Jeremia 4:31 - KITABU KITAKATIFU

³¹ Kigira mbuliye mwoyo kuli muoyo gwomukali u veye mu lilumwa, litsunwa kuli uyu wivulanga mwana wewe wokutanga, mwoyo gwomukana wa Zioni, uherananga kunyola mwika, nokunyira amakono gege, na a vola, O bayaye ku inze kalunu kigira mwoyo gwange gu kudzanga imbiri wa valumindi.

Jeremia 4:31 ပူးပေါင်းရင်းမြစ်များ

Litanga 27:46

Na Rebeka ya volera Isaka, Ubuhindiri bwange bu luhi kigira avakana va Hethu; ni i va Yakobo a vugula mukali ku vakana va Hethu, kuli avakana yava vekivala, ubuhindiri bwange bu la va nobulahi ki?

Ayubu 10:1

Mwoyo gwange gu luhi ku livamwoyo lyange; Nda ha likenya lyange ubwiyangu; Nda vola ku litsunwa lya mbeye nalyo mu mwoyo gwange.

Zaburi 120:5

Ubudinyu bu veye ku inze kigira mmenya mu Mesheki, Kigira mmenya mu mahema ga Kedari.

Isaya 1:15

Lwa mu nyira makono genyu, nda visa tsimoni tsyange mbule kumulola; yee, lwa mu saala lisaala linyingi, si nda li hulira mba; makono genyu gizuye masahi.

Isaya 13:8

na va la va nobutii: lilumwa nelisalira li la va gumira; va la kenya kuli mukali u veye mu lilumwa: na va la genyerana sa mulala nowakye; mumoni mwavo mu la va mumoni mwolumemo.

Isaya 21:3

Kigira yaga kikenge kyange kizuye ubusaliri bunene; lilumwa li ng'umiye, kuli lihlmwa lyomukali u veye nelilumwa lyelivula: numangwa ligali kuduka si nyala kuhulira; ng'enyanga kuduka si nyala kulola.

Isaya 26:17

Kuli mukali u veye inda, yisundanga himbi ku inyinga yeye yokwivula, a vedzanga mu lilumwa nokulira ku busaliri bwibwe; ni ndivo kwa li imbiri wowo, O Yahova.

Isaya 42:14

Inyinga intambi nkiring'ani; nzehodzeridzi, nokwegaya: kalutlu nda hanzuka kuli mukali u lumangwa nda nagira myika nokuherana halala.

Isaya 6:5

Hene yaho nda vola, Budamano bu veye bu inze kigira mbweye; kigira mbeye mundu weminwa mida mano, na mmenya hagati ha avandu aveminwa midamano: netsimoni tsyange tsi loli Mwami, Yahova wa mahe.

Jeremia 10:19

O bayaye ku inze kigira ulugoma lwange inkwagu yange i tsunanga ligali: navutswa nda vola, Ligali bu veye ubuverere bwange ga ndukira ku bu ginga.

Jeremia 13:21

U la vola ki ive lwa a vika yavo kuva mutwe ku ive, wa ive mwene u vegidza va ve avalina vovo? Ubusaliri si bu la ku gumira kuli mukali u veye mu lilumwa lilyei

Jeremia 14:18

Ni ntwula kutsia mmulimi, henza, aviitwa nekivavi ni nzingira mu lidala, henza, avalwaye kigira inzala kigira muprofeti nomusalisi vombi va tsia yiyi na yiyi mu kivala kya va ta manya.

Jeremia 15:18

Kigira ki lisalira lyange li tsitsagil'langa madiku gosi, nolugoma lwange, kigira ki si lu nyala kuhonywa, lwa sula kuhonywa? Iigali ive u la va ku inze kuli kisenukiru kyamadzi ki gadanga, kuli amadzi ga kamanga?

Jeremia 18:21

Kunangwa kigira yaga haana avana yavo va lola inzala, u va haane va ve isi wetsingulu tsyekivavi; navakali vavo, avana va gote kuvo, navo va ve avakunzakali; na avasatsa vavo viitwe nelikudza, na vasoleli vavo vayai viitwe nekivavi mbulwani.

Jeremia 22:23

O ive u menyanga Lebanon, wombakanga kyaalira kikyo mu mitaragwa, kuli ga li ku dukira ku vereerwa lwa lilumwa li duka ku ive lilumwa kuli lyomukali wivulangai.

Jeremia 30:6

Mu teve kalunu, mu lole namusia musatsa a la va nelilumwa lyelivula: ga veye kigira ki inze kulola avasatsa vosi namakono gege wegumiye ku tsimpigu, kulimukali u lumangwa, nommoni mwosi mu galuye?

Jeremia 45:2

Yahova Nyasaye wa Israeli, a volera ive Baruku:

Jeremia 48:41

Keriothu li vuguywe, netsimpinga tsi gumeywi, lidiku yilyo myoyo gya valuviriri va Moabu gyi la va kuli mwoyo gwomukali u lumangwa.

Jeremia 49:22

Henza a lanegira nokubuluka kuli indidzu, nokuvambula tsimbaha tsitsye ku Bozra: nelidiku yilyo mwoyo gwavaluviriri va Edom gu la va kuli mwoyo gwomukali u lumangwa.

Jeremia 49:24

Damasko, tsingulu tsitsye tsi gehi, u girunkani a duke kwiruka, u gumeywi nelidegera: kivi neliverera vi mu gumiye, kuli mukali mu lilumwa lilye.

Jeremia 50:43

Mwami wa Babuloni a huliye makuva gavo na makono gege ga dendeya: kivi ki mu gumiye, nelitsunwa kuli mukali mu lilumwa lilye.

Jeremia 6:2

Mukali mulahi nowesyaha, mukana wa Zioni, nda mu kalaga kumutwulidza.

Lisyoma lya Jeremia 1:17

Zioni a nyiranga makono gege; si ha veye kali mulala u mu leminya mwoyo; Yahova u haane lilaga ku makuva ga Yakobo, ava mu kumbiridzanga va veye avadambidzi veve: Yerusalemi hagati havo u gwiye kuli kindu ki veye nobudamano.

Lisyoma lya Jeremia 1:20

Henza, O Yahova; kigira mbeye mu lidambidzwa, mwoyo gwange gu kaliki; Mwoyo gwange gu gwirani mu inze; kigira nzebaaye nobululu: Kyova kivavi kiitanga avana, mu nyumba mu veye kuli likudza.

Lisyoma lya Jeremia 2:21

Muyai nomusakulu va gona hasi mu mahasi; Avakana vagima vange navasoleli vange va gwiye ku kivavi: U viiti ku lidiku lyobutima bu bwo; u viiti, na si u va vereye tsimbabasi mba.

Hosea 13:13

Ubusaliri bwomukali u lumangwa bu la duka kuye: a veye mwana u ta veye nobugeeri; kigira inyinga i duki i ta dukana kusingira ha avana va hudula va twule.

Mika 4:10

U ve nelilumwa u kupe lukwili u duke kwivula O mukana wa Zioni, kuli mukali wivu langa; kigira kalunu u la twula mu lidala, na u la menya mu mulimi, na u la duka kali ku Babuloni: ha zana u la honnyirwa ho, ha zana Yahova a la ku tungira u twule mmukono gwavasigu vovo.

Mika 4:9

Kalunu kigira ki u kupanga tsikwili? Si ha veye nomwami mu ive, muvoli wowo wa diva, u luhe u gimiywi nelilumwa kuli mukali wivulanga?

Mika 7:1

O bayaye ku inze kigira mbeye kuli lwa va mali kwagula makuyu genyinga yoluya, kuli mazabibu ga dolangwa mu inyima yelyagula: nekiganda si ki nyoleka kulia; nomwoyo gwange gwenyanga makuyu gokutanga kwenga.

Matayo 21:5

Mu volere mkana wa Zioni, Henza, Mwami wowo yadza ku ive, Muhooma, u nini kwisukiri, Noku kimoli kyesukiri.

1 Vakorintho 9:16

Kigira kali ni nzilwadza ivangeli, si mbeye nago kwiidzominya; kigira mbikeywi linigwa; kigira ubudamano bu veye ku inze ni mbula kwilwadza ivangeli.

1 Vatesalonike 5:3

Lwa va volanga, Gyi veye mirembe kandi lyelemeridza, hene yaho ubwoneku bu la va nyola bwangu, kuli lilumwa lyelivula li dukiranga u veyenda, navo ligali si va la hona mba.