaya 30:33

Kigira Kisambiru kya lombwa kwetegeka kutwula kale; yee, kya tegekidzerwa mwami; ya ki lomba ki ve kyoluliva nekinene: mahiga gakyo ga veye muliru netsinku tsinyingi; mwika gwa Yahova gu veye kuli mugera gwe kibiridi, gwaakidza muliru.

Isaya 51:17

Vuka, vuka, singira, O Yerusa lemi, ive u nweye mmukono gwa Yahova kikombe kyobutima bwibweive u nweye amaseke gekikombe kyokukudegeridza, nokukikamulula.

Jeremia 15:14

Na nda va hile va tsia halala navasigu vavo, vingira mu kivala kya u ta manya: kigira muliru gu fwanyeywi mu butima bwange, gu la dedima ku ive.

Jeremia 21:12

O inyumba ya Daudi, Yahova a ku volera, U lombe likalaga mugamba, u honnye yavo avafuulwa va twule mmukono gwo mudambidzi, gase ubutima bwange bu la twula kuli muliru, nokwaaka kuduka ha v ule kuva na u nyala kubusiminya, kigira ubudamano bwevikolwa vyenyu.

Jeremia 21:5

Na inze mwene nda lwana na mw inye nomukono gwa nyirwa nomukono gwetsingulu, mu livihirirwa, nomu bululu, nomu butima bunene.

Jeremia 23:19

Henza, kihi kya Yahova, ki veye ubutima bwibwe bwomuliru, bu twuli, yee, ki veye kihi kyekihudzudzi: ki la hudukira ku mitwe gyavadamano.

Jeremia 36:7

Namusia va la leta lisaala lyavo imbiri wa Yahova nokwirana sa mulala kuleka inzira yeye indamano: kigira livihirirwa nobutima bwa Yahova bu veye bunene ligali, bwa ya vola ku avandu yava.

Jeremia 44:22

Kuduka Yahova si ya nyala kwikudzira kandi, kigira ubudamano bwevikolwa vyenyu, kandi kigira kivihiri kya mu koli; kigira yaga kivala kyenyu ki gwiye hatswa, neligenya, nelilaamwa, kali si ki veye nomundu mukyo, kuli ga veye lero.

Jeremia 9:25

Henza, madiku gadzanga, Yahova a vola, mu madiku yago nda va ha mageli vosi avakevwa mu livula kukevwa lyavo:

Jeremia 9:26

Egepeti, na Yuda, na Edom, navana va Amon, na Moabu, na vosi ava vegwa amatsava mu lisu lyavo, avamenyanga mu kyangalangwi: kigira tsihiri yitsyo tsyosi si tsi kevwa mba, na vosi ava veye mu inyumba ya Israeli si va kevwa myoyo gyavo mba.

Lisyoma lya Jeremia 4:11

Yahova u dukidzi ubutima bwibwe, u tsuki ubutima bwibwe bululu; U fwani muliru mu Zioni, nagwo gu sambi mise gyigye.

Ezekieli 16:38

Na nda kalagira ive, kuli vakali va kwebwa ava heyanga, nokutahidza masahi, va kalagirangwa; na nda leta ku ive amasahi gobutima nagembodoka.

Ezekieli 18:31

Mu te amahyolo ge nyu gosi, aga mwa hyola mugo; mwelombere myoyo mihya na roho muhya: kigira ki mu la kudza, O inyumba ya Israeli?

Ezekieli 20:33

Kuli mbeye mwoyo, Mwami Nyasaye a vola, ligali inze nomukono gwobunyali, nomukono gwa nyirwa, nobutima bwa tsukwa, nda va mwami ku mwinye.

Ezekieli 21:17

Inze kandi nda kong'onda amakono gange, na ndigutidza ubutima bwange: Inze, Yahova mboye likuva yili.

Ezekieli 24:13

Mu budamano bubwo mu veye netsiganagani tsindamano: kigira nda kwogidza na ive si wa lava mba, u la vula kulava ku budamano bubwo ligali, nduhe nduke kwigutidza ubutima bwange ku ive.

Ezekieli 24:8

Ga duke kuleta ubutima kuvanza kisalya, inze mmali kuvika amasahi gege ku lwanda igulu ga vule kufumwa.

Ezekieli 44:7

kigira mwinye mwa leta avageni, nokuvavika mugati, avasindi vemyoyo, navasindi vemibiri, va ve hango hange hatakatifu, kuduka kwononnya ho kali inyumba yange, lwa mu haana nga ubukima bwange, na maguta na masahi, navo vononnya lilagana lyange, kuduka kumeda kivihiri kyenyu kyosi.

Ezekieli 6:12

U veye ihale ligali a la kudza ku bulwaye zana; na u veye himbi a la gwa ku kivavi; na u tigala nokwigalirwa mu lidala a la kudza kigira inzala: ni ndiyo ndi twekidza ubutima bwange kuvo.

Ezekieli 8:18

Kigira yaga inze kandi nda kola mu butima bwange; imoni yange si i la leka, kandi si nda va netsimbabasi mba; kali ni va hanzuka mu matu gange, si nda va hulira mba.

Kyavalevi 26:28

inze kandi nda genda nelihing'ana ku mwinye mu butima bwange; na kandi nda mu kupidza kivi hali katano na kaviri kigira ubwoni bwenyu.

Kyavalevi 26:41

inze kandi nda genda mu lihing'ana kuvo, na nda va leta mu kivala kyavasigu vavo: hene yaho myoyo gyavo gya vula kukebwa, ni gyi va ni gyi gehidzwa, navo va bugirira amageli gobwoni bwavo;

Amosi 5:6

Mwenye Yahova, na mu la va mwoyo; gase a laaka kuli muliru mu inyumba ya Yosefa, na gu la samba, na a la vula kuva ho u nyala kugusiminya mu Betheli.

Zefania 2:2

lwa lilaga li kikiri kwi vula, lwa lidiku yilyo li kikiri kuvita kuli mukuudzi, lwobutima bululu bwa Yahova bu kikiri kuduka ku mwinye, lwa lidiku lyobutima bwa Yahova li kikiri kuduka ku mwinye.

Varumi 2:25

Kigira likevwa li konya ligali, ive nu u londa lilaga: navutswa nu wononnya lilaga likevwa lilyo li gwiye li vula kukevwa.

Kwidzulitsa 10:16

Kunangwa mu keve ligodo lyomwoyo gwenyu, na mu vule kuva nemyoyo midinyu kandi.

Kwidzulitsa 30:6

Na Yahova Nyasaye wowo a la keva mwoyo gugwo, nomwoyo gwa avana vovo, u duke kuyanza Yahova Nyasaye wowo nomwoyo gugwo gwosi, na roho gugwo gwosi, u duke kuva mwoyo.

Kwidzulitsa 32:22

Kigira muliru gu fwaneywi mbutima bwange, Gwakanga kuduka mu Kihadisi kyoluliva, Nagwo gu liye lirova halala nelimedeka lyalyo, Nokwadukidza muliru ku mise gyevigulu.

Vakolosai 2:11

Wa mu mali kukeverwa mu nelikevwa li ta kolwa namakono, mu lifwuvula lyomubiri gwenyama, mu likevwa lya Kristo;